يا شباب استفسار بعد اذنكم عن الفيرنا اتوماتيك

**John Silver** · 28-12-2014 06:18 PM

سلام عليكم ، يا شباب متوفر معاي مبلغ 60 الف وعاوز عربيه اتوماتيك فقلت استشيركم لاني لقيت كم عربيه فيرنا اتوماتيك مستعملين على مواقع النت وخاصةً موقع دوبيزل مصر مع اني هروح افحص السياره مع مكيانيكي واثق منو فقلت قبل البدء استشيركم يا اهل الفيرنا الاتوماتيك :

1- هل السياره تستاهل تمنها
2- هل فتيسها عفي وقوي ومفوش منو مشاكل لاني هستخدم العربيه سفر خارج القاهره شرم الشيخ اسكندريه مرسى مطروح غردقه
3- هل هي ثابته وفراملها كويسه وتكيفها تلاجه

اذا لديكم اقتراحات بعربيات اخرى بالمبلغ دا افضل من الفيرنا الرجاء افيدوني ونتمنى منكم الردود الوافيه الكافيه

وجزاكم الله خير

**maged** · 28-12-2014 07:12 PM

انا عربيتى فيرنا 2015 اتو وشايف ان العربيه حلوه وقطع غيارها رخيصة واى حد بيفهم فيها
اما موضوع تسوى تمنها ده مرتبط بالتمن اللى انت هتدفعه فيها يعنى حضرتك بتقول 60000 الف طيب موديل كام العربيه اللى قدامك وحالتها ايه عشان يبقى السعر مناسب للموديل
اما بخصوص الفتيس مفيش منه اى شكوى لان الموتور والفتيس هما بتوع الماتريكس ومحدش اشتكى منهم
بخصوص الفرامل انا لسه ماشى 5000 كم فقط ومقدرش احكم عليها لكنى ملاحظ انها مش قويه قوى لوسرعتك فوق 100 كم وكويسه لو سرعتك تحت ال 100
بخصوص السفر طبعا هى مريحه وتقدر تسافر بيها اى مكان لكن متجريش جامد عشان تسوق وانت مطمئن
بخصوص عربيات تانيه فى نفس السعر ممكن تزود وتجيب نيسان صنى او ماتريكس او النترا او اوبترا كل دول افضل حتى لو مانوال لو كنت حضرتك مش متمسك بالاوتوماتيك
وربنا يوفقك

**John Silver** · 29-12-2014 04:38 PM

المشاركة الأصلية كتبت بواسطة maged

انا عربيتى فيرنا 2015 اتو وشايف ان العربيه حلوه وقطع غيارها رخيصة واى حد بيفهم فيها
اما موضوع تسوى تمنها ده مرتبط بالتمن اللى انت هتدفعه فيها يعنى حضرتك بتقول 60000 الف طيب موديل كام العربيه اللى قدامك وحالتها ايه عشان يبقى السعر مناسب للموديل
اما بخصوص الفتيس مفيش منه اى شكوى لان الموتور والفتيس هما بتوع الماتريكس ومحدش اشتكى منهم
بخصوص الفرامل انا لسه ماشى 5000 كم فقط ومقدرش احكم عليها لكنى ملاحظ انها مش قويه قوى لوسرعتك فوق 100 كم وكويسه لو سرعتك تحت ال 100
بخصوص السفر طبعا هى مريحه وتقدر تسافر بيها اى مكان لكن متجريش جامد عشان تسوق وانت مطمئن
بخصوص عربيات تانيه فى نفس السعر ممكن تزود وتجيب نيسان صنى او ماتريكس او النترا او اوبترا كل دول افضل حتى لو مانوال لو كنت حضرتك مش متمسك بالاوتوماتيك
وربنا يوفقك

جزاك الله خير اخ ماجد ، انا الموديلات اللي لقيتها تتكلم فال 2007 لحد 2010 وطبعاً كلو بيبان فالفحص فقلت استشير اللي جربو العربيه وانا ساكن فالقاهره فعاوز عربيه اتوماتيك للزحمه وصغيره تنفع فالركنات بس ناس خوفتني قالو العربيه خطره ومافيهاش ثبات والعربيه مرات فتيسها بيشكل ( بيبدل نمر فالغيارات ) فقلت استشير اهل الخبره فالموديلات المذكوره عل وعسى يفيدونا ، وتشكر اخ ماجد على المعلومه المفيده بس انا عاوز اللي جرب الموديلات سالفة الذكر .