جميع ملاك تيريوس او جراند يتفضلو يخشو

**elenawy** · 23-12-2014 09:54 PM

الى جميع ملاك تيريوس او جراند تيريوس ياريت تقولو رايكوا فى ثباتها لاننا تعبنا ناس تقول مش ثابته وناس تقول ثابته
ياريت يقولو رايهم بحياديه
لان فى كذا واحد هنا فى المنتدى عايز يشتريها و انا منهم

**a7med ezz 20** · 23-12-2014 10:32 PM

بص يا باشا العربية فالثبات لحد 120 تمام بعد كدا ممكن تكون ثابتة بس علي الطرق المستقيمة ، انا شخصيا بجيب بيها 140 مستريح وحفظت العربية خلاص ، بس العربية دي كصاج وعفشة ومتانة متتقارنش باي عربية تانيه ففئتها ، متينه لاقصي درجة وعفشة بتستحمل الطرق المكسرة وواسعة جدا وقطع غيارها متوفره وسعرها مش غالي ، العيب الوحيد انها مش متطورة فموضوع الاوبشن والصالون والرفاهية . يارب اكون فيدتك واي سؤال انا تحت امرك

**elenawy** · 23-12-2014 10:50 PM

شكرا يا باشا
ياريت بقية الاعضاء يقولو رايهم

**dodo1086** · 24-12-2014 01:28 PM

معايا التريوس ال 5 راكب أفضل ثبات ليها الى 100 او 110 بعد كده لأ بس انا بجرى بيها على طريق معقول لحد 150 مفيش مشاكل مشكلتها اللى انا شايفها انك لازم بداً من سرعة 80 "تكلبش" فى الدركسيون لأن المطبات الطولية من تـاثير العربيات النقل بتخطفها يمين أو شمال .

**a7med ezz 20** · 24-12-2014 09:53 PM

من الاخر كدا هي عربية مدينه عملية لاقصي درجة ومتينه اوي ومفهاش عيوب ، بس لو بتحب الجري متركبهاش

**Osama_Kheir** · 04-01-2015 11:51 AM

السلام عليكم يا شباب التريوس

حد يقدر يفدني فين اعمل فحص لعربية تريوس موديل 99 قبل ما اشتريها؟

البنزينة فحصها اي كلام و بتقلب و التوكيل غالي بيتكلف 850 جنيه

حد يعرف مركز صيانة كويس و سعره معقول؟

**ebnhalal** · 19-01-2015 11:12 PM

محتار اشتری يارس 2015___ 1500 cc ولا تيريوس الفئة الاولی من غير وسائل امان abs ولا وسائد هوائية ولاضد السرقة لان الفئات الاعلی غالية عليا
ممكن رأيكم مع المقارنة لانی عارف انی يارس فيها كل الكماليات بس حابب اوی شكل ومتانة التيريوس مع العلم انی مش بسافر كتير