أستفسار عن المواصلات في العبور

**aboauf** · 26-12-2014 01:49 PM

السلام عليكم
أنا من بورسعيد و عندي انترفيو في العبور المنطقة الصناعية أعتقد أنها قريبة من كارفور فمش عارف أركب إيه الصراحة ،عامة لو ركبت عربية بيجو بنزل في موقف المرج بتاع فأيه المواصلات المتاحة سواء وأنا رايح وأنا راجع باذن الله ويا ريت توضيح علشان فيه أكتر من موقف بنفس الأسم و طبعا التاكسي خيار أخير

**mohamed_selim** · 27-12-2014 10:13 AM

انزل عند العبور و انت جاى على الطريق
او لو هتنزل المرج تركب لموقف العاشر و من هناك عربيات للعبور بس كده هتضيع وقت كتير

**aboauf** · 27-12-2014 05:34 PM

خلاص تمام هحاول أنزل في مدخل العبور ولو ما فيش حاجة أركب تاكسي لحد المكان ، طيب و أنا راجع أركب إيه علشان بورسعيد أو حتي الأسماعيلية

**mohamed_selim** · 27-12-2014 05:50 PM

بص اول ما تنزل اكيد هتلاقى حاجه تخش العبور
و انت راجع تركب لموقف العاشرو منه للمرج او للمرج على طول
او لو هتركب سوبرجيت يبقى من موقف العاشر تشوف ايه اقرب حاجه لالماظه

**aboauf** · 27-12-2014 05:58 PM

شكرا يا باشا ربنا يباركلك أنا كنت شايف الموضوع معقد قبل ما تساعدني

**mohamed_selim** · 27-12-2014 08:19 PM

هو مش معقد الفكره انك على طريق اسماعيليه اسهلك و اقربلك تنزل عند العبور بدل بهدلة دخول موقف العاشر و الرجوع تانى
لما تنزل اسوا الفروض هتمشى حاجه بسيطه لاول الشارع الرئىسي يا هتلاقى عربيات يا اتخد اى حاجه طالعه من النفق توصلك لاقرب حته تركب منها لو انى متخيل ان المنطقه الصناعيه زى مانت بتقول قريبه من كارفور و السوق فمش بعيده

**aboauf** · 27-12-2014 08:58 PM

لا تمام أنا فهمتك ،بس معلش سؤال كمان هل في موقف مرج جديد و مرج قديم

**mhmhmh75** · 27-12-2014 09:22 PM

في محطه المرج القديمه ومحطه المرج الجديده محطه المرج الجديده هى الي فيها مواقف الأقاليم لو هتنزل فيها وانت جي فيها عربيات بتروح لغايه العبور من جنب محطه المترو سوزوكي كانت بثلاث جنيهات وكان فيه مني باصات واتوبيسات على ما اعتقد شغاله وانت راجع في عربيات من العبور بتقول دائري ابقا انزل المرج واركب وفيه الي بيروح العاشر