تقرير ترخيص القاشقاي الجديده + صيانة اول 1000 كيلو

**shady.shaheed** · 17-12-2014 05:38 PM

حبايبي اولا احب اشكركم بجد علي مباركتم الغاليه لشراء السياره :) و عقبالكم كلكم جميعا ان شاء الله

اولا : تقرير الترخيص السياره
اكبر مفاجاءه في الترخيص انهم احتسبوا السياره 1600 cc مع اني كنت موتوقع انها هتكون 1200cc بس شكلهم حبوا التربوا ب 400cc ولا ايه مش فاهم الصراحه

مصاريف الترخيص 3 سنين حوالي 2000 جنيه بالحلاوه و الشاي :D :D و الباركينج ابوا 70 جنيه في مرور الجزيره علشان العربيه لونها خطر يا بيه

ثانيا : تقرير صيانة الاف في مركز اوتو ايجبت ابو رواش

مهندس الاستقبال : للاسف الشديد مش متذكر اسموا بس من اكتر الناس المحترمه اللي ممكن تقابلها هناك هو كان شباك 4
للاسف كنت اول عربيه قاشقاي ترحلهم و كانوا متفأجين لانهم مكانوش لسه واصلهم المانيوال بتاع العربيه و مكانوش حتي عارفين بتاخد كام لتر زيت بس بصراحه المهندس المحترم اللي مش متذكر اسمه اقعد يدور في الكتالوج بتاع العربيه اللي كان معايا بس ملقاش كام لتر مكتوبه و كمان قالي احنا مش عارفين فلتر الزيت موجود ولا لأ
انا كنت واخد معايا زيت موبيل وان 10000 كيلو 4 لتر 5w50 و جبنا ورحت جبت لتر كمان علشان طلعت بتاخد 5 لتر زيت .
وللاسف و هما بيعملوا صيانه قالي لقينا كاوتشه مش عارف ايه كده جنب الفتيس مقطوعه و مسربه شحم و قالي غيرناهالك و زودنا الشحم اللي نزل منها ( الحمد لله :) )

فلتر الزيت كان لسا واصل المصنع و بعتوا جابهولي وللعلم مختلف عن فلتر القاشقاي القديمه
فلتر الزيت 150 جنيه
تكلفة الصيانه + فلتر الزيت = 270 جنيه
التكلفة بدون الزيت لاني كنت واخد معايا الزيت

مستوي الموتووووووووووووور بعد الزيت
الحمد لله مخيبش ظني و بدأ يشد و يجري و قريب ان شاء الله هنزل فيديو عن تسارع العربيه بعد اول صيانه
استهلاك البنزين متوسط المعدل 11 لتر لكل 100 كيلو في الزحمه
في الجري بيقل شويه عن كده
تانك العربيه تقريا 60 ليتر يمشي حوالي 700 كيلو مع اختلاف الاستخدام من جري و زحمه و وقفات متعدده .

اي اسئله انا تحت امركوا :)

**Ahmed Tarek 00** · 17-12-2014 06:21 PM

مبررروك ... ومستنيين الفيديو ان شاء الله

**aymanshebl** · 17-12-2014 06:28 PM

مبروك بس ليه ما جبتش 5w-30 الزيت 5w50 تقيييل عليها اوى

**shady.shaheed** · 17-12-2014 06:34 PM

كلامك صح بس لما قريت الكتالوج لاقيت انوا ممكن 5w50 او 5w40 او 5w30

**m_6600** · 17-12-2014 06:54 PM

٥ لتر زيت !!

ياريت تنزلنا صور داخلية للعربية و بالأخص الكنبة اللي ورا لو تفضلت علينا

مبروك مرة تانية

تحياتي لك ..

**moataz.bahrawy** · 17-12-2014 07:03 PM

1000 مبروك وربنا يحفظها و يكفيك شرها ،، و منتظرين الفيديو منك انشاء الله وتسلم اديك وعقبال صيانة ٥٠٠٠٠٠٠٠٠٠٠ انشاء الله

**adelghanem** · 17-12-2014 07:45 PM

الف مبروك
ربنا يديك خيرها ويبعد عنك شرها

**احمد الغنام** · 17-12-2014 09:31 PM

الف الف مبروك ربنا يكفيك شرها عايزين تقرير كامل مصور عن السياره لانى بفكر بجديه انى اشتريها

**eng.khater** · 17-12-2014 10:09 PM

الف مبروك ربنا يكفيك شرها ويباركلك فيها وعايزين تقرير مفصل عن السياره وعن الاستهلاك الفعلي للبنزين و اداء الموتور و السحب بس في نقطة الي عايز افهمها ازاي حسبوها انها 1600cc مش 1200cc دي لازم توضيح ليها عشان مش فاهمها

**amr011111** · 18-12-2014 09:09 AM

ألف مبروك
وهل العربيه بتقولها بنزين 92 ولا 95

الموضوع: تقرير ترخيص القاشقاي الجديده + صيانة اول 1000 كيلو

LinkBack

أدوات الموضوع

عرض

-

-

-

المواضيع المتشابهه

تقرير عن عربيتى الاتراج بعد صيانة 1000 كيلو (هام جدا)

تقرير صيانة ال 1000 كيلو ....persona 14

تقرير صيانة ال 1000 كيلو للنيسان صنى 2013

تقرير من اول ما بدأت افكر بالـ byd لحد بعد صيانة الـ 1000 كيلو

صيانة ألنترا الجديده في غبور العبور 1000 كيلو متر

الكلمات الدلالية لهذا الموضوع

المفضلات

المفضلات

ضوابط المشاركة