الموضوع: شكلي غيرت الكاوتش غلط..ارجوا الافادة

المشاركة الأصلية كتبت بواسطة ahmednaif79

السلام عليكم ورحمة الله
كل عام واعضاء نايل موتورز بالف صحه وخير
معي نيسان تيدا سيدان 2011 عاملة 30000كم
المهم.. في صيانة ال20000كم اخبرني التوكيل بضرورة تغيير الكاوتش لانه مشقق ولا يصلح لانه انتاج 2010 وان ده السبب في شكواي دائما من العفشة
المهم من حوالي شهر ونص روحت ادور على كاوتش مناسب. روحت فيت أند فيكس و تاير منيا وكنت ناوي اغير الجنط من 185/65r15 الى 195/55r16 زي المقاس الموجود على قايم العربية
المهم قالولي خسارة الجنط الاصلي ال15مش هتلاقي ذيه ومش هتلاقي واحد يستحمل ذي الاصلي بتاع العربيه وقالولي ممكن تعرض الكاوتش.. قلت تمام ماشي ايه المقاس المناسب للتعريض فاخبرني مهندس تاير مانيا المحترم الخلوق انه يمكن التغيير الى 195/65r15او205/60r15 بريدجستون تايلاندي B52 انتاج الاسبوع الثالث عشر في 2014
المهم اخبرني ان مفيش مشكله وانه مناسب ولن يؤثر على العفشة وهيزيد من الثبات بشكل كبير و يزود استهلاك البنزين بنسبة بسيطة
المهم غيرت للمقاس 205/60r15
الملاحظ.. العربيه اصبحت اكثر ثباتا ورسوا على الارض وانعم في الاحساس بالمطبات والنقر
كذلك حاسس ان استهلاك البنزين ذاد بشكل ملحوظ
المهم..... روحت التوكيل في صيانة ال30000كم واخبرت المهندس بما فعلت واخبرني م/أحمد المدني بان ما فعلته خطأ وان ذلك سيؤثر على العفشة
المطلوب..... هل ده هيأثر على العفشة بشكل سيئ بمعنى هيبوظها يعني و في الحالة دي ايه الحل؟؟؟
ثانيا.... ايه هو الضغط النيتروجين المناسب للاطار الجديد بعد التعريض؟؟؟ هو كان حسب القايم على المقاس الاصلي القديم 185/65 كان 33 ورا وقدام
هل الضغط ده هيتغير بعد التعريض ل205/60
افيدوني بسرعة بارك الله فيكم لاني بدأت اتعقد واكره العربيه كلها
اعمل ايه ارمي العجل اللي مكملش 1000كم؟؟؟؟؟!!!!
اسف للاطاله

لا طبعاً اوعى ترمى الكاوتش... انا رأيى الاتى:
1-استهلاك البنزين طبعاً هيزيد لان مساحة الاحتكاك مع الارض زادت بنسبة 205/185 اللى هى عرض الكاوتش عند التلامس مع الارض .. يعنى زيادة حوالى 10 بالمائة. خد بالك الفريكشن فورس "friction force" هتبقى وزن العربية باللى فيها مضروب فى معامل الاحتكاك اللى انا طبعا معرفهوش لانه خاص بالكاوتش اللى انت اشتريته. لكن مع تثبيت معامل الاحتكاك فى الكاوتشين القديم و الجديد هيكون اللى الاختلاف الوحيد فى العرض اللى هو 205 يعنى زيادة عن القديم 10 بالمائة . اذن مفاقيد الحتكاك مع الارض زادت بنسبة 10 بالمائة.. عشان كدة استهلاك البنزين زاد .. عرض الكاوتش طبعا بيزيد من الاستهلاك فى البنزين .. فهمتنى كدة

2- ضغط الكاوتش: معلوم ان الضغط بيساوى القوة على المساحة . و فى حالتنا دى المساحة المواجهة للارض (205) زادت لزيادة العرض و الجانبية زادت و قلت (من 185 ل 205 زادت و من 65 ل 60 قلت ) فاعتبر الجانبى ماتغيرش انما المشكلة فى اللى تحت لان دا بقى 205 بدل 185 . مع تثبيت القوة و زيادة المساحة الضغط هيقل لان الضغط قوة على مساحة.. المهم ان الضغط المكافىء هيقل طبعاً بس كام مش هقدر احدد لان دى بتتحسب فى معامل .. لكن الضغط اللى على القايم لو بيقولك 33 فخليك عليه متغيروش و لو غيرته يبقى تقلله متزودوش.. ارجو ان اكون قد نجحت فى توصيل المعلومة

3-التأثير على العفشة: ممكن حد غيرى يقدر يفيدك بخبرته اكتر منى.. لكن كمعلومة عامة .... كل ما زاد نشفان العجلة (زيادة ضغط الهوا او مادة الكاوتش ناشفة) كلما انتقلت كل الذبذبات الى العفشة. و العكس صحيح لو طريت العجلة شوية و خففت الضغط ..الذبذبات (المطبات) مش هتتنقل كلها للعفشة لكن هتتنقل الحاجات الجامدة (مطب- حفرة....)

4-موضوع بقى ان التوكيل قالك كدة العفشة هتبوظ دا لأنه هو نفسه مش هيقدر يقولك تظبط هوا الكاوتش على كام.. و هو نفسه مش فاهم تأثير الموضوع على العفشة ايه .. لكنه كعادة مش بيحب يغير اعدادات المصنع و مقاساته (الكاوتش يعنى) لان الضغط المكتوب على القايم محسوب عند عرض الكاوتش الاولانى الاصلى و التوكيل مش هيفيدك دى عاوزة واحد مجرب و يقولك خبرته.

5- اخيرا رأيى انك تكمل بالعجل عادى بنفس ضغط القايم او اقل حاجة بسيطة و استحمل زيادة الاستهلاك فى الوقود (بس هتاخد ثبات) و بعد كدة لما تشترى تانى اشترى كاوتش نفس المقاس.

بعد الردود السابقة ليس عندى أكثر من التجربه العمليه معى انا غيرت الجنط بنفس القطر 14" مع اختلاف العرض من 15.5 ال 16 وتغير مقاس الكوتش من 14/185/65 الى مقاس 14/195/60 وذلك من سنه تقريباً والحمد لله مافيش اى مشكله معايا . توكل على الله وخليك بالكاوتش مع الحرص على ضبط ضغط الهواء .

Hey ربنا يبارك لك.. وشاكر جدا لمجهودك الرائع وربنا ينفع بيك
طيب يعني ايه الكاوتش ناشف او طري وازاي اعرف كاوتشي هيأثر على العفشه سلبا ام لا
ثانيا..اقلل ضغط الهواء ل 30 مثلا وده هيفرق في ايه
وشكرا واسف مش عارف ارد كويس لاني اول مرة اعمل مشاركة من زمان

اشكر لسيادتك معلوماتك القيمة ربنا يزيدك وينفع بيك
العفشة كده هتتأثر بالسلب ولا لا.. حضرتك بتقول ان الفرامل والثبات هيبقوا احسن
وانا فهمت ان السرعه الفعلية هتبقى اعلى من السرعه على المؤشر.. برجاء مراجعتي في ذلك
وشاكر جدا لمجهودك

المشاركة الأصلية كتبت بواسطة mostafa2410

بعد الردود السابقة ليس عندى أكثر من التجربه العمليه معى انا غيرت الجنط بنفس القطر 14" مع اختلاف العرض من 15.5 ال 16 وتغير مقاس الكوتش من 14/185/65 الى مقاس 14/195/60 وذلك من سنه تقريباً والحمد لله مافيش اى مشكله معايا . توكل على الله وخليك بالكاوتش مع الحرص على ضبط ضغط الهواء .

اشكرك على نقلك لتجربتك.. والتجربة خير من الف دليل
احافظ على ضغط الهواء على الضغط الموجود على قايم باب السيارة ولا اقلل
شكرا لمجهودك

المشاركة الأصلية كتبت بواسطة ahmednaif79

Hey ربنا يبارك لك.. وشاكر جدا لمجهودك الرائع وربنا ينفع بيك
طيب يعني ايه الكاوتش ناشف او طري وازاي اعرف كاوتشي هيأثر على العفشه سلبا ام لا
ثانيا..اقلل ضغط الهواء ل 30 مثلا وده هيفرق في ايه
وشكرا واسف مش عارف ارد كويس لاني اول مرة اعمل مشاركة من زمان

المشاركة الأصلية كتبت بواسطة ahmednaif79

اشكر لسيادتك معلوماتك القيمة ربنا يزيدك وينفع بيك
العفشة كده هتتأثر بالسلب ولا لا.. حضرتك بتقول ان الفرامل والثبات هيبقوا احسن
وانا فهمت ان السرعه الفعلية هتبقى اعلى من السرعه على المؤشر.. برجاء مراجعتي في ذلك
وشاكر جدا لمجهودك

معلومة ان السرعة الفعلية هتبقى مختلفة عن السرعة على العداد.. دى اشك فيها.. ياريت صاحب الرأى دا يوضح لنا اكتر للاستفادة.
و كمان موضوع تحسن الفرامل دا ايه علاقته بالكاوتش ... هل عشان الكاوتش اعرض ...طب ما الكاوتش واخد قوة اكبر فى المقابل عشان يتحرك يعنى واخد طاقة اكبر و هيحتاج طاقة اكبر فى الايقاف تعادلها عرض اكبر فى الاطار يجعل الفرملة اسهل .. يعنى الاطار العريض بيسهل الفرملة بس هى اصلا واخدة قوة اكبر.. اذن المحصلة ان الفرامل مش هتتأثر. حاجة سهلتها و حاجة صعبتها اذن المحصلة النهائية مافيش تغيير.