أرجوا المساعدة

**elbalashoon** · 05-01-2015 11:34 AM

اصدقائي الاعزاء عندي مشكله هتجنني بشم رائحة عادم داخل العربيه وده بيحصل لما الزجاج يكون مفتوح انما لما يكون مقفول مفيش حاجه .... مع العلم اني كشفت على الشكمان ثلاث مرات من الشجره للديل والمشكله لسه موجوده ....... ظبط الكاربراتير علشان اظبط الحرق والمشكله لسه موجوده ....... وغيرت كاوتش الشنطة علشان فرق الضغط والمشكله لسه موجوده ...... وشلت الزجاج الخلفي ولزقته تاني بسيلكون عالي الجوده وبرضوا والمشكله لسه موجوده ......انا تعبت فعلا ومش لاقي العيب أرجوا منكم النصيحه

**kbarema** · 05-01-2015 12:21 PM

خرطوم الفايظ اللي في المكنه راكب ولا مقطوع

**elbalashoon** · 05-01-2015 12:35 PM

راكب تمام

**akmm** · 05-01-2015 01:34 PM

متابع

**hemaa_82** · 05-01-2015 02:38 PM

وانت ماشي والا وانت واقف ....

علي الاقل هتعرف الريحة لو انت ماشي تبقي من قدام و بترمي عليك يبقي اكيد في فايز او جوان مسرب في حوض المتور وانت بتقابل الريحة وانت ماشي لانك بتقول و الازاز مفتوح ....

لو وانت واقف بس شوف خرج الشكمان مستوي و ريحته عادية ولا لا لان ممكن تكون انت بتشم اللي خارج من الشكمان .... وقتها شوف ليه الخرج مش مظبوط

**م أحمد** · 05-01-2015 02:51 PM

رائحة العادم من اثنان لا ثالث لهما

الشكمان......تروح لبتاع شكمان يكشف عليه من أوله من عند الموتور لآخره

خرطوم الفايظ......و المكنة كدة خفيفة علشان رائحة الزيت المتبخر و العادم واضحة و صدر العربية مش متقفل كويس من عند فتحات التكييف و دخول ضفيرة الكهرباء ......و حله تسده بحاجة كاوتش او شنط بلاستيك