الموضوع: بخصوص دي في دي 301

السلام عليكم و رحمة الله و بركاته .... لو سمحتم ياجماعة لو ركبنا دي في دي في العربية ال 301 هل دة صحيح بيعتبر حمل على كهرباء العربية و ممكن يأثر على الكونترول يونيت لان العربية مش مصممة انها تتحمل حمل زايد زي دة ؟ السؤال الثاني في حالة تركيبة هل لازم يتم تعريفة على العربية عشان ناخد احسن أداء منه و لا لاء ؟ ولو كدة ازاي يتم تعريفه على العربية .... شكراً مقدما و اسف على الإطالة

المشاركة الأصلية كتبت بواسطة abohend

متابع معاك
و لو أني اول مرة اسمع عن موضوع حمل على الكنترول
اللي أعرفه ان الكنترول مش مطلوب منه يعالج بيانات زيادة
بروسيسور الدي في دي هو المسئول
و المهم أن الدي في دي يبقى متوافق مع العربية و كهربتها
و يا ريت تفيدنا بتجربتك في التركيب إذا ركبت

شكراً على ردك يا ابو هند .... الجهاز جميل جدا ما شاء الله و موجود عند السجان في شارع دمشق و متوافق مع كهربا العربية و كمان بيشغل دراع المالتي فانكشن و السنسور بارك و بيقرا بيانات العربية و ممكن كمان يركبله كاميرا خلفية و بيشغل اليو اس بي الموجود في العربية ( الهاي لاين اقصد ) هو مدي انطباع تاني في العربية ويحسسك انها كاتيجوري اعلى من فئتها .... المشكلة الوحيدة حكاية الضمان و الكلام الي بيقولوه انه حمل زايد على كهربا العربية و ممكن يضرب الكهربا .... في مشكلة تانية انه ما بيقراش الرسايل الي بتظهر في حالة الاعطال و المشالك زي check engine و الكلام دة ... جايز يكون ليها حل و انا ما وصلتلوش