ارجو الافادة من ملاك الصنى الجديده

**Super_Star_h** · 21-12-2014 07:52 PM

هى الصنى الجديده دى فيها مشاكل ولا ايه يا جماعه ؟
انا نويت اجيبها وشايف انها منتشره ما شاء الله وشكلها كويسه يعنى
عفشتها عامله ايه ؟ ناعمه ؟ وعلى الطريق ايه اخبارها
ومشكله الفرامل دى لسه موجوده ؟

**khaledelhakim** · 22-12-2014 01:19 AM

follow

**Ahmedabbas1980** · 22-12-2014 08:51 AM

أنا جبت 2013 اول ما نزلت, عفشتها نص نص, ولا خشنة ولا ناعمة, ثابتة علي الطريق, جبت بيها 170 وده أخرها بس بعد ال130 مش قوي, صاجها ضعيف جدا, بنزينها كويس, تيل الفرامل والطنابير علي 12000 حتحتاج تغيرهم مع سماع الصفارة, سمعت إنهم حلوا المشكلة دي في 2015, واسعة جدا من جوا, تكيف تلاجة, سحب مش جراية قوي بس معقولة, المفاجأة بقي جيت أبعيها بعد سنتين, عليها 7000 كيلو ومحكوكة كذا حكة, إتباعت في يوم والناس كانت بتتخانق عليها ومكنتش متوقع ده بصراحة ومخسرتش غير 3000 جنيه, مشكلة التيل التوكيل مش حيحلها, حيصنفر والسلام, وهي طبعا معقولة جدا علي سعرها وأنضف من الصيني وغيرتلها الكاوتش يوم ما جبتها, كانت بتنزل بنوع صيني زبالة بس أعتقد غيروا النوع في 2015

**Super_Star_h** · 22-12-2014 03:57 PM

المشاركة الأصلية كتبت بواسطة ahmedabbas1980

أنا جبت 2013 اول ما نزلت, عفشتها نص نص, ولا خشنة ولا ناعمة, ثابتة علي الطريق, جبت بيها 170 وده أخرها بس بعد ال130 مش قوي, صاجها ضعيف جدا, بنزينها كويس, تيل الفرامل والطنابير علي 12000 حتحتاج تغيرهم مع سماع الصفارة, سمعت إنهم حلوا المشكلة دي في 2015, واسعة جدا من جوا, تكيف تلاجة, سحب مش جراية قوي بس معقولة, المفاجأة بقي جيت أبعيها بعد سنتين, عليها 7000 كيلو ومحكوكة كذا حكة, إتباعت في يوم والناس كانت بتتخانق عليها ومكنتش متوقع ده بصراحة ومخسرتش غير 3000 جنيه, مشكلة التيل التوكيل مش حيحلها, حيصنفر والسلام, وهي طبعا معقولة جدا علي سعرها وأنضف من الصيني وغيرتلها الكاوتش يوم ما جبتها, كانت بتنزل بنوع صيني زبالة بس أعتقد غيروا النوع في 2015

شكرآ ليك يا باشا
انا من بعد ما شوفتها فى المعرض وقعدت فيها معجبتنيش وصرفت نظر عنها
وحجزت الاكسنت الار بى
ربنا يسهل

**theblackpirate** · 22-12-2014 08:36 PM

مشكله التيل والطنابير متحلتش زى مهى وملهاش حل التوكيل على مزاجه بيغير ساعات وساعات وانضف توكيل اوتو ايجيبت والسبع

**Ahmedabbas1980** · 22-12-2014 10:34 PM

أنا لا أفضل اﻷكسنت لسبب, عايز abs واير باج لازم تجيب أعلي فئة, بصراحة واحنا سنة 2015 تقريبا عربية بدون الأمان ده ملوش لازمة ﻹنه مهم جدا, أنت ما تبدلش فتحة سقف والا شكل احلي شوية في مقابل وسائل اﻷمان ودي حاجة ترجعلك.وكمان غبور توكيل مش تمام وتوكيل نيسان أحسن بكتير, مفكرتش في ال 301 ؟ أعتقد صاجها كويس وتقفيل أسباني وانضف من اﻷتنين وإعادة بيعها كويسة مش زي البيجو العالي, وانا شخصيا اول ما جبت عربيتي ex العادية جبت كاسيت بلوتوث محترم وركبته في التوكيل مع حساسات الركن وفرش جلد من التوكيل عليه علامة نيسان واتكلفت حوالي 2500 وعرضت الكاوتش بكاوتش جينرال فرنساوي 195 والعربية بقت حاجة تانية وفيها كل اﻷوبشن تقريبا ومدفعتش فلوس السوبر صالون.نصيحة أخيرة شوف العربية من وسائل اﻷمان اﻷول وبعد كده شوف الكماليات والشكل.

**khaledelhakim** · 22-12-2014 11:40 PM

المشاركة الأصلية كتبت بواسطة ahmedabbas1980

أنا لا أفضل اﻷكسنت لسبب, عايز abs واير باج لازم تجيب أعلي فئة, بصراحة واحنا سنة 2015 تقريبا عربية بدون الأمان ده ملوش لازمة ﻹنه مهم جدا, أنت ما تبدلش فتحة سقف والا شكل احلي شوية في مقابل وسائل اﻷمان ودي حاجة ترجعلك.وكمان غبور توكيل مش تمام وتوكيل نيسان أحسن بكتير, مفكرتش في ال 301 ؟ أعتقد صاجها كويس وتقفيل أسباني وانضف من اﻷتنين وإعادة بيعها كويسة مش زي البيجو العالي, وانا شخصيا اول ما جبت عربيتي ex العادية جبت كاسيت بلوتوث محترم وركبته في التوكيل مع حساسات الركن وفرش جلد من التوكيل عليه علامة نيسان واتكلفت حوالي 2500 وعرضت الكاوتش بكاوتش جينرال فرنساوي 195 والعربية بقت حاجة تانية وفيها كل اﻷوبشن تقريبا ومدفعتش فلوس السوبر صالون.نصيحة أخيرة شوف العربية من وسائل اﻷمان اﻷول وبعد كده شوف الكماليات والشكل.

طيب بنسبة للصاج عشان دي مشكلتي الاساسية هل فعلا في الضياع ؟؟؟ ولا مقبول

**Ahmedabbas1980** · 23-12-2014 01:00 AM

الكبوت ضعيف لو حد قعد عليه حيتطبق, اﻷبواب جامدة, الرفارف اﻷمامية كويسة, الخلفية مش قوي, شوف ال301 كمان ﻹن صاجها محمل عن اﻷتنين والسعر قريب .

**Super_Star_h** · 23-12-2014 01:19 AM

المشاركة الأصلية كتبت بواسطة ahmedabbas1980

أنا لا أفضل اﻷكسنت لسبب, عايز abs واير باج لازم تجيب أعلي فئة, بصراحة واحنا سنة 2015 تقريبا عربية بدون الأمان ده ملوش لازمة ﻹنه مهم جدا, أنت ما تبدلش فتحة سقف والا شكل احلي شوية في مقابل وسائل اﻷمان ودي حاجة ترجعلك.وكمان غبور توكيل مش تمام وتوكيل نيسان أحسن بكتير, مفكرتش في ال 301 ؟ أعتقد صاجها كويس وتقفيل أسباني وانضف من اﻷتنين وإعادة بيعها كويسة مش زي البيجو العالي, وانا شخصيا اول ما جبت عربيتي ex العادية جبت كاسيت بلوتوث محترم وركبته في التوكيل مع حساسات الركن وفرش جلد من التوكيل عليه علامة نيسان واتكلفت حوالي 2500 وعرضت الكاوتش بكاوتش جينرال فرنساوي 195 والعربية بقت حاجة تانية وفيها كل اﻷوبشن تقريبا ومدفعتش فلوس السوبر صالون.نصيحة أخيرة شوف العربية من وسائل اﻷمان اﻷول وبعد كده شوف الكماليات والشكل.

ايرباج السائق يركب عادى وهو بيبقى منفصل عن الطاره وده شئ كويس
الاكسنت انا عجبتنى عشان شكلها وكمان ما شاء الله منتشره وشكلها شبابى والطابلوه ظريف وانوراته جميله بصراحه حتى العدادات والشاشه الديجيتال تقفيلها جميل جدآ
تقفيلها كورى
انا شوفت الشيفورليه الاوبترا جاتلى صدمه
الصاجه اللى ما بين الكابوت والازاز فيها عالى وواطى وكأنها كانت عند بتاع دوكو
والكاوتش الخارجى بتاع الازاز مفلق وفيه حتت طالعه لبرا ! اومال لما يقعد فى الشمس هيحصله ايه ؟
ده غير فتحة السقف متقفله بجلد خامته سيئه جدآ جدآ يعنى هيدخل ميه جوه العربيه فيما بعد وده شئ انا متأكد منه
حتى الازاز اللى قدام مافيهوش جوان اصلآ ! سيليكون تحت الازاز وخلاص
من جوه بقى طابلوه تحس انه بلاستيك
فى الاخر عرفت انها تقفيل صينى فهرشت الليله
الصنى انا معجبنيش فيها الصالون بتاعها نهائى
انا قاعد جوه ومنزل الكرسى على اوطى درجه لاقيت دماغى ضربه فى السقف ( انا اصلآ طويل )

**Super_Star_h** · 23-12-2014 01:23 AM

المشاركة الأصلية كتبت بواسطة theblackpirate

مشكله التيل والطنابير متحلتش زى مهى وملهاش حل التوكيل على مزاجه بيغير ساعات وساعات وانضف توكيل اوتو ايجيبت والسبع

انا سألت عن الحوار ده واكدولى انه مافيش شكاوى حصلت !
مع انى قولتله انا شايف ناس كتير بتشتكى على النت من الموضوع ده برضو مصمم

الموضوع: ارجو الافادة من ملاك الصنى الجديده

LinkBack

أدوات الموضوع

عرض

ارجو الافادة من ملاك الصنى الجديده - انشر الموضوع فى :

-

-

-

المواضيع المتشابهه

ملاك الباليو ارجو الافادة

ارجو من ملاك النيسان صنى الجديده الدخول للاهميه

ارجو الافادة من الاعضاء مشكلة فى الصنى 2008

عندى مشكلة مع الصنى و ارجو الافادة من خبراء المنتدى

الى جميع السادة اصحباب و ملاك التمبر ارجو الافادة منكم

الكلمات الدلالية لهذا الموضوع

المفضلات

المفضلات

ضوابط المشاركة