الموضوع: 10 نصائح هتغير من نطقك للانجليزي

جامد جدااااااا

أنا جبت ال channel بتاعته على يوتيوب
https://www.youtube.com/user/IhabRamzi1/videos
وده فيديو مختار من فيديوهاته الجامدة
https://www.youtube.com/watch?v=dWA3rD48geA

المشاركة الأصلية كتبت بواسطة dede_dodo88

شكل القناة دي قديمة, أجدد فيديو بقاله سنتين..
بس كويس أنك حطيت الفيديو ده بتاع الـ British vs American
تعالالي في ملعبي :)

أولاً, أنا مش مبسوط من تريقته الكتير على اللكنة المصرية للأنجليزي, الأنجليزي المصري أحسن بكتير جداً من أنجليزي دول تانية بتتكلمه كلغة ثانية, على الأقل المصري مفهوم جداً..
جزء كبير من عدم صحة نطق كتير من الكلمات بيكون بسبب تأثير اللغة الأم على اللسان "Mother Tongue Influence"
ثانياً, مقدم الفيديو عنده نفس المشكلة, و للأسف مخدش باله منها في فيديو المفروض أنه تعليمي,
دي شوية ملحوظات ليا على نقط هو مكنش دقيق فيها,
*هو بالغ أوي في أظهار الفرق في نطق كلمة "Go" على الرغم أن الفرق أبسط من كده, و الطريقة اللي قالها بالـBritish تكاد تكون مضحكة..
*هو عنده مشكلة في أنه يفرق في نطق الـ i عن الـ e.. و تقريباً كرر نفس الغلطة في كل كلمة,,
نطقه لكلمة "Spelling" هو نطق "Spilling"
"Red" نطقها كأنها "Rid",
"Better" نطقها زي "Bitter"
"Lift" قالها على أنها "Left"
*لما كان بيقول حنفية لها معنيين, كان يجدر بيه يقول كلمة "Faucet" بنطقها الأمريكاني طالما هو بيوضح الفرق, لكن هو قالها باللكنة البريطاني..

هو أنا معاه بصراحة في نقد اللهجة المصرية لأنها في الضياع وميشفعلهاش ان في ناس تانيين أسوأ !
يعني اسمع كده اللهجة دي وقولي بالله عليك ده يتقال عليه انجليزي ؟!

https://www.youtube.com/watch?v=RHzTZxAUOkA

أما بالنسباله فأنا فعلا لاحظت كلمة Lift لما راجعت الفيديو تاني ودي حاجات لازم تقع منه لأنه مش Native Speaker ومهما عمل مش هيقدر يتكلم زيهم تيبيكال خاصة لو كان اتعلم اللغة على كبر أو لوثها باللهجة المصرية وبعدين حاول يعدلها بس في المجمل الواحد استفاد فعلا من نصايحه كتير ومحدش هيقدر ياخد باله من الفروقات البسيطة دي غير الناس اللي فاهمة كويس زي حضرتك كده :)