تجارب التعامل مع الموزعين

**hanaf2005** · 28-12-2014 08:50 AM

السلام عليكم ورحمة الله وبركاته

أنا شايف ماشاء الله معارض كتيره جدا للعربيات على مستوى الجمهورية ولكن هتكلم بشكل دقيق أكتر في القاهرة فيه معارض كتيره ليس على سبيل الحصر زي ( أوتو سمير ريان ، القرش ، موتور وان ، الأحمدي ، المصرية للسيارت ، .........................) نفسي نساعد الناس اللي عايزة تشتري عربيات من خلال الموزعين في تجارب السابقة من التعامل معاهم ، الإختلاف بينهم ، أسلوب تعاملهم ، سرعة الإستلام وتخليص الإجراءات ، وإلى ماشابه ذلك من مواضيع .

**yasser100** · 28-12-2014 09:05 AM

القرش ناس محترمين .

**hanaf2005** · 29-12-2014 10:33 AM

نفسي اعرف ايه الفرق اللي يخلي الناس تفرق في قرار الشراء من معرض لمعرض حتى ولو بنفس السعر ؟

**kaza** · 29-12-2014 10:52 AM

حاجاتكتير منها المعاملة والامانة وتسليم عدة العربية والكماليات وطبعا السعر ومايكونش ملعوب في الكيلومتراج والعربية سليمة مش مخبوطة واتعالجت

**yasser100** · 29-12-2014 02:44 PM

المشاركة الأصلية كتبت بواسطة hanaf2005

نفسي اعرف ايه الفرق اللي يخلي الناس تفرق في قرار الشراء من معرض لمعرض حتى ولو بنفس السعر ؟

حاجات كتيره طبعا , ده فيه معارض ملعونه , العربيه بتتقلب قبل ما يبيعوها , ده غير الحوادث اللى بيعملها العيال السواقين اللى تبع المعارض و همه بينقلوا العربيه و بيمشوا بها مجانين و شوفتها بعينى عربيه لانسر شارك لسه بكياسها و واخده خبطه مطيره جنب العربيه كله و كنت ساعتها عند سمكرى و بيسلموه العربيه , اهم حاجه ما يكنش عداد الكيلومترات عامل كتير , اكتر من 20 كم ما تستلمش , العربيات العاليه زى الفلوينس و الاسترا و الكورولا و الاوكتافيا و الحاجات دى ما بيعرفوش يلعبوا فى عداداتها اصلا . المشكله فى الفئات الاقل .

كنت مستلم عربيتى عامله 15 كم فقط من القرش .

المعارض المحترمه بتخاف على سمعتها لانهم بيتعاملوا مع زباين تقيله و ناس متعوده تغير عربياتها من عندهم كل سنه او سنتين فبيخافوا على سمعتهم ؟

**hanaf2005** · 30-12-2014 02:16 PM

بصراحه أنا عن نفسي بفضل الشراء من التوكيل مباشرة لعده أسباب : -
1 - فرق السعر بين التوكيل والموزع وطبعاً الفرق لصالح الموزع للتسليم الفوري على عكس التوكيل الإنتظار لشهور
2- بيتم نقل سيارات التوكيل عن طريق تريلات مخصصه لنقل السيارات من الجمارك بالميناء إلى مخازن الشركة بالأسكندرية وعند وصول حجم الطلب للكمية المطلوبة بيتم شحنها بالتريلا المخصصه من الإسكندرية إلى القاهرة ( يعني زيرو كليومترات ) على عكس الموزعين اللي بيبعتوا مناديبهم بيتسابقوا بالعربيات ولا كأنها ملكهم وهي في فترة التليين وبيلعبو في عداد الكيلومترات.
3 - السيارة بتبقى بالشحم اللي عليها او الماده اللي بتحافظ على جسم العربية من عوامل التعرية على عكس الموزعين بيحموووها مش بيغسلوها 24 مره في ال 24 ساعة .
4 - العربية مابتتلمس غير من المعرض وصاحبها اما الموزعين مره لقيت المناديب نايمين في العربيات الزيرو ومطلعين رجليهم من الشباك وبيسمعوا في كاست العربية وبصوت عالي ده غير كام واحد ركبها قبلك وطلع عين ام الكرسي والعربيه ولعب في الاوبشنات اللي فيها .
أما الحاجه الاخيرة والمشتركة في التوكيل والموزعين الا وهي إن العربية لما يكون فيها حاجه ناقصه او مش موجوده فيها او بايظه بيبدلها باللي موجود فيها حتى آخر عربيه بتكون ملهاش اي لازمه .

انا بصراحه وبدون مبالغه بلاقي العربيات متغطية كلها بكيس بلاستيك بره في أوروبا إنما هنا إن كان عاجبك وده نظامنا .

ربنا يرحمنا برحمته

**EngAhmedSayed** · 02-01-2015 08:19 PM

المشاركة الأصلية كتبت بواسطة hanaf2005

بصراحه أنا عن نفسي بفضل الشراء من التوكيل مباشرة لعده أسباب : -
1 - فرق السعر بين التوكيل والموزع وطبعاً الفرق لصالح الموزع للتسليم الفوري على عكس التوكيل الإنتظار لشهور
2- بيتم نقل سيارات التوكيل عن طريق تريلات مخصصه لنقل السيارات من الجمارك بالميناء إلى مخازن الشركة بالأسكندرية وعند وصول حجم الطلب للكمية المطلوبة بيتم شحنها بالتريلا المخصصه من الإسكندرية إلى القاهرة ( يعني زيرو كليومترات ) على عكس الموزعين اللي بيبعتوا مناديبهم بيتسابقوا بالعربيات ولا كأنها ملكهم وهي في فترة التليين وبيلعبو في عداد الكيلومترات.
3 - السيارة بتبقى بالشحم اللي عليها او الماده اللي بتحافظ على جسم العربية من عوامل التعرية على عكس الموزعين بيحموووها مش بيغسلوها 24 مره في ال 24 ساعة .
4 - العربية مابتتلمس غير من المعرض وصاحبها اما الموزعين مره لقيت المناديب نايمين في العربيات الزيرو ومطلعين رجليهم من الشباك وبيسمعوا في كاست العربية وبصوت عالي ده غير كام واحد ركبها قبلك وطلع عين ام الكرسي والعربيه ولعب في الاوبشنات اللي فيها .
أما الحاجه الاخيرة والمشتركة في التوكيل والموزعين الا وهي إن العربية لما يكون فيها حاجه ناقصه او مش موجوده فيها او بايظه بيبدلها باللي موجود فيها حتى آخر عربيه بتكون ملهاش اي لازمه .

انا بصراحه وبدون مبالغه بلاقي العربيات متغطية كلها بكيس بلاستيك بره في أوروبا إنما هنا إن كان عاجبك وده نظامنا .

ربنا يرحمنا برحمته

دة ياريت يا صديقى قاعد و مطلع رجليه و بيسمع اغانى
لا دة انا شوفتهم بعينى قاعدين فى العربية و مشغلين التكييف و نايمين
و الله العظيم
المعرض اللى جنب المصرية على الكورنيش عند مستشفى السلام الدولى
ياجماعة انا بقول معرض جنب المصرية مش المصرية مش فاكر اسمه
كنت انا و زميلتى بتشوف عربية و ملقيتش المهم بنتمشى فا بصيت على على المعرض اللى جانبه لقيته بيفتح الازاز و بيكلمنى و فى واحد تانى فرد الكرسى و نايم و بعد ما مشيت قفل الازاز تانى و هى لقت العربية عندهم قولتالها مش هناخد حاجة من عندهم بتقولى ماهى موجودة اهى قولتاله لالالالالا دة بيشغلو العربية لحسابهم و فاهمتها قالتالى اه و على اية اشترى عربية مستعملة
ورحنا سمير ريان فعلا راجل محترم