الموضوع: دوجان و جوان وش سلندر

حضرتك بتتكلم عن جوان وش السلندر ده وتغييره كأنك بتتكلم عن سير دينامو مثلا ولا فلتر زيت ..جوان وش سلندر إيه اللي بيركب مره بقشط ومره من غير ..ومره جوانين ومره من غير ..معلش آسف في الكلمه ..إيه العك والعجين اللي حضرتك بتحكي فيه ده ..وبعدين غيرته مرتين في الشهر في مره من ذوات المرات ..إيه يا سيدي الفاضل ده ..باشا ..وش السلندر لو تلفلك الجوان بدون سبب مادي واضح ملموس ..يعني من الاخر كده .. لما تفك وش السلندر تلاقي الجوان سليم وبصحته كده ومفيش حاجه في مقطوعه أو محروق أو محمص ..يبقى علطول كده تغير الوش ..وتجيب وش إستيراد ..حضرتك شغال قشط في الوش ومره جوانين ومره جوان لما واضح إن وش السلندر عندك فقط ملامحه الأساسيه ..مش عارف ليه متهيألي إن وش السلندر عندك تحول لقطعة أنتيمونيا ملهاش أي ملامح ..معلش اللي بيكلمك ده عايش في حوارات وش السلندر دي بقالي سنة ونص ..وكل ده بسبب ميكانيكي لا عنده ضمير ولا ذمة ..أنا رأي كده ..رقم واحد ..تجيب وش إستيراد ..وتشوف ميكانيكي عنده ضمير ..وتقفل الموضوع ده خالص وتخلص

مشكور لردك :) علي سؤالي
بص يا صديقي و الله ساعات اركب جوان Double و ساعات اركب جوانين عادي و فعلا ساعات نفتح الميكانيكي يقولي عايز يتقشط و ساعات يقولي لا سليم .. هو دايما كان بيفتح من عند الجزء الخاص بالزيت .. دلوقتي فتح من عند مواسير المياه و دايما من عند البلوك التاني ؟
و هل فعلا ليه علاقة بحوار الصبابات و لا متعرفش ؟
و ميكانيكي كويس للشاهين تعرف تدلني عليه ؟

يعني هو الميكانيكي البعيد اللي معندوش دم ولا ضمير ..لما وش كل شويه يفتح من ناحيه ..والجوان يطلع سليم ..هيبقى العيب جاي من فين ..؟؟...من الجوان برضه ؟؟!!..يعني هو مجاش في باله يقولك هات وش إستيراد ..بص ..أنا من إسكندرية ..عشان كده مش هقدر أدلك على ميكانيكي في القاهره لإني معرفش حاجه في القاهره أساسا ..لكن خبراء المنتدى هنا إن شاء الله هيكون ليهم مقترحات بحد كويس ...عموما ..الميكانيكي اللي يعمل الزبون شغلته عشان ياكل من وراه عيش وميقولوش يعمل إيه عشان يحل مشكلته ..يبقى حسبي الله ونعم الوكيل فيه هو وأمثاله

المشاركة الأصلية كتبت بواسطة m_m_sh_a

يعني هو الميكانيكي البعيد اللي معندوش دم ولا ضمير ..لما وش كل شويه يفتح من ناحيه ..والجوان يطلع سليم ..هيبقى العيب جاي من فين ..؟؟...من الجوان برضه ؟؟!!..يعني هو مجاش في باله يقولك هات وش إستيراد ..بص ..أنا من إسكندرية ..عشان كده مش هقدر أدلك على ميكانيكي في القاهره لإني معرفش حاجه في القاهره أساسا ..لكن خبراء المنتدى هنا إن شاء الله هيكون ليهم مقترحات بحد كويس ...عموما ..الميكانيكي اللي يعمل الزبون شغلته عشان ياكل من وراه عيش وميقولوش يعمل إيه عشان يحل مشكلته ..يبقى حسبي الله ونعم الوكيل فيه هو وأمثاله

مشكور يا رياسة و الله و مستني حد يفيدني بميكانيكي كويس او مكان اجيب منه وش و سعره ..

معلش يعني انا اسف اني اقولك حرام الفلوس دي كلها علي موتور

كنت حضرتك غير المكنة خالص وجبت واحدة استيراد بدل العك بتاع الميكانيكة

انا غالبا بعمل كده علي طول لاني متأكد ان مفيش في مصر حد صناعيني كويس وعنده ضمير

كنت افضل ليك انك تجيب مكنة استيراد وتريح دماغك

متابع باهتمام لان الموضوع مهم
وللاسف الميكانيكية كلهم عك واستهبال

العيب زى ما قال mecha فى البلوك نفسه مش فى الوش
الميكانيكى خبرته محدودة