معضلة سعر بيع ألتيا ٢٠١١

**OldVic** · 20-12-2014 02:46 PM

يا جماعة أخوكم مزنوق :)

أنا عندي ألتيا ٢٠١١ ماشية ١٢٢ ألف كم، حالة خارجية جيدة جداً، ميكانيكيا ممتازة، صالون بحالة الزيرو، لكن أعتقد إنها محتاجة مساعدين. العربية معايا من الزيرو و حالياً عارضها للبيع.

المهم، عرضتها على ١٣٠ و فضلت أنزل في السعر لحد ما عرضتها على ١١٥. واحد اتصل و جه شافها و ساقها و عايز يدفع فيها ١٠٠ ألف، أنا حاسس إن السعر ده في الأرض و غير عادل، رأيكم إيه؟

**Ahmed Tarek 00** · 20-12-2014 04:39 PM

اولا شوف حضرتك جايبها بكام زيروو ؟؟
عدادها عالم كام ؟؟
جسم السيارة من الخارج (حالة الفابريقة)
العربية بردو تعتبر حديثة المفروض ماتخسرش فيها كتير
شوف نظيرتها على مواقع االبيع عاملة كام

**meka1990** · 20-12-2014 05:54 PM

بص انا والله ما بفكر اشتريها ولا بخسف ب سعرها الارض و دي مجرد نصيحة من واحد دارس السوق كويس , العربيه ممتازه لكن احنا في مصر فا بالتالي كل الموازين مقلوبه, انت قدامك حل من ثلاثه يا تركبها لحد ما تجيب اخرها و ترميها بمعني الكلمه عشان ساعتها مش هتجيبلك جنيه يا تبيع باي سعر و تخلص منها و انا شايف ان ده الصح اخر حل بقي انك تستني واحد ابن حلال بيدور علي العربيه دي بعينها و تحاول تلبسهالوا بالسعر اللي انت عايزو و ده احتمال بعيد , و السبب في الثلاث ااختيارات دول ان العربيه ممتازه بس محدش اشتراها بالتالي قطع غيارها مش متوفره و توكيل سيات لسه فاتح السنادي و اكيد قطع الغيار اسعارها فلكيه و الكيلوميتير في عربيتك مش قليل و الفتيس dsg تقريبا و الناس بتبعد عن الجيتا المرميه في كل حته عشان الفتيس بالتالي محدش هيروح يجيب التيا , و بكده الموضوع اتحول ل عرض و طلب بمعني السعر هو الفيصل و اللي هيشترها هيشتريها عشان سعر مقابل ابشنز مش عشان التيا و عربيه محترمه , ارجو اني اكون افدتك

**A.Saad** · 20-12-2014 05:55 PM

100 ده قليل

**OldVic** · 20-12-2014 06:16 PM

المشاركة الأصلية كتبت بواسطة ahmed tarek 00

اولا شوف حضرتك جايبها بكام زيروو ؟؟
عدادها عالم كام ؟؟
جسم السيارة من الخارج (حالة الفابريقة)
العربية بردو تعتبر حديثة المفروض ماتخسرش فيها كتير
شوف نظيرتها على مواقع االبيع عاملة كام

مواقع البيع مش مقياس، بالذات للماركات الغير منتشرة نسبياً، العبرة بسعر البيع الفعلي مش اللي معروضة به العربية.

**OldVic** · 20-12-2014 06:24 PM

المشاركة الأصلية كتبت بواسطة a.saad

100 ده قليل

فيه واحدة معروضة على كونتاكت نفس السنة عاملة ٨٨ ألف كم و مطلوب فيها ١١٥ ألف، بس خايف يكون البائع حط السعر ده لما شاف إعلاني و خلاص :)

-

الموضوع: معضلة سعر بيع ألتيا ٢٠١١

LinkBack

أدوات الموضوع

عرض

-

المواضيع المتشابهه

طلب تسعير سيات ألتيا xl ٢٠١١

للبيع سيات ألتيا ٢٠١١ SEAT Altea XL بحالة ممتازة، و الصور خير دليل

سيات ألتيا ٢٠١١ بحالة ممتازة للبيع SEAT Altea XL

سيات ألتيا ٢٠١١ SEAT Altea XL 2011

خلاص هاتجنن .. ساعدوني .. شيفورليه كروز ٢٠١١ ولا لانسر شارك ٢٠١١

الكلمات الدلالية لهذا الموضوع

المفضلات

المفضلات

ضوابط المشاركة