الموضوع: مخالفات مرورية ولا على البال ولا على الخاطرر..... ارجو الافادة من الجميع

امس الخميس قال لى احد الزملاء انه ام تفعيل خدمة الاستعلام على المخالفات المرورية بالاسكندرية عن
طريق النت .... هات رقم سيارتك قلتله ياعم انا لسه مرخص شهر مايو الماضى والحمد لله لايوجد مخالفات ولسه الترخيص حينتهى شهر يونيه 2015 ..... قالى مش حتخسر حاجة .... واعطيته رقم السيارة ..... وكانت المفاجأة
قالى ينهار اسود كل ده ... 1600 جنيه مخالفات ..... انا طبعا اتصدمت ..ونزل على الخبر كالصاعقة .... وقعدت اضحك مش عارف ليه؟؟!! وحتفرس فى نفس الوقت
طبعا طلب منى الموقع رقم البطاقة القومية لصاحب السيارة حتى يظهر تفاصيل المخالفات ادخلت رقمى لم يقبله ادخلت رقم مالك السيارة القديم اظهر لى مخالفات تفصيليا وهى فى تواريخ لاحقة لاستلامى السيارة من مالكها الاول وهى كالتالى :
1300 تعمد سير عكس الاتجاه (1000 جنيه )+(300 ) تعمد تعطيل حركة المرور فى نفس المكان .... يعنى مخالفة مركبة متشكلة متظبطة .... وانا ربنا يعلم مدى التزامى بقانون المرور
300 حنيه ردار على طريق الكورنيش ... الله اعلم بها .... ممكن لان السرعة القانونية على الطريق 60 كم ومحدش بيمشيها على الاقل لو طريق فاضى الكل بيمشى 80 كم ....

انا الان مش عارف اعمل ايه؟؟!!! .... لسه الترخيص حينتهى شهر 6-2015 ؛
هل ممكن وكيل النيابة يخفض لى هذا المبلغ ؟؟ مع انى والله مظلوم على الاقل فى المخالفة الاولى .
هل يوجد مثلا طعن على المخالفات ؟ وكيف ؟ وهل انتطر لحد تاريخ انتخاء الرخصة ؟ ولا اعمل حاجة الان ؟

اسف على الاطالة .... لانى ومن امبارح مخى تعبنى من التفكير .... وقلت اشركم معايا يمكن حد من الاصدقاء هنا يفيدنى ... وشكــــرااااا

المشاركة الأصلية كتبت بواسطة ahmedamgad18

المشكلة يعنى فى الشرح

الأيقونات اللى حضرتك حاططها فعلا تلخص احساسى , المقصود بكلمة نشرحها مش من الشرح بل من التشريح بتشديد الشين يعنى ينزلوا الاستهلاك على شرائح اقل من الشرائح العليا, ده من ناحية اللغة انما فى الواقع شرحوا محفظتى