الموضوع: تعالوا نتكلم عن مميزات الرينو نيو لوجان

بسم الله الرحمن الرحيم
السلام عليكم و رحمة الله و بركاته

بمناسبة السنة الجديدة كل سنة و انتم طيبين نتكلم عن مميزات العربية بس و نخلي اي انتقاد في موضوع تاني منفرد :






- عربية بتصميم رائع و شبابي و مقدمة هجومية مع وجود حلية ع الشبكة و الابواب و مساحة داخلية كبيير سواء صالون او شنطة

- تتوافر فيها اوبشنز كتيير و وسائل امان في مقابل سعر مقبول في حين نفس الاوبشنز ديه بنلافيها في عربيات في اعلي فئاتها و معدي 150 الف
زي تكييف تاتش و 2 ايرباج و abs و ebd حسب كلامهم بس هتأكد من حوار الي بي دي من الشركة نفسها و مثبت سرعة و محدد سرعة و تقفيل و عزل ما شاء الله محترم و ساوند سيستم مش محتاج تعدل فيه لو ظبطت الاعدادات من بيز و تريبل و توزيع الصوت و طبعا مالتي فانكشن و غيرها
- وسائل الامان في العربية رائعة و هي كالآتي : 2 ايرباج - فرامل abs و ebd - تصفيح لحوض العربية و تانك البنزين من تحت - بارات حماية في الابواب - و نقط الانهيار تخليها تستحق 4 نجوم عن جدارة
- كومبيوتر بيوضحلك حاجات كتيير زي البنزين المتبقي يمشيك كام كيلو متر تقريبا و المسافة المقطوعة بعد اخر مرة تصفير للعداد و متوسط السرعة و درجة حرارة الجو الخارجية و الساعة


هل من اضافات ؟؟

فعلا هو ده الفرق بين الفئات

بالنسبة التكييف ده يدل ع مدي مناسبة الكباس مع الموتور و قوة الموتور