هوندا اكورد والا بيجو 405

**nasser1974** · 30-12-2014 12:04 AM

السلام عليكم جميعا
لو سمحتم انا عايز اشترى عربية بس محتار بين هوندا اكورد 1989 و بيجو 405 فرنساوى موديل التسعينات و بين عربية bmw موديل التسعينات لان بصراحة دى عربيات الفخامة العمر الطويل
ارجوكم نصائحكم لاخوكم الحيران

**M_a_h_M** · 30-12-2014 12:38 AM

انت عايز عربيه في حدود كام ؟؟

**nasser1974** · 30-12-2014 06:04 PM

المشاركة الأصلية كتبت بواسطة m_a_h_m

انت عايز عربيه في حدود كام ؟؟

انا عايز اعرف الفرق فى المواصفات والامكانيات

**خالد دياب** · 30-12-2014 07:45 PM

لو قدامك في bmw حاله حلوه توكل على الله

**amr_naser** · 31-12-2014 07:35 AM

عموما وسع دائرة بحثك شوية لان عند شراء سيارة فى حجات كتير تحكمك زى الاعتمادية وقطع الغيار والاعطال والصيانة ...الخ
مش موضوع فخامة بس
والعمر الطويل دا حالة العربية هى التى تحكم عليه مش ماركة او موديل العربية فاهمنى؟
عموما رأى شوف انت سقفك كام
شيل منة جزء وليكن 3000 جنية لأن اى عربية حتجيبها لازم تحط احتمال انك حتصرف عليها حاجة بس ما تصرف عليها شئ غير بعد الشراء بشهرين او ثلاثة
شوف العربية اللى حتجيبها لازم تكون محدد انت عاوز تمشى الحال ولا عاوز حاجة نضيفة
عاوز عربية حالتها نضيفة اكيد حتبقى اغلى شوية من السعر العادى بس حتكون اريح وانضف
عربية تمشى الحال عربية حالتها متوسطة ولا هى ممتازة ولا هى وحشة ودى تمشى نفسك بيها سنة وتبيعها وتشترى غيرها او تظبطها وتصرف عليها مبلغ محترم
عربية تانية طالع عينها ودى بقى صديقة المكانيكية خد بقى دقات نقص وشغل على ابوة لان واحد بية هلك امها ومصرفش عليها مليم وبعها وانت عجبك السعر فإشتريتها

وفى النهاية احب اقول لك متستعجل وانت بتشترى ومتصدقش كل الكلام
وشوف اية الحجات المتداولة فى البلد اللى انت فيها لأن معنى تداولها حتلاقى صنايعية فاهمين فيها وقطع غيار كمان طبغا دا لو انت قاعد بعيد عن القاهرة
والموديلات الحديثة بصفة عامة مشاكلها اقل بكتير من القديم

**M_a_h_M** · 31-12-2014 02:48 PM

المشاركة الأصلية كتبت بواسطة nasser1974

انا عايز اعرف الفرق فى المواصفات والامكانيات

حضرتك كاتب عايز تفاضل بين الاكورد 89 و البيجو 405 و قولت بعد كدة ممكن البي ام تسعينات .. السعر متفاوت جدا .. يعني لو اكورد 89 متوسط سعرها 35 36 ال 405 متوسط سعرها 34 35 .. البي ام تسعينات و لنفترض مثلا ال 316 متوسط سعرها من اول 54 لحد 65 .. ففي هنا تفاوت للاسعار .. يا ريت نعرف متطلباتك ايه و في نفس الوقت مقدرتك بين كام و كام عشان نقدر نفيدك

الموضوع: هوندا اكورد والا بيجو 405

LinkBack

أدوات الموضوع

عرض

المواضيع المتشابهه

هوندا اكورد 93

هوندا اكورد 84. ايه رأي رجالة هوندا.ولو حد قدامة واحدة يقولي.

هوندا اكورد 91

هوندا اكورد 91

الكلمات الدلالية لهذا الموضوع

المفضلات

المفضلات

ضوابط المشاركة