الموضوع: بأفكر أشتري 116i أو 118i و محتار!

المشاركة الأصلية كتبت بواسطة oldvic

أنا معايا سيات ألتيا ٢٠١١ عامل بيها ١٢٢ ألف كم و خلاص نويت أبيعها. من يومين كنت معدي قدام الباڤارية و دخلت اتفرجت على ال ١١٨ و إتوهمت! لكن طبعاً نظراً لسعرها فالواحد متردد. هل ال bmw عربية اعتمادية؟ أنا عارف إن ال performance بتاعها لا يعلى عليه، لكن الأداء حاجة و الاعتمادية حاجة تانية خالص. هل التوكيل كويس ولا وحش؟ شاطرين و بيخلصوا بسرعة و قطع الغيار على طول متوفرة ولا لأ؟ و هل فيه عيوب متكررة في الأجزاء المهمة زي الموتور و الجيربوكس ولا لأ؟

ألف شكر مقدماً!

طبعا لو تقدر تركبها اركبها وربنا يباركلك فيها وبالنسبة للاعتمادية العربية مش اقل من 5 سنين لما تفكر تعمل حاجة غير تغيير الزيت والبنزين والتوكيل كويس انا اتعاملت معاه ومحترمين

أنا اخترت البي إم 118i .....بس خلي بالك إن المقارنات مش متكافأة لأنها فئات مختلفة فحسب احتياجاتك ....
لاكن صدقني البيمر هايفضل كبير ....ومادام جايبها زيرو هتفرح بيها فترة طويلة إن شاء الله ...
في رأيي بعديها تيجي إل DS5 عربية مختلفة وجميلة وهي يمكن عملية أكتر من البي إم كمان مع العلم إن فتيسها وموتورها هما مطورينه مع بيجو وبي إم ...
بالتوفيق إن شاء الله ...

أنا في مقارنة محيرة زيك بالظبط بس اخترت DS4 عشان عجبتني بغض النظر عن فرق السعر لأن الفلوس مش بتفرق معايا كتير و الأهم بالنسبة لي الراحة !!!
عموما لو عجباك البي ام خليك فيها ... أنا شايفها مناسبة جدا و البي ام عامة اعتمادية بشكل لا يوصف (ألماني) و الperformance بتاعها أكثر من ممتاز (170 حصان) ...مجرد نصيحة بص بصة علي فولفو S60 :) و الله الموفق

ألف شكر للزملاء الأعزاء على الآراء و النصايح :) أنا عارف إن إختياراتي مش في نفس الفئة، أنا ماليش تفضيل لفئة معينة و إن كنت بأفضل العربيات اللي الكراسي بتاعتها عالية. مش عارف إذا كان التوكيل ممكن يخلّيني أعمل تست درايڤ لل 116/118 ولا لأ، هأسأل و أقول لكم. الڤولڤو جميلة لكن أنا سمعت عن مشاكل حصلت في بعض المواتير نتيجة البنزين فده مقلّقني منها.

انا فى نفس حيرتك علشان انا اكتر حاجه تهمنى موضوع بنزين 95 ﻷنه على استهلاكى هيكون فيه فرق فى اللى بدفعه فى الشهر حوالى 1500 جنيه لو غيرت و حطيت بنزين 95 .. علشان كده بدور على اللى يمشي ببنزين 92 ... فممكن اخد ارائكم .. انا بفكر دلوقتى فى الاودى q3... الفولفو s60..السيتروين ds5 .. بس طبعا مشاكل اعاده البيع وخاصه بموضوع تقليل الجمارك على الاوروبى ... غير الانتشار و التوكيلات اللى سمعتها مش كويسه ..... او المرسيدس cla180 او gla بس هحطلهم 92 واللى يحصل يحصل .. البى ام علشان تحس انك راكب بى ام باهم حاجه بتميزها و هى الفوانيس الاماميه بزينون و فتحه سقف هتدفع حوالى 440 الف حتى الفئه الاولى اعلى فئه فيها مافيهاش زينون ... وبالنسبه لل x1 شكل قديم .. 2000 سي سي .. يعنى ممكن تلبس فى رفع دعم بنزين فى اى لحظه وياريت سحبها متناسب مع سعه الموتور .. دى بالارقام اقل كل اللى فات فى التسارع.. الفولكسات كلها ملطوطه بموضوع ال dsg حتى بعد تعديله علي حسب علمى مازالت المشكله موجوده ...
لو كانت المرسيدس ماشيه ب 92 بدون مشاكل مع الضمان ... كانت بقت اختيار كويس جدا بالرغم من الوسع الداخلى القليل .. خاصه ان فيها الاوبشن اللى نفسي فيه و هو السقف البانوراما اللى بيتفتح

المشاركة الأصلية كتبت بواسطة densfog

انا فى نفس حيرتك علشان انا اكتر حاجه تهمنى موضوع بنزين 95 ﻷنه على استهلاكى هيكون فيه فرق فى اللى بدفعه فى الشهر حوالى 1500 جنيه لو غيرت و حطيت بنزين 95 .. علشان كده بدور على اللى يمشي ببنزين 92 ... فممكن اخد ارائكم .. انا بفكر دلوقتى فى الاودى q3... الفولفو s60..السيتروين ds5 .. بس طبعا مشاكل اعاده البيع وخاصه بموضوع تقليل الجمارك على الاوروبى ... غير الانتشار و التوكيلات اللى سمعتها مش كويسه ..... او المرسيدس cla180 او gla بس هحطلهم 92 واللى يحصل يحصل .. البى ام علشان تحس انك راكب بى ام باهم حاجه بتميزها و هى الفوانيس الاماميه بزينون و فتحه سقف هتدفع حوالى 440 الف حتى الفئه الاولى اعلى فئه فيها مافيهاش زينون ... وبالنسبه لل x1 شكل قديم .. 2000 سي سي .. يعنى ممكن تلبس فى رفع دعم بنزين فى اى لحظه وياريت سحبها متناسب مع سعه الموتور .. دى بالارقام اقل كل اللى فات فى التسارع.. الفولكسات كلها ملطوطه بموضوع ال dsg حتى بعد تعديله علي حسب علمى مازالت المشكله موجوده ...
لو كانت المرسيدس ماشيه ب 92 بدون مشاكل مع الضمان ... كانت بقت اختيار كويس جدا بالرغم من الوسع الداخلى القليل .. خاصه ان فيها الاوبشن اللى نفسي فيه و هو السقف البانوراما اللى بيتفتح

إبعد عن عائلة الفولكس و توكيلها. مشاكل الجيربوكس مقدور عليها، أنا مغيره كله قبل كده في الضمان عادي، يدوبك كام يوم شغل و خلاص. المشكلة كمان في التيربو، و دي في نظري أهم، فإبعد عنها أحسن.

ال gla وهم! لكن التوكيل بيستعبط، كان لازم يخلّي الشركة تعمل تعديل في البرمجة عشان تاخد بنزين ٩٢، و دي النقطة اللي توكيل البي إم بيلعب عليها :)

المشاركة الأصلية كتبت بواسطة oldvic

إبعد عن عائلة الفولكس و توكيلها. مشاكل الجيربوكس مقدور عليها، أنا مغيره كله قبل كده في الضمان عادي، يدوبك كام يوم شغل و خلاص. المشكلة كمان في التيربو، و دي في نظري أهم، فإبعد عنها أحسن.

ال gla وهم! لكن التوكيل بيستعبط، كان لازم يخلّي الشركة تعمل تعديل في البرمجة عشان تاخد بنزين ٩٢، و دي النقطة اللي توكيل البي إم بيلعب عليها :)

متشكر جدا على نقل تجربتك ... ووصلنا لدرجه اننا بنتكلم على عربيات من 300 الف وطالع .. ومش لاقى عربيه فيها اللى بتتمناه ... غير مصاريف الصيانه الهلاميه اللى هتتدفع بعد كده .. وانت و حظك فى توافر قطع الغيار .... وعامه انا متوقع ان مرسيديس تعمل زى ما حصل من فولكس لما عدلت مواتير tsi بعد فتره من نزولها لتتوافق مع بنزين 92 .. وربنا ييسر