الموضوع: لو عاوز اروق العربية ( مرسيدس ) تنصحوني بإيه ؟؟

المشاركة الأصلية كتبت بواسطة eng.mark

انزل الحرفيين دوّر و هتلاقي هناك صنايعية بالعبيط

هلاقي هناك تنجيد كمان ؟؟؟؟

طيب بخصوص الاكسسوارات اللى فى التوفيقية

متعرفش محل معين اروح اتعامل معاه ؟؟؟

المشاركة الأصلية كتبت بواسطة miz0o0o0vic

انا اعرف واحد جبت من عنده مكنة قريب فى الحرفيين هتلاقى عنده اكسسوارات وقطع غيار برضو راجل محترم جدا فى التعامل اسمه بشمهندس البير وهو ضامنلك الحاجة اللى هتاخدها من عنده لو حابب قولى ابعتلك رقمه

هوا المهندس البير شغال فى المرسيدس ؟؟؟

طب ياريت لو سمحت تبعتلي رقمه عشان

شكرا لحضرتك

المشاركة الأصلية كتبت بواسطة mido3_gho

لو عاوز اروق العربية واشدها شدة نضافة

بمعنى اصح .. عاوز كهربائى إبن حلال بس يكون مش حراق

وواحد تنجيد نفس الوضع يكون تمام

بالمرة لو عاوز اجيب شوية اكسسوارات اروح لمين فى التوفيقية برغم إن اللى اعرفه إن التوفيقية فيها نصب كتير فياريت ياشباب لو حد يدلي على محل معين فى التوفيقية اجيب منه كل حاجتى

من الآخر ياشباب نصيحة لوجه الله لأحسن واحد صحبي إتلدع مرة من التوفيقية

شكرا

الكهربا عاوز تركب كماليات ولا تصلح الضفيرة ؟ (لو الضفيرة ملعوب فيها قبل كدة او فى علبة الفيوزات يبقى تجيبلك ضفيرة استيراد احسن)

التنجيد لو قعدة الكرسى عندك واقعة او السوست مكسرة اشترى القعدة بالمكن بتاعها استيراد احسن (ولو المكن القديم بتاعك شغال ماتسبوش للصنايعى اللى هايركب)ويحطلك اسفنج تحت الشلت الاصلية بتاعة العربية حتى لو السوست قطعتها وماتسمعش كلامة لو قلك هاغيرهولك او هافصلك غيرها

الاكسوارات...المرسيدس مابيركبلوش اكسوارات هو طقم جنط وبس وممكن تغير الشبكة

المشاركة الأصلية كتبت بواسطة yyy

الكهربا عاوز تركب كماليات ولا تصلح الضفيرة ؟ (لو الضفيرة ملعوب فيها قبل كدة او فى علبة الفيوزات يبقى تجيبلك ضفيرة استيراد احسن)

التنجيد لو قعدة الكرسى عندك واقعة او السوست مكسرة اشترى القعدة بالمكن بتاعها استيراد احسن (ولو المكن القديم بتاعك شغال ماتسبوش للصنايعى اللى هايركب)ويحطلك اسفنج تحت الشلت الاصلية بتاعة العربية حتى لو السوست قطعتها وماتسمعش كلامة لو قلك هاغيرهولك او هافصلك غيرها

الاكسوارات...المرسيدس مابيركبلوش اكسوارات هو طقم جنط وبس وممكن تغير الشبكة

ايواااااااااااااا هوا التنجيد

بس عندى نقطة بخاف منها .. الكراسي عندى كهربا وعاوز اعمل تنجيد واغلب الصنايعية بيخافوا يتعاملوا معاها عشان الفك والتركيب .. انا اصلا عاوز انجد الكراسي كلها وكذا حد خوفي من الكرسي الكهربا وكذا صنايعي بيخاف يتعامل معاها

لو تعرف منجد كويس ياباشا بعد إذنك ياريت تدلنى عليه


بخصوص الكهرباء عاوز اركب كماليات .. ياريت ياباشا تنصحنى اركب إيه فيها

من الاخريعنى .. زى مانا كاتب فى العنوان .. عاوز اروقها قولي اعمل إيه بالظبط

هى e 300 بطة ... موديل 91 .. انصحنى اعمل فيها إيه باشا .. جزك الله خير

المشاركة الأصلية كتبت بواسطة miz0o0o0vic

ايوة هو اصلاً متخصص فى المرسيدس و جنبه شغال فى الكورى لو انت عارفه عموماً هبعتلك رقمه عل خاص

شكرا ليك ياباشا

طب بخصوص التنجيد .. تعرف حد كويس

زى ما قولتلك .. العربية كراسي كهربا واغلب بتوع التنجيد بيخافوا يتعاملوا مع الكرسي عشان كرسي كهربا