خبطة نتيجة سقوط قالب طوب من جار سوء على السيارة

**hinrey_2** · 30-12-2014 01:09 PM

لو سمحتم ممكن تدلونى وتفهمونى ايه الوضع فى الخبطة المعقدة دي والله حصلت بسبب جاري حسبي والله ونعم الوكيل فيه
الخبطة فى القايم الموجود فوق باب العربية وابعادها طول حوالى 7 سم وعمقها 2 سم بس الحمد لله ماثرتش على حركة الباب
لما رفعت الفرش من تحتها من جوه لقيت المكان بتاع الرد مش ظاهر وفيه زي علبة طولية بول حرف السيارة الاعلى بس فيها فتحات بعرض 3 سم وارتفاع 1 سم دخلت فيها مسمار وحاولت اردها براس المسمار بس حسيت انى هاخربها فما عملتش حاجة ممكن تفهمونى دي ممكن ترجع تانى لوضعها الاصلى بدون ما تاثر على هيكل السيارة يعنى السمكري يعرف يعملها وتقدير حضراتكم مصنعيتها كام ؟
ارجوكم الافادة لانى زعلان جدا ان العربية مرشوشة ومشدودة ما كملتش سنة

**walidzakzok** · 30-12-2014 01:33 PM

وريها لكام سمكري وخد رايهم

**adelghanem** · 30-12-2014 04:06 PM

لو حسيت انه فى عك
او مستريحتش للسمكرى
سيبها على كده افضل.
وامرك لله

**battoot** · 03-01-2015 09:07 PM

في اجهزة شفط للصاج ده بيبقى للاماكن اللي تحتها تقويات او علب
في واحد في الحي السادس اسمه شعلة ادخل شارع البخاري من مصطفى النحاس في اول يمين في اول شمال هتلاقيه على شمالك اسمه شعله , بس اهم حاجة تفاصل معاه ومترميش العربية عنده

**hinrey_2** · 04-01-2015 12:57 AM

انا متشكر جدا لكل الاعضاء الذين اهتموا بالرد وانا سالت سمكري قالي هتاخد ساعة شغل وهاردهالك من بره ترجع لاصلها و مصنعيتى 70 جنيه فواضح كده انه ايشفط الصاج فعلا ولسه هاسال كام واحد باذن الله واوافيكم بالنتيجة باذن الله .دعواتكم .

**fepsceasar** · 18-01-2015 08:04 PM

المشاركة الأصلية كتبت بواسطة hinrey_2

انا متشكر جدا لكل الاعضاء الذين اهتموا بالرد وانا سالت سمكري قالي هتاخد ساعة شغل وهاردهالك من بره ترجع لاصلها و مصنعيتى 70 جنيه فواضح كده انه ايشفط الصاج فعلا ولسه هاسال كام واحد باذن الله واوافيكم بالنتيجة باذن الله .دعواتكم .

ده فين السمكرى ده؟؟