مشكلة فى فتيس صنى اوتوماتيك الشكل القديم......أرجو المساعدة

**ahmscu** · 14-12-2014 08:11 PM

سلام عليكم جميعا ويارب تكونوا بالف خير
أنا معايا نيسان صنى اكس صالون الشكل القديم موديل 2012 وماشيه 25 الف كيلو وظهر من فترة عيب فى الفتيس الاوتوماتك وهو ان العربيه بتغيب فى النقلات والار بى ام بيعدى 3 من غير ماينقل للنقله اللى بعدها مع ان العربيه مابتبقاش محمله ولا بتكون على مطلع بس السحب بيكون كويس.
ناس قالتلى غير زيت الفتيس وناس تانيه قالتلى اكشف عليها كمبيوتر وناس قالتلى شوف حساس الكمبيوتر.
الصراحه انا محتار ومش عايز عك فى العربيه لانها تعتبر لسه جديده......ياريت تفيدونى ولو هيبقى تغيير زيت فياريت تقولولى على احسن نوع زيت ولو كشف كمبيوتر يبقى ياريت اعرف احسن مكان بره التوكيل لان العربيه طلعت من الضمان والتوكيل ممكن يعملى من البحر طحينه ويقولى غير الفتيس.
والف شكر مقدما

**ARKOON** · 14-12-2014 08:41 PM

موضوع قريب من دا كان عندي في الالتيما 92 بين النقلات من التاني والتالت كان الار بي ام يعلي وبعدين ينقل بيعمل زي لاج كدا . انتا ممكن تكشف في التوكيل عادي مش لازم تكون في الضمان الضمان ملهوش لازمة الى هيا يعني بيشيل المصنعية وبيغير الجزء التالف بعد ما يطلع عين الواحد ويثبت انه عيب تصنيع منهم ومش سوء استخدام .
انا رأيي ان حضرتك تروح تكشف عليها في التوكيل احسن وتعرف المشكلة زي ولا حاجة في الفتيس وان شاء الله الموضوع يكون سهلة وتتحل المشكلة .

**ahmscu** · 14-12-2014 10:38 PM

المشاركة الأصلية كتبت بواسطة arkoon

موضوع قريب من دا كان عندي في الالتيما 92 بين النقلات من التاني والتالت كان الار بي ام يعلي وبعدين ينقل بيعمل زي لاج كدا . انتا ممكن تكشف في التوكيل عادي مش لازم تكون في الضمان الضمان ملهوش لازمة الى هيا يعني بيشيل المصنعية وبيغير الجزء التالف بعد ما يطلع عين الواحد ويثبت انه عيب تصنيع منهم ومش سوء استخدام .
انا رأيي ان حضرتك تروح تكشف عليها في التوكيل احسن وتعرف المشكلة زي ولا حاجة في الفتيس وان شاء الله الموضوع يكون سهلة وتتحل المشكلة .

الف شكر لحضرتك على الاهتمام والرد بس ياريت اعرف المشكلة عندك طلعت فين بالضبط؟
وبرضه ياريت حد يقولنا على مكان بره التوكيل لانى جربت الصراحه بتاع الهايكستب وتجربتى معاه غير جيده

**ahmedamgad18** · 14-12-2014 10:49 PM

انا افضل حتى تكشف فى التوكيل على الاقل تعرف السبب وتصلح بره ؛ لان فى موضوعات اتكتبت هنا عن عيب فى نقلات والتجميع خصوصا فى هذا الموديل وكان عيب ضفيرة الكهربا ... حضرتك ممكن تعمل بحث فى المواضيع على المنتدى وحتستفيد اكيد

**م/أحمد عبد الفتاح** · 14-12-2014 10:59 PM

قيس الأول زيت الفتيس والعربية دايرة والفتيس على الـ p يمكن يكون ناقص يبقى عرفت انك عاوز تكمله او تغيره ونوع الزيت بتاع الفتيس بيبقى مكتوب فى الكتالوج بتاع العربية

**kaza** · 15-12-2014 12:25 AM

غير الزيت بزيت شيل اللي 55جم اللتر وشوف لو الفتيس استجاب يبقي الزيت ماكانش مطابق للزيت الخاص بالفتيس ولو مااتحسنش يبقي مشكلة في البلوف وبتتغير في التوكيل ..العربية عندي عملت 390000 كم والرقم مضبوط وماجيتش ناحية الفتيس بس عمل معايا تاخير في الغيارات بعد الدوران في بدء الحركة بسبب اختلاف الزيت

**هيثم عابدين** · 23-02-2015 08:19 PM

سيدي الفاضل
الرجاء التأكد من مقياس زيت الفتيس ان يكون ما بين الشرطتين المشرشرين اي min عند العلامهاللي زي المقطو عه او < اللي من تحت و اللي max العلامه العليا <
لان زياده الزيت اخطر من نقصانا في الدورات المقفوله( الفرامل و البِاور و الفتيس)
و الفتيس بياخد ٤لتر و انصحك بمتابعته