تكلفة شورت بلوك فى التوكيل كورولا ٢٠٠٩

**Veroman** · 28-12-2014 01:45 AM

السلام عليكم

عربيتى كانت بتسخن بس قعت فترة كل ماتسخن اظبتها بى مية و تمشى حلو و روحت لناس كتير برة التوكيل كتير محدش عرف السبب المهم كدة كدة كان الفتيس باظ الmmt و كنت هروح التوكيل عشان اغيرو فى ضمانو و قلت بالمرة يكشفو على موضوع السخونة دة قعدت اسبوع على بال ما كشفو عليها و اتصلو بية و قالولى لازم نفك المكنة عشان شكلة جوان و عاوزين نعرف فيها اية تانى المهم قلت ماشى يكمن جوان و الموضوع كلو يخلص فى ٥ او ٦ الف مش مشكلة .. فكو المكنة و قلت اروح التوكيل النهاردة اشوفهم و كانت المفاجاة بقى لما. قالولى الشورت بلوك متاكل بوش السليندر طبعا اتصدمت صدمة جامدة و قولتلو عاوز طيب اشوف العربية و اشوف الحاجات اللى بايظة دى دخلت الورشة و شوفتها و فعلن التاكل باين جدا فى الشورت بلوك و وش السيلندر المهم طلعت تانى الاستقبال و سالت هتتكلف كام قالولى ٤١ الف جنية دة حسب المقايسة اللى اتعملت ،، و من سعتها مخى وقف و مش عارف اعمل اية و دى اول مرة اخش فى موضوع زى دة يا ريت اى حد عندو راى يقولو

**zillo** · 28-12-2014 07:55 AM

قرص ومية حنفيه جابوا اجل موتور كورولا ف خمس سنين

**mr_green** · 28-12-2014 07:58 AM

مبدأيا لازم تعرف منهم سبب التآكل ده ؟؟
لو إنت بتعمل صيانات دورية عندهم و بتغير زيتك فى معاده - ده حصل إذاى !!!

العربية عاملة عداد قد إيه ؟ و هل إنت المالك الأول ولا لأ ؟

رزل معاهم أوى و فى الآخر إسحب العربية و وديها ورشة تكون كويسة و إعمل نص عمرة كبيرها هاتكلفك 1700 جنية 2500 جنيه

أنا بقولك رزل عليهم بس عشان هايقولك لو هاتسحب العربية إدفع مصنعية فك و تركيب أو تعالى خدها ذى ما هى

ربنا يعوض عليك و ملحوقة و فداك إن شاء الله :)

**خالد دياب** · 28-12-2014 10:07 AM

انا متهيالي لو هتسقط مكنه بالفتيس بتعها اصلي لطائره بوينج 717 مش هتكون بالسعر ده اطلع بره واعمل نص عمره زي ما العضو المحترم mr_green وسيبك من التوكيل والكلام الفاضي ده ولما تعمل الموضوع على الخير متبردشي بميه تاني وربنا يعوض عليك وعلينا جميعا

**Veroman** · 28-12-2014 07:21 PM

شكرا لكل اللى اهتم و رد على الموضوع
اولا انا مكنتش بعمل صيانة عندهم و العربية عامل ٨٩ الف كيلو و انا المالك الاول بردو انا مش عارف اية الاحسن و اعملة و ياسلام لو لقيت مكنة بفتيس اوتوماتك عادى بسعر حلو و ابقى خلصت من الفتيس الزبالة اللى فيها دة

**وائل محمد نبيل** · 28-12-2014 07:25 PM

بص يا زعيم لو حابب العربيه وعايزها تكمل معاك هات موتور بفتيسه من الحرفين خليجى وريح دماغك هتبقى ربع التكلفه وهتريح دماغك للابد من الام ام تى

**darkdefender** · 28-12-2014 08:13 PM

باشا امضي علي تعهد ان العربية علي مسوليتك و خد العربية علي ونش وديها الحرفين و او سوسو فالهرم هاتموتور جديد خليجي بالفتيس بالعدادات بالضفيرة ولاكونرول بالتركيب مش هتدفع 9000جم و عربيتك هتيقي احسن من اي عربية جنوب افريقي...

فكك من التوكيل نهائي
نص عربيتك الامامي بالموتور بالعفشة بالفتيس بالتكيف يعني كامل ميعملش 15 الف