الموضوع: إستشاره بخصوص المتوسيكلات الافضل والعمليه فى الحياة اليوميه

السلام عليكم ورحمة الله وبركاته

اولاً معلش حاسس انى متقل عليكم يا اصدقائي ، بس انا معرفتش منتدى ضخم وكبير فى مجال البايكس على النت غير المنتدى دا .

لذا ارجوا الافاده بصراحه ، انا بقالى يومين مش عارف اجيب بايك نوعها ايه يا ترى باجاج هندى ولا بنيلي
ولو باجاج قدامى الـ

bajaj pulsar 220

bajaj pulsar 200 ns

ولو حاجه تانى غير الهندى او البنيلي يبقى ايه بالظبط ..؟!

يعنى حاجه تكون عمليه ، هل الريس او الهوندا او الياماها كمثال تمام ولا ايه النظام مع العلم انى مركبتس ريس قبل كدا بس بركب موتوسيكلات كويس جداً ،

طيب يا تري الريس اقدر اروح بيه الشغل بتاعى ومشاويري اليوميه عادى ولا ايه النظام ..؟! ولا يا تري انى الافضل الوش الثابت ولا الوش المتحرك بالجادون (دريكسيون) وايه الميزه .

والحقيقه انا لقيت مكن جميل جداً هوندا فى وسط البلد بس مش عارف حبيت استشيركم ، وبيعجبنى فى المكن المستورد او الغير صيني انو تقدر تسافر بيه محافظات ،

حد يفطمنى ويقولى الدنيا فيها ايه ،

كمثال هوندا cbr400rr او الهورنت عجبنى بس تمنه غالي مثلا او غيرها الياماها او البنيلي يعنى عايز حاجه من الاخر على الفرازه وتكون فى حدود الـ 25 ألف كدا ، وتكون عمليه وبتاعت حمل ومشاوير . وفى نفس الوقت حاجه مضمونه لا الف بيها عند ميكانيكي ولا عند بتاع ولا كل يوم اروح بيها عن صيانه يعنى فمواعيدها المحدده ماشي مش تعطل او يكون فيها عيوب عمال على بطال

متابع ...