المطبات في كل حته، مطب ال na الجديد ونصيحه لوجه الله

**mhmd_farouq** · 15-12-2014 01:57 PM

وحوش المنتدى ارجو تحذير كل قرايبكو ومعارفكو، الواحد مبقاش عارف يمشي براحته في الشوارع، كل يوم مطب جديد وفي اماكن غريبه،، خد عندك مطبين جداد في طريق ال n.a اللي بيودي على التجمع ومطبين زيهم الناحيه التانيه المطبات موجوده قرب محطه وطنيه " اللي بس فيها البنزين اللي مش مغشوش" المهم وانا راجع من التجمع لقيت بتاع اتنين لبسوه على سرعه عاليه لانه بدون علامات، كل ده والدنيا نهار اومال بلليل هيحصل ايه" اللهم استرها علينا" بص يا سيدي بقا نصيحتي ليك انك في اي طريق متزودش عن ٦٠ كيلو بالذات لو انت مش عارف الطريق عشان تقدر تتصرف لو فيه حاجه لاقدر الله، خلي بالك المطب بيتعمل في ليله والله، يعني تكون ماشي في طريق انت عارفه اوي تاني يووم تلبس مطبه، بالذات لو عربيتك جديده حوال انك تمشي على مهلك وربنا يكفينا شر الطريق، ارجو ابلاغ جميع الناس بالمطبات اللي تسمع عنها لانها قاتله فعلا، واللي يكتشف حاجه جديده ياريت يشاركنا بيها، بالتوفيق

**ahmed_moeaz** · 15-12-2014 03:55 PM

حسبى الله ونعم الوكيل يامة ارواح راحت هدر بسبب ام المطبات العشوائية دى والله العظيم حسبى الله ونعم الوكيل
اعمل مطب مش بنقول متعملش مطب ، بس الدولة هيا اللى تعمل وبناء على متطلبات ومعايير محددة ووسائل تحذير محترمة وربنا يكفينا شر الطريق

**Abo_Mazen** · 15-12-2014 06:12 PM

هو المطب ده أهالي ولا حكومه

**speed_magnum** · 15-12-2014 07:58 PM

كنت هاكلهم النهارده بس ربنا ستر
كله ياخد باله يا جماعه المطبات مالهاش اي علامات

**ahmedelrayan** · 15-12-2014 11:51 PM

انا بحس ان الناس دى بتتفنن ازاى تبوظ عربيتنا بجد حاجة غريبة جدا

**M.Elwan** · 16-12-2014 07:08 AM

انا دلوقتي بقيت متأكد ان المطبات دي مش هدفها حماية أرواح المواطنين والكلام الفاضي اللي بيقولوه ده
المطبات دي معمولة عشان يأذيك باي طريقة المهم متعرفش تعيش مستريح وبتتعمل اول ما يحسوا ان الناس مستريحة في طريق معين يبدوءا ينكدوا علينا تحس انها خطة مش موضوع عشوائي والخطة بتنجح معاهم اول ما يلاقوا بعد انشاء المطب كمية الحوادث اللي بتحصل عليه عشان كده المطلبات بتتعمل بليل وفي وقت قياسي وكمان في مكان ضلمة عشان متاخدش بالك منها

**mohkhattab** · 16-12-2014 09:07 AM

انا اول ما شوفت المطبين امبارح صعقت
ازاى طريق سريع و تعمل فيه مطبين ؟؟؟؟
حسبى الله و نعم الوكيل

**windofchange** · 17-12-2014 09:32 AM

المشاركة الأصلية كتبت بواسطة m_m_sh_a

هو المطب ده أهالي ولا حكومه

أهالي

**عصير قصب** · 17-12-2014 10:00 AM

يا جماعه حرام عليكم
طالبه فى اولى جامعه ماتت واحد حبطها ماتت فى الحال كان سايق على 120 وهرب
بالاضافه الى ان المكان ايلى اتعمل فى المطب قصاد دار الدفاع الجوى 2 نادى اجتماعى و رواه كتير جدا ايلى جمب الاستاد ومسجد المشير وفى مول هناك جديد اليوتيرن هناك خطيررررررررر
ومش بنعرف نلف خالص خالص من العربيات الصواريخ محدش مستنى حد يعدى
كان لازم مطبات فى الشارع ده
والموظفين ايلى بيشتغلوا هناك وبيعدوا محدش كان بيعرف يعدى الطريق
بصوا للناس ايلى ماشيه على رجلها شويه وبلاش انانيه
وامشوا براحتكم بسرعه على طرق السفر المخصصه لده انشا الله تطيروا انتو حرين

-

الموضوع: المطبات في كل حته، مطب ال na الجديد ونصيحه لوجه الله

LinkBack

أدوات الموضوع

عرض

-

-

-

-

-

المواضيع المتشابهه

Gen 2 ونصيحه لوجه الله!

خدمة لوجه الله جزاكم الله خيرا عنى

مساعدة لوجه الله

يا جماعة الله يخليكو عايز ميكانيكي كويس مساعدة لوجه الله

الكلمات الدلالية لهذا الموضوع

المفضلات

المفضلات

ضوابط المشاركة