لمبة الموتور بتنور والعربية بتبطل

**watzmann** · 15-12-2014 10:06 AM

السلام عليكم

امبارح كنت ماشى بالعربية على طريق سريع و لقيت فجأة ال rpm بقا صفر و العربية بطلت ولمبة الموتور نورت . المهم ركنت على جمب و بطلت العربية و دورت تانى لقيت العربية ماشية تمام ولمبة الموتور طفت.

طبعا هروح التوكيل إن شاء الله بس بردو حابب اسمع منكم الاحتمالات

شكرا

محمد

صنى 2010 عاملة 150

**hemaa_82** · 15-12-2014 11:02 AM

عادي ان الار بي ام ينزل طالاما بطلت ....
انت كنت مدي غيار ولا ممور ؟؟؟

ممكن يكون سدد و راح لحاله في البنزين ... تهيسة طرمبة بنزين ... قفشة موبينه ....

رأي لو محصلتش تاني متحطش في دماغك ....

**hemaa_82** · 15-12-2014 11:04 AM

القصد ان اللي حصل ان العربية بطلت فكل الانوار بتاعت الكونتاكت نورت .... لمة المتور ... الزيت .. البطارية ... والعدادات نزلت "ار بي ام" ... ده عادي طالاما بطلت ....

السؤال يكون بقي بطلت ليه ..... ؟؟
و زي ما قولتلك ... طالاما مرة وخلصنا ... متشغلش نفسك زيادة عن اللزوم

**watzmann** · 15-12-2014 11:20 AM

كنت ماشى على ال D , عموما علشان اعرفك بقيت القصة من 6 شهور كان حصل ان العربية بتبطل لوحدها بس كل الانوار بتنور رحت التوكيل قالولى كانت Injection gate عايزا تنضف و فعلا الموضوع اتحل

اليومين دول بقا الموضوع مختلف شويا انها لما بتبطل لمبة الموتور بس اللى بتنور وانا الحقيقة مستنتش على طول وقفت على جنب فكل الانوار بطلت و دورتها تانى .

**watzmann** · 20-12-2014 06:09 PM

يا جماعة المشكلة حصلت تانى بس بشكل مختلف , كنت راكن حوالى ساعة ونزلت ادور العربية لقيتها بعد متدور اجى اطلع تقوم واقفه , المهم 3 اربع مرات وفضلت دايرة ..... روحت التوكيل بس كان الوقت كتاخر قالولى يمكن تكون بوابة الانجكشن قولتلهم لأ انتم نضفتوها قريب قالى طيب يبقا كدا ضفيرة الكهرباء عايزا تتغير .

هما الناس بتوع التوكيل بتغير كدا كتجربة ؟. وبعدين لو فعلت ضفيرة هل ممكن اغيرها برا التوكيل ولا الموضوع دا يفضل هناك ؟

العربية عامله 150 الف