الموضوع: لماذا لم يتم تدشين قاشقاي رسميا في مصر حتى الآن؟

اعتقد اكيد منتظرين اول السنه عشان الجمارك وكمان اكيد لسه هم مش متاكدين من السياره والناس قلقانه منها لسه بسبب بنزين ٩٥ و موضوع ١٢٠٠ سي سي و اعتقد سيتم تخفيض الاسعار السنه الجيه وحينزلوا التكنا ال ١.٦ او ال ١.٥

اما نشوف

فعلا مفيش دعاية ومحدش عارف العربية الناس بتتفاجئ بيها في الشارع

المشاركة الأصلية كتبت بواسطة الكندي

بعض الحاجزين استلم قاشقاي الجديدة حتى أن عضو فاضل معنا قام بصيانة ال 1000 كيلو كمان!! بس حتى الآن لم يتم تدشين شركة نيسان مصر للسيارة القاشقاي الجديدة بشكل رسمي حتى الآن؟ ومفيش أي دعاية ومفيش أي خبر كبير في ملحق الأهرام وصور ملونة وحبشتكانات....يعني الجوك كان ليها تدشين رسمي من شهر تقريبا وكان ليها دعاية وصور وتقارير بملاحق السيارات...اشمعنى القاشقاي؟؟!!

أرجو الرجوع لتقرير القشقاى...نمر من ورق

المشاركة الأصلية كتبت بواسطة ali ashraf

أرجو الرجوع لتقرير القشقاى...نمر من ورق

أستاذ علي: من هو النمر من ورق؟ هل تقصد السيارة أم التوكيل؟

إن كنت تقصد السيارة فأختلف معك الحقيقة وده مش رأيي الشخصي...
القاشقاي بشكلها القديم والجديد هي سيارة ناجحة جدا في كل حتة نزلت فيها...والمصنع بتاعهم في إنجلترا مش قادر يوفي بالطلبيات من كثرتها بقاله كذا سنة والتقارير الفنية الأوروبية تمتدحها جدا وهيئة السلامة الأوروبية أعطتها أعلى الدرجات في السلامة للركاب عند اختبارات التصادم. خلي بالك الأوروبيين اساسا متحيزين لعربياتهم ولكن نيسان اليابانية فرضت نفسها عليهم بكفائتها وسعرها وأمانها وأصبحت سيارة سمعتها كويسة جدا وواخدة حصة كبيرة في فئتها في أوروبا اللي هي أساسا اخترعتها وهي فئة "الكروس اوفر".

وإن كان تقصد التوكيل في مصر فأتفق معك ولن أتحدث عن التوكيلات ونيسان مصر التي تسمح بالاستغلال بأوفر برايس حوالي 20-25 ألف جنيه وحجز 6-9 شهور ولا يهمهم سمعة نيسان ولا دياولو طالما الوكيل مبسوط والعميل بيدفع من دمه

المشاركة الأصلية كتبت بواسطة الكندي

أستاذ علي: من هو النمر من ورق؟ هل تقصد السيارة أم التوكيل؟

إن كنت تقصد السيارة فأختلف معك الحقيقة وده مش رأيي الشخصي...
القاشقاي بشكلها القديم والجديد هي سيارة ناجحة جدا في كل حتة نزلت فيها...والمصنع بتاعهم في إنجلترا مش قادر يوفي بالطلبيات من كثرتها بقاله كذا سنة والتقارير الفنية الأوروبية تمتدحها جدا وهيئة السلامة الأوروبية أعطتها أعلى الدرجات في السلامة للركاب عند اختبارات التصادم. خلي بالك الأوروبيين اساسا متحيزين لعربياتهم ولكن نيسان اليابانية فرضت نفسها عليهم بكفائتها وسعرها وأمانها وأصبحت سيارة سمعتها كويسة جدا وواخدة حصة كبيرة في فئتها في أوروبا اللي هي أساسا اخترعتها وهي فئة "الكروس اوفر".

وإن كان تقصد التوكيل في مصر فأتفق معك ولن أتحدث عن التوكيلات ونيسان مصر التي تسمح بالاستغلال بأوفر برايس حوالي 20-25 ألف جنيه وحجز 6-9 شهور ولا يهمهم سمعة نيسان ولا دياولو طالما الوكيل مبسوط والعميل بيدفع من دمه

السيارة بالطبع و الموضوع اكبر من التوكيل .....مصر لا يوجد فيها جهات رقابية تحمى المستهلك من جشع التجار و النتيجة مواصفات خاصة للمستهلك المصرى الغلبان الغرض الاساسى منها تخفيض السعر لأقصى حد ممكن و الفرق للاسف للتوكيلات و لا يظهر فى خفض سعر السيارات .......بالنسبة للقشقاى هى فعلا تصنع بمصانع ساندرلاند بأنجلترا و أحتفلوا بأنتاج السيارة رقم مليون كل ده على عينى و رأسى لكن و آه من لكن ....اللى خلانى أبحث فى الموضوع هو كثرة شكاوى السادة ملاك القشقاى الجديدة و عند البحث ( على النت) اكتشفت العجب .....مواصفات قشقاى المصنعة لمصر تختلف تماما عن تلك المصنعة لباقى دول العالم و السبب ان الأجهزة الرقابية فى تلك الدول رفضت مواصفات القشقاى ذات 1200 سى سى التربو و المصنع حاليا يتعامل مع الاتحاد الاوروبى و امريكا بقشقاى 2000 سى سى و نظام تعليق مختلف تماما عن الموجود عندنا فى مصر و الظاهر حضرتك لم تقرأ المشاركة نمر من ورق لأن الأصل فى كل شئ هو رأى من يستعمل السيارة مش الدعاية اللى مكتوبة عنها زى ما يقال " على أرض الواقع"

الأخ الفاضل الكندى أنعدام أجهزة الرقابة المصرية و أجهزة حماية المستهلك ( اللى بجد مش الأعلامية اللى ياريت لو كان أفعلها قد ربع تواجدها الاعلامى كان المستهلك المصرى قدر يسترجع بعضا من حقوقه المنهوبة) هو اللى الشركات لا تعمل اى حساب لراى الشارع او المستهلك و علشان محدش بيراجع على حد كله بيتنسى و اللى فات مات ......أقرأ القصة دى ....منقولة طبعا من احدى الجرائد

يعمل كاري ألينتولا مصور في محطة تلفزيون Yle الفنلندية ، وبينما كان يقود سيارته نيسان قشقاي ذات السبعة مقاعد في طريقه لأحد المهام الخاصة بالعمل ، اذا به يتفاجأ بخروج عجلة قيادة السيارة من مكانها وسقوطها في يديه ببساطة !! وكان كاري قد اشتري السيارة مؤخرا ، حيث لم يقطع بها سوي مسافة 500 كم فقط ، في حين وقعت له هذه الحادثة الخطيرة ، ومن حسن حظه أن السيارة كانت متوقفة عندما سقطت عجلة القيادة. وقد قال ألنتولا لتلفزيون :Yle كنت متوقفا بالسيارة في اشارة مرور أمام مبني البرلمان ، وحاولت أن أغير من وضعية جلوسي علي المقعد بصورة خفيفة ، واستندت الي عجلة القيادة خلال ذلك ، وفجأة وجدتها تسقط علي قدمي ، وهي متعلقة بموضعها الأصلي عبر مجموعة من الأسلاك ." ويذكر أن قشقاي من السيارات ذات الشعبية في فنلندا ، وحققت أعلي مبيعات بين السيارات في يوليو . ويعتبر هذا أول تقرير حول وقوع مثل هذه الحادثة لكروس أوفر نيسان الشهيرة التي انتجت في مصنع سندرلاند في بريطانيا ، وحققت مبيعات بلغت مليون وحدة.

وقد صرحت تينا ايركيلا ، مديرة الاتصالات في نيسان شمال أوروبا لتلفزيون Yle قائلة : " جاء مهندس المصنع الانجليزي الذي صنع السيارة من انجلترا خصيصا اليوم ، وأخذ قطع من عجلة القيادة وارسلها للمصنع ، وعاد بعدها الي انجلترا . وهذه المسألة الآن أصبحت أولوية أولي لدي نيسان ، فيما يقوم المصنع بالتحقيق في ما يمكن أن يكون قد سبب هذا الخلل." وتابعت : " هذا أمر مؤسف ، ونحن سعداء أن الحادث لم يسفر عن ضرر لأحد . لذلك فنحن نأخذ هذا الأمر علي محمل الجد ، لأن قضايا السلامة مهمة جدا بالنسبة لنا ، ونريد أن نصل الي أصل هذه المشكلة وعلاجها."

وقد اعتبرت وكالة سلامة النقل الفنلندية Trafi ، هذا الأمر خطير للغاية ، وطلبت من نيسان أن تزودها بالمعلومات في أقرب وقت ممكن عما اذا كان هذا الأمر حادثا فرديا من عدمه . وقال مفتش Trafi توماس بيلتوكانجاس : " يمكن توقع أن السبب في هذا كان خلل في التركيب ، أو أن عجلة القيادة تم اخراجها من موضعها عند تثبيت بعض الاكسسوارات ، ولاتوجد أية اسباب أخري تتبادر للذهن حول أسباب هذا الخلل في عجلة القيادة." وقد أجابت نيسان بأن سياراتها الأخري آمنة ، وأن حادثة انفصال عجلة قياة قشقاي حادثة فردية
لا يهمنى هنا الحدث نفسه بقدر الاهتمام بما حدث

وكلات سلامة النقل الأوربية و الأمريكية تسبب الرعب لشركات السيارات و متقليش الشركات محترمة وووووالخ لسه من فترة بسيطة هيئة سلامة الطرق الامريكية فتحت تحقيق مع شركات نيسان و تيوتا و هوندا علشان الايرباج و استدعيت مئات الألاف من السيارات لتغير الايرباج و اعتذروا بشكل رسمى بالاضافة لغرامات مالية كبيرة وكل ده بعد التحقيق يعنى مش تطوع منهم فين هيئة سلامة الطرق المصرية ؟ فين جهاز حماية المستهلك ؟ انا شخصيا تعاملت معه مرتين و مفيش فائدة .

المشاركة الأصلية كتبت بواسطة ali ashraf

السيارة بالطبع و الموضوع اكبر من التوكيل .....مصر لا يوجد فيها جهات رقابية تحمى المستهلك من جشع التجار و النتيجة مواصفات خاصة للمستهلك المصرى الغلبان الغرض الاساسى منها تخفيض السعر لأقصى حد ممكن و الفرق للاسف للتوكيلات و لا يظهر فى خفض سعر السيارات .......بالنسبة للقشقاى هى فعلا تصنع بمصانع ساندرلاند بأنجلترا و أحتفلوا بأنتاج السيارة رقم مليون كل ده على عينى و رأسى لكن و آه من لكن ....اللى خلانى أبحث فى الموضوع هو كثرة شكاوى السادة ملاك القشقاى الجديدة و عند البحث ( على النت) اكتشفت العجب .....مواصفات قشقاى المصنعة لمصر تختلف تماما عن تلك المصنعة لباقى دول العالم و السبب ان الأجهزة الرقابية فى تلك الدول رفضت مواصفات القشقاى ذات 1200 سى سى التربو و المصنع حاليا يتعامل مع الاتحاد الاوروبى و امريكا بقشقاى 2000 سى سى و نظام تعليق مختلف تماما عن الموجود عندنا فى مصر و الظاهر حضرتك لم تقرأ المشاركة نمر من ورق لأن الأصل فى كل شئ هو رأى من يستعمل السيارة مش الدعاية اللى مكتوبة عنها زى ما يقال " على أرض الواقع"

مع احترامي لكلام سيادتك بس مفيش عربية على وجه الأرض مفيهاش عيوب تصنيع ومشاكل أحيانا تكون مرعبة تخليك ما تركبش عربيات أساسا وحتى في أكثر الدول تقدما. وأخرها فضيحة الوسادات الهوائية المعيبة من شركة تاكاتا اليابانية أشهر شركة تصنيع للوسادات الهوائية في العالم وتقوم باستخدامها معظم ماركات العربيات العالمية.

كلام حضرتك عن إن مواصفات القاشقاي المصنعة لمصر يختلف تماما عن تلك المصنعة لباقي دول العالم وإن مصر معمولها عربية مخصوص بمواصفات متدنية محتاج دليل. سوق مصر ليس أولوية لديهم ليهتموا بيه أوي كده وبسيارة تسيء لسمعتهم كمان.

إذا كانت السيارة نمر من ورق فما تفسيرك إنها محجوزة شهور قدام وسعرها أوفر برايس 25 ألف جنيه وحتى في الشكل القديم كان نفس القصة. لو السيارة فاشلة ما كانش بقى ده شرائها... عندك فعلا عربيات فاشلة في مصر فعلا وأخرها العربية السيدان الصغيرة "أتراج" بتاعة متسوبيشي... عملوا دعاية وتدشين وقصص السنة اللي فاتت وأخرها العربية مش لاقية اللي يشتريها في المعارض وقليل جدا لما تشوفها في الشارع.

القاشقاي ال 1200 سي سي تربو موجودة وتباع في أوروبا وحتى في انجلترا نفسها وأعتقد هي أشهرهم.. مواتير السيارة هي 1200 سي، و1500 سي سي و1600 سي سي و2000 سي سي وتتنوع بين البنزين والديزل.

Engine 1.2 L turbo I4 (petrol)
1.6 L I4 turbo I4 (petrol)
2.0 L MR20DE I4 (petrol)
1.5 L I4 (diesel)
1.6 L I4 (diesel)
Transmission 6-speed manual
CVT automatic

المصدر: ويكيبيديا

أما جهاز حماية المستهلك فهو مثل أي شيء في مصر به مشاكل وجهاز الحماية محتاج جهاز حماية.