استفسارين بخصوص نيسان سنترا ؟

**ReeMoOo** · 04-01-2015 05:10 PM

السلام عليكم
مساء الخير يا جماعه

انا حاليا معايا عربية دايو نوبيرا 2001.. وان شاء الله هغير قريب
وكان لافت نظري اوي السنترا 2015... عاجبني اوي الانسيابيه اللي فيها ومواصفاتها طبعا مقارنه بسعرها وان صعب نلاقي المواصفات دي كلها فعربية بالسعر دا لو هنقارنها بفئتها يعني.

فنا تقريبا عاجبني فيها كل حاجة سواء في التصميم الخارجي او شكلها من جوة.

فنا دلوقتي عندي استفسارين

- الاول :

اللي مقلقني منها بس هو اني مش لاقيه اي حد جربها اقدر اخد منه انطباع عنها، خصوصا موضوع الفتيس الـ xtronic ctv دا

هل هو بيخلي العربية بطيئه جدا وبشكل ملحوظ يعني في الطلعه؟ .. ولا البطئ دا بطئ نسبي ؟
مع العلم ان انا سواقتي بشكل عام بتبقى هاديه. يعني لما بكون على الدولي مثلا مبعديش ال 120-130 بالكتير اوي

هاكون شاكرة جدا لحد يكون جربها وساقها فعلا عشان يديني انطباع عام عنها ويجاوب على سؤالي بالنسبه لموضوع الفتيس دا

- الاستفسار التاني :

هل انا من خلال التوكيل اقدر اركبلها شاشه رؤيه خلفيه؟ .. هل دي متوفره للموديلات المصريه ؟؟

شكرا جزيلا :)

**khaled_samy82** · 04-01-2015 07:50 PM

بالنسبة للشاشة الخلفية بتركب الكاميرا و الكاسيت التتش ب 3400 فى التوكيل

**ibrahiiimooo** · 04-01-2015 08:46 PM

بصي يا سيدتي
السنترا رحت شفتها ولقيتها شكلها من بره جميل و وقور بس من جوه التقفيل حلو لكن فقيرة جدا من جوه و بصراحه ال١٧٥ الف كتير عليها في الهاي لاين ( الفئة ام ١٦٥ الف ما تتركبش اصلا)
الفلوانس الفيس ليفت برقبتها و ماتورها اقوي و نفس الفتيس بص الفخامة. و الاوبشن اعلى بكتييير
لو مصممة على النيسان هاتي التيدا نفس العربية بس هاتشباك و فيها كماليات كتير و جنوط سبور وتكييف تتش و كاميرا و ارخص من السنترا ب ١٦٤ الف

**ReeMoOo** · 05-01-2015 12:42 AM

متشكرة جدااا :)

طيب بالنسبه للفلوانس..ممكن اعرف مواصفاتها ايه وفئاتها ؟

**Eng.Mina** · 05-01-2015 12:56 AM

ممكن حضرتك تنزلي البروشور من سايت التوكيل وده اللينك
Renault - OVERVIEW

**ReeMoOo** · 05-01-2015 02:38 AM

متشكرة جدا على الاهتمام :)

**H28174EG** · 07-01-2015 09:37 PM

لو ممكن ارد علي اسنفسار حضرتك . بالنسبة للسنترا انا اشتريت عربية من شهر وليا تعليق علي كلام الاستاذ اللي بيقول انه شافها في المعرض وطبعا اللي جرب غير اللي شاف .

السيارة من برة انسيابية جدا ومش ميالغ في تقاصيلها زي العربيات الموجودة زل السيراتو والالنترا
تاني حاجة من جوة فخمة جدا ونقفبلها اكثر من ممتاز
ثالث حاجة واسعة وعالية عن الارض وعائلية بالدرجة الاولي وبالنسبة للتنكولوجيا فهيا فيها حاجات كتير مش موجودة في مثيلاتها والثبات بتاعها علي الطريق انا جيبت بيها 180 وكانت زي الفل وده بالاضافة للفرامل الجامدة جدا .... بصراحة انا ناوي انزل تقرير مفصل عنا بالصور ان شاء الله ... وشكرا

**eng_amg** · 07-01-2015 11:19 PM

أولا بالنسبة للفتيس Xtronic CVT فهو من أنجح الفتيسات إلي صنعت علي الإطلاق وهو التطوير الرائع للفتيس المعروف CVT إلي بينزل في اللانسر من 2004 إلي 2010 ولا توجد به أي شكاوي علي الإطلاق.

الفتيس CVT العادي مشكلته مع بعض الناس إلي مكانوش متعودين عليه إن إستجابته ليست لحظية لضغطة البنزين (وأنا كنت منهم) لكن مع التعود عليه وفهمه بيلاقوه رائع.

أما Xtronic CVT فقد تم تعديله لإستجابة الفتيس لضغط البنزين لحظيا وتوجد ناس كثير معاهم الفتيس دا وميعرفوش إنه Xtronic CVT زي الرينو فلوانس. فبلاش تخافي من الفتيس دا خالص.

ثانيا بالنسبة للشاشة ممكن طبعا تركب في التوكيل. بس مبالغ شوية في سعرها. حاولي تسألي في التوكيل لو إشتريتي الشاشة من برا يرضوا يركبوها ولا لأ. لأنك ممكن تشتريها بأقل من نصف الثمن.

**ibrahiiimooo** · 07-01-2015 11:27 PM

المشاركة الأصلية كتبت بواسطة H28174EG

لو ممكن ارد علي اسنفسار حضرتك . بالنسبة للسنترا انا اشتريت عربية من شهر وليا تعليق علي كلام الاستاذ اللي بيقول انه شافها في المعرض وطبعا اللي جرب غير اللي شاف .

السيارة من برة انسيابية جدا ومش ميالغ في تقاصيلها زي العربيات الموجودة زل السيراتو والالنترا
تاني حاجة من جوة فخمة جدا ونقفبلها اكثر من ممتاز
ثالث حاجة واسعة وعالية عن الارض وعائلية بالدرجة الاولي وبالنسبة للتنكولوجيا فهيا فيها حاجات كتير مش موجودة في مثيلاتها والثبات بتاعها علي الطريق انا جيبت بيها 180 وكانت زي الفل وده بالاضافة للفرامل الجامدة جدا .... بصراحة انا ناوي انزل تقرير مفصل عنا بالصور ان شاء الله ... وشكرا

الاستاذ H28174EG المحترم( ارجو من حضرتك تعيد النظر في الاسم علشان المشاركات بعد كده)
اولا يا سيدي الفاضل انا ما علقتش على اداء العربية لان زي ما حضرتك قولت انا مش مالك للعربية و انما اتفرجت عليها اكتر من مرة و بالمناسبة عملتلها test drive اكتر من مرة عند السبع
ثانيا لمل نبقى بنتكلم عن عربية ب ١٧٥ الف يبقى احنا مش بنتكلم عن السيراتو و الالنترا و انما بنتكلم في فئة تانية مقارنة السنترا حتبقى مقارنة ظالمة جدا ليها نظرا للفقر الشديد في الخامات و الاوبشن مثلا
الشارك ( و بدون اي تعداد للمزايا و اولها التقفيل الياباني مش التيلاندي) الهاي لاين ب١٦٨ الف ارخص من السنترا
الفلوانس ( لو فضلنا نقول الاوبشن الي فيها مش حانخلص) الهاي لاين ب ١٨٠ الف اغلى ٥ الاف جنيه فقط من السنترا و ماتور و فتيس و تكييف ياباني من نيسان علشان الناس اللي بتخاف من الفرنساوي اللي بقى في العربية بدي و اوبشن بس
الكورولا الفئة التانية ب ١٧٠ الف و فيها اوبشن اكتر من السنترا و خصوصا الESP
الاسترا ( برضه بدون اي تعداد للمزايا عن السنترا) ب ١٨٠ الف
الفورد فوكس ( بالمناسبة اخي العزيز عايز تتفرج على عربية بجد في الخامات و التقفيل و الجودة روح بص على الفوكس مرة واحدة بس) التريند بلس ( اللي بنفس فقر السنترا مع اختلاف جودة الخامات و التقفيل لصالح الفوكس بمراحل) ب ١٧٨ الف جنيه
السؤال بقى اشتري السنترا ليه؟؟؟
المسالة ان نيسان بقت بتبيع عربيات باسعار مبالغ فيها لمجرد العلامة التجارية و ثقة الناس في المنتج الياباني لاعتماديته المتوقعة بس ده ما يبررش ارتفاع السعر مقابل الخدمة و الاوبشن المتدني الواحد لما هيشتري عربية هيشتري منتج مش سمعة
عايز تتاكد من كلامي قارن مبيعات التيدا الجديدة ( النسخة الهاتشباك من السنترا و كمان اوبشنها اكتر و كفاية التكييف التتش الي مش موجود في السنترا بكل الفئات) بمبيعات مثيلاتها في نفس الفئة السعرية و حتلاقي انها مش محققة مبيعات تذكر
سؤال غتت هو ايه اللي في السنترا من التكنولوجيا مش موجود في مثيلاتها زي ما حضرتك قولت في المشاركة؟؟؟؟

**eng_amg** · 08-01-2015 12:03 AM

المشاركة الأصلية كتبت بواسطة ibrahiiimooo

الاستاذ h28174eg المحترم( ارجو من حضرتك تعيد النظر في الاسم علشان المشاركات بعد كده)
اولا يا سيدي الفاضل انا ما علقتش على اداء العربية لان زي ما حضرتك قولت انا مش مالك للعربية و انما اتفرجت عليها اكتر من مرة و بالمناسبة عملتلها test drive اكتر من مرة عند السبع
ثانيا لمل نبقى بنتكلم عن عربية ب ١٧٥ الف يبقى احنا مش بنتكلم عن السيراتو و الالنترا و انما بنتكلم في فئة تانية مقارنة السنترا حتبقى مقارنة ظالمة جدا ليها نظرا للفقر الشديد في الخامات و الاوبشن مثلا
الشارك ( و بدون اي تعداد للمزايا و اولها التقفيل الياباني مش التيلاندي) الهاي لاين ب١٦٨ الف ارخص من السنترا
الفلوانس ( لو فضلنا نقول الاوبشن الي فيها مش حانخلص) الهاي لاين ب ١٨٠ الف اغلى ٥ الاف جنيه فقط من السنترا و ماتور و فتيس و تكييف ياباني من نيسان علشان الناس اللي بتخاف من الفرنساوي اللي بقى في العربية بدي و اوبشن بس
الكورولا الفئة التانية ب ١٧٠ الف و فيها اوبشن اكتر من السنترا و خصوصا الesp
الاسترا ( برضه بدون اي تعداد للمزايا عن السنترا) ب ١٨٠ الف
الفورد فوكس ( بالمناسبة اخي العزيز عايز تتفرج على عربية بجد في الخامات و التقفيل و الجودة روح بص على الفوكس مرة واحدة بس) التريند بلس ( اللي بنفس فقر السنترا مع اختلاف جودة الخامات و التقفيل لصالح الفوكس بمراحل) ب ١٧٨ الف جنيه
السؤال بقى اشتري السنترا ليه؟؟؟
المسالة ان نيسان بقت بتبيع عربيات باسعار مبالغ فيها لمجرد العلامة التجارية و ثقة الناس في المنتج الياباني لاعتماديته المتوقعة بس ده ما يبررش ارتفاع السعر مقابل الخدمة و الاوبشن المتدني الواحد لما هيشتري عربية هيشتري منتج مش سمعة
عايز تتاكد من كلامي قارن مبيعات التيدا الجديدة ( النسخة الهاتشباك من السنترا و كمان اوبشنها اكتر و كفاية التكييف التتش الي مش موجود في السنترا بكل الفئات) بمبيعات مثيلاتها في نفس الفئة السعرية و حتلاقي انها مش محققة مبيعات تذكر
سؤال غتت هو ايه اللي في السنترا من التكنولوجيا مش موجود في مثيلاتها زي ما حضرتك قولت في المشاركة؟؟؟؟

كلام سليم 100 %

السؤال هنا لصاحب الموضوع...
إشمعنى النبسان سنترا؟
ليه مش الشارك أو الفلوانس؟

مع كامل الإخترام لشركة نيسان العملاقة إلا إن الموديلات إلي بتنزل مصر مش علي نفس المستوى لمنتجات نيسان ( سواء الصني - أو السنترا )