الموضوع: بالصور تغيير المساحة الخلفية للسيريون - ماتريا

زي ما وعدت بأني اعمل تقرير عن تغير المساحة الخلفية

المساحة بتركب علي اغلي موديلات تويوتا افانزا فورتشنر وسيريون وماتريا

طبعا مش الاصلية اللي موجوده في بنها اسمه حسن خشبة

ده عنوانه بنها منشية النور -ش الامل -بجوار كبري الشموت

0128475404 -01144413813 -01067673080


ده صورتها وهي راكبة




ده صورة المساحة وانا شايل الغطاء اللي تحته الصاموله ومش مبين الصامولة من معجون الحديدي اللي حاطه طبعا تحت منه لاصق علشان المشرشر ميبوظش




وده صورة والمساحة مرفوعة



وده بعد ما شغلت المساحة علشان تنظف التراب



هي كربون كوبي الاصلي خامتها كويسة بتيجي بالريشة بتاعتها

التكلفة 60 جنيه المساحة الفردة هو بيبيع بالجوز

0.25 ثمن الصامولة ربع جنيه

معجون الحديد كان عندي

خلي بالك وانت بتركب تحط لفتين قماش قطني علي المشرشر (من فنلة قديمة) لازم قطن ممكن تيفلون بتاع السباكين

بعد اما تركب المساحة جرب هتحتاج تظبيط سنع فوق -سنة تحت ظبطت

نجي بقا لمرحلة معجون الحديد تجيب بلاستر من بتاع الجروح وبالمقص علي قد الصامولة

تحطه فوق الصالمولة وبعدين تديها معجون الحديد

الميزة ان بعد ما توفر نسخة مقلدة هتقضي علي سوق المساحة الاستيراد وبالتالي هيقل سرقتها

تحياتي للجميع

المشاركة الأصلية كتبت بواسطة m shehata

طب المساحة دي اسماها اية؟؟ يعني اروح اسأل على اية عند بتوع قطع الغيار؟ لان اول ما تقول سيريون يقولك مافيش...

المشاركة الأصلية كتبت بواسطة m shehata

محدش يعرف تتجاب منين في القاهرة؟

متتعبش نفسك مش موجودة في القاهرة الراجل ده جايبها باك اوردر في الغالب

المشاركة الأصلية كتبت بواسطة mido elsakkar

الله ينور عليك ياباشا
وكويس انها ب 60 ج لانى كلمته اخر مرة وقالى انه هيبيعها ب 70 ج
وياجماعة مافيش حد بيبعها غير الراجل ده لانه اساسا بيعملها للعربيات السوزوكى الفان

هو بيبيع الفردة اغلي من الجوز الاتنين علي بعض ارخص



معا ضد جشع التجار

عموما يا شباب اللي ممكن نجمع ومعاكوا التليفون والعنوان وكل مجموعه واحد يروح يشتري

وان شاء الله قريب تختفي ظاهرة سرقه المساحة الخلفية