بخصوص ارتفاع كورولا 2015 ومشاكلها

**ahmed elkomey** · 28-12-2014 02:42 AM

في الاول احب اشكر كل النااس بجد اللي في المنتدي لانهم ناس محترمة كلهم وناس فاهمين وربنا يجعل دا في ميزان حسنتهم
تاني حاجة انا انشا الله كلها كام يووم واستقريت علي كورولا 2015 اوتو الفئة ﺍﻟﺘﺎﻧﻴﺔ وآخر سعر سالت عليه كان 195000 المصرية للسيارات
بس في نااااس كتيييير جدااا خاوفوني من مضوع ارتفااع العربية وموضوع احتككها بالمطبات المفروض اللي انا اعرفه انه ارتفاعها 145 وفيه اعضاا هناا قالو الموضوع دا اتعالج خلاص و اعضا تانيه قالو انهم بيحكوو في 15 مطب ف المشوار الواحد :ناس تالتة بتقول التوكيل بيعالج الكلاام دا .. ف ماعرفش دا ارتفااع مناسب ولا العربية فعلا واطية مع العلم ان موضوع الارتفاع دا ممكن ياثر جامد علي قرار الشرااا
ولو فعلا واطية فيه حل ان ممكن نعلي ارتفاع العربية !! ارجوو الافادة ومساعدتي من اهل الخبرة

تاني.حاجة انا كنت سااامع وقاري ف المنتدي هنا ان الفة التانية فيها اوتو بارك بس لما نزلت المعارض وسالت وادينو حتي البريشور بتاع العربية مش.مكتووب ان فيها اوتو بارك. ف هل الكلام دا صحيح ولا فعلا هيا فيها اوتو بارك

اسف علي التطويل بس دي اول عربية اشتريهاا ف هاكوون شاكر جدا لمساعدتي

**marwanragab** · 28-12-2014 02:53 AM

لو اشتريت انشاءالله ياباشا هتشتري 2015 اللي هيا خلتص متعدلة ومتظبط فيها موضوع الارتفاع بس رغم كدة هتحك معاك في المطبات برضة والعربية زي الفل المشكلة ف مطاباتنا العشوائية فا لو ساكن في مكان فيه مطبات هتزعل و الكلام دة عن تجربة والله

تاني حاجة الفئة التانية فيها اوتو بارك وحاول تشوف التوكيل احسن تحجز وتجيبها عن طريقه منعا للعب اللي بقة موجود في كل حاجة

**ENG.MaRk** · 28-12-2014 07:41 AM

كنت لسة بأجربها امبارح لواحد صاحبي و ماشغلنيش بصراحة غير موضوع الارتفاع ... العربية ككل ممتازة لا أكتر من ممتازة ... سحب و ثبات و شياكة و اعتمادية بس بتحك في مطبات حتي لو أخدتها بالورب ... ماعتقدش إن التوكيل هيقدر يعدل الارتفاع أكتر من كدة ... لو انت ساكن في حتة فيها مطبات كتير أو بتروح مناطق كتيرة مكسرة و الطرق مش ممهدة يبقي بلاش كورولا عشان بصراحة قلبك هيوجعك علي ال200000 اللي هتدفعهم و خصوصا إنه مبلغ مش قليل

**ahmed elkomey** · 28-12-2014 10:28 AM

اكيد طبعا هايقبلني مطابات كتيرة .. بس انا كنت معجب جداااا بالكورولا ومرتاح نفسيا ليها ف كل حاجة معدا موضوع الارتفاع دا فعلاهايكون مشكلة كبيرة جدا .. مابيكونش ليها اي حل ! زي ما عضو من الاعضا قال نفخ الكاوتش نايتروجين علي 33 او التوكيل نفسه يعمل حاجة ! انا اسف اني بكرر السوال تاني بس عاااوز اقنع نفسي وخلااااص :d

**marwanragab** · 28-12-2014 10:34 AM

ههههههه حاولت قبلك كتييير اقنع نفسي كدة لحد مانتهي بيا الحال اني حجزت نيسان قاشقاي الجديدة عشان ارتاح من المطبات خصوصا اني بمشي طريق المنصورة قاهرة دايما ومعايا ركاب فا هفضل كل شوية البس في مطبات ريحت نفسي وجبت عربية عالية

**ahmed elkomey** · 28-12-2014 06:49 PM

طب انا فيه ناس قالولي ان ممكن الارتفاع دا يتظبط عند العفشجي .. الكلام دا صح !! بيحط حاجة اسمها كاوتشات تعلية تقريبا .. العفشجي بيفك المساعدين وبيحط الكاوتشات تحت او فوق الياي .. الكلام دا منطقي ولا ايه !! برجا الافادة من.اصحاب الخبرة ضروووووري

**Mohamed.Hany** · 28-12-2014 08:55 PM

متقلقش العربية ارتفاعها بقا 15 سم زي معظم العربيات السيدان فالمطبات اللي هتحك فيها الكورولا هتلاقي بقية العربيات السيدان بتحك فيها .
انا معايا 2014 قبل التعديل كنت بحك و اتعدلت مبقتش بحك خالص و متقلقلش شم هتفكر في موضوع الحك الا لو انت محمل اكتر من 3 و لو خايف يا تاخد المطب بالراحة او بزاوية مش هتحك يا تجيب عربية عالية بقا زي سبورتاج او قشقاي لأن اي عربية سيدان لو محملة و مطب حش هتحك

**amr_8800** · 29-12-2014 03:13 AM

المشاركة الأصلية كتبت بواسطة mohamed.hany

متقلقش العربية ارتفاعها بقا 15 سم زي معظم العربيات السيدان فالمطبات اللي هتحك فيها الكورولا هتلاقي بقية العربيات السيدان بتحك فيها .
انا معايا 2014 قبل التعديل كنت بحك و اتعدلت مبقتش بحك خالص و متقلقلش شم هتفكر في موضوع الحك الا لو انت محمل اكتر من 3 و لو خايف يا تاخد المطب بالراحة او بزاوية مش هتحك يا تجيب عربية عالية بقا زي سبورتاج او قشقاي لأن اي عربية سيدان لو محملة و مطب حش هتحك

احب اقول لحضرتك انا معايا شارك ٢٠١٤ سيدان يعني واقدر اقولك اني نسيت موضوع الحك في المطبات صحيح هو يعني ايه حك في المطبات !؟؟

**Mohamed.Hany** · 29-12-2014 09:04 PM

المشاركة الأصلية كتبت بواسطة eng.mark

بص يا كبير ده مش تعديل علي كلامك لأنك منسق قسم تويوتا و أكيد عارف عنها أكتر مني بس أنا عن تجربة كان معايا موديل 2015 كان واحد صاحبي لسة مشتريها و عايزني أروح أشيكله عليها و العربية حكت في 11 مطب و ماكنش فيها غيري أنا و هو و ابنه الكبير ... الفلوانس كنا قاعدين فيها 5 و أحجام تقيلة و ماحكتش في ولا مطب خالص (يعني مش إجباري السيدان تحك في مطبات)

ضغط الهواء لو مش مظبوط صح علي 33 العربية هتحك علي طول .
انا بصفة اسبوعية بشيك بنفسي علي الضعط بحهازي الخاص الديجيتال لان 90% من بتوع الكاوتش مقياسهم فشنك .
اما بخصوص صديقك فهو بنسبة كبيرة و اكاد اجزم انه ضغط الكاوتش مكنش سليم و بالمناسبة انا لما استلمت عربيتي من التوكيل كان الضغط 28 :)
و انا بطلع طريق المنصورة كتير و مش بحك لما بكون مظبط الضغط لكن المطبات في الطريق ده سيئة هبهدي عالمطب خالص و محكتش نهائي