صني 2013 الشكل القديم أتوماتيك بتبطل في المطبات

**Moh. Elnagar** · 05-01-2015 08:34 AM

واحد صاحبي معاه صني 2013 الشكل القديم أتوماتيك لما بيدوس فرامل عشان يعدي مطب أو يقف في إشارة العربية بتبطل منه راح التوكيل وغيروا الحساسات ونضفوا البوابة وبردو المشكلة زي ما هي

حد عنده تفسير للموضوع ده هو بيقول إنه شاكك في الضفيرة

**john55** · 05-01-2015 08:45 AM

ممكن سيرفو الفرامل مجرد راي وشكرا

**kbarema** · 05-01-2015 09:00 AM

العربيه بتبطل يبقي واطيه خالص
او حساس البوابه
وممكن يكون دايره البنزين فيها مشكله بس ده في العربيات القديمه والله اعلم
خليه يحط صفيحه بنزين وعليها منظف دورة وقود ويجيب اسبراى تنظيف البوبه وينضفها كويس ويطلع طريق فاضى يقرص شويه علي العربيه ويعمل كام كيك داون كده يطلع البلاوى اللي جوه (والله اعلم)

**IYousseff** · 05-01-2015 11:03 AM

كشف على البوجيهات؟
بص لو هو شاريها من زمان او شاريها مستعمل ولسه يعني يا دوب بيتعلم عليها وكدا وبيتعرفوا على بعض يبقى شكله ركنها كتير ولما طلع بيها ، تانك البنزين جاب أخره ، ومعروف ان اقل من ربع تانك البنزين بشوية بيبقى بنزين معفن كله شوائب، لو حصل كدا معاه يبقى ينضف دورة البنزين عند موبيل وينزل الصدى اللى فيها. وبالمرة دورة تبريد الموتور.

شكل العربية اتركنت كتير.

ما علينا .. اعتقد والله اعلم لو ما عملش كدا العربية تقطع منه ع الأول باستمرار.

لو منه هروح اشيك على الزيوت كلها والبوجيهات والفرامل وتيلها والفتيس والمية الخضرا لو بتستخدم مية خضرا ودورة التبريد وينضف الصدي وبلاوي دورة البنزين.

والله اعلم

**mody112** · 05-01-2015 12:49 PM

حساس الكرنك

**A.hassan** · 05-01-2015 02:49 PM

السلام عليكم يا ا Moh. Elnagar وعلى كل الناس اللى موجوده هنا

بص هو انا كان عندى نفس القصه ديه بالضبط فى نفس العربية فلو حضرتك تتأكد منه بس هما فى التوكيل غيروا ايه ..
لان انا عندى علاجتها بتنضبط حساس معين كده فاذا كانوا غيروا كل الحساسات يبقى كده مش مشكله نفس الحساس.

مستنى ردك او لو حابب اننا نتقابل فى اى وقت يناسبه نبص عليها انا ساكن ف مصر الجديدة

**Moh. Elnagar** · 08-01-2015 07:12 PM

متشكر جدا يا جماعة لإهتمامكم أنا نقلتله أراء حضراتكم ومنتظرين النتيجة إن شاء الله

**Dr_Smart** · 08-01-2015 07:46 PM

حساس كرنك او بطارية .. ممكن تكون بتدور كويس وكل حاجه بس ساعات البطارية لما بتضعف بتعمل كده .. عموما سهلة خليه يجرب ببطارية تانيه تكون حالتها جديدة ويشوف

**f100100** · 12-01-2015 12:18 PM

ضفيره كهرباء كان عدنى نفس المشكله و بعد مناقشه مع التوكيل طويله قالولى ايوه العيب دة معروف فى الشكل القديم بس مينفعش نغير على طول لازم نجرب الحساسات و البوابه .
عموما بعد ما اتغيرت العربيه بقت افضل جدا و استهلاك البنزين نزل جدا

**Moh. Elnagar** · 29-01-2015 09:12 AM

المشاركة الأصلية كتبت بواسطة f100100

ضفيره كهرباء كان عدنى نفس المشكله و بعد مناقشه مع التوكيل طويله قالولى ايوه العيب دة معروف فى الشكل القديم بس مينفعش نغير على طول لازم نجرب الحساسات و البوابه .
عموما بعد ما اتغيرت العربيه بقت افضل جدا و استهلاك البنزين نزل جدا

فعلا نفس الكلام بالضبط

الموضوع: صني 2013 الشكل القديم أتوماتيك بتبطل في المطبات

LinkBack

أدوات الموضوع

عرض

صني 2013 الشكل القديم أتوماتيك بتبطل في المطبات - انشر الموضوع فى :

-

-

-

-

-

المواضيع المتشابهه

بريليانس 2013 fsv ام نيسان صنى الشكل القديم 2013

سيراتو الشكل القديم 2013 او هيونداي النترا الشكل الجديد

النيسان صنى الشكل القديم 2013 ولا الشكل الجديد

مطلوب شراء هوندا سيتى 1500 أتوماتيك الشكل القديم

محتار: بيرسونا أتوماتيك وللا لانسر أوتوملتيك الشكل القديم

الكلمات الدلالية لهذا الموضوع

المفضلات

المفضلات

ضوابط المشاركة