الموضوع: اشد العربية ولا ابيع محتاج رائيكم

المشاركة الأصلية كتبت بواسطة eng_hsntawfik

المشكلة في شد العربية ان العربية هاتصرف كتيير ومش هاترجع زي ما كانت - وغير تعب وأرف الصنايعية - بيع ياباشا وتوكل على الله - والفلوس ديه حطها في حاجة جديدة لو في مقدرة في شراء الجديد وده هايكون أحسن - لو مش هاينفع جديد حاول تجيب كسر الزيرو - منفعيش علشان الفلوس يبقى تشوف حاجة واقفة ومش محتاجة مصاريف كتير للظاهر لك - علشان أي عربية مستعملة محتاجة مصاريف - استخير ربنا الأول - أعرض قدر مصاريف العربية اللي محتاجها - إضرب الرقم ده في مرة ونص علشان الحاجات اللي بتظهر وانت مش عامل حسابها على 37 اللي العربية دلوأتي محتاجها + وقتك+ عدم خبرة الصنايعية + ردأءة المواد الخام+ غش في قطع الغيار اللي في السوق = راحتك بكام
معادلة صعبة محتاجة فلوس علشان تخرج منها - تقبل تحياتي

فعلا متفق تماما مع حضرتك
الكلام ده عن تجربه
انا حصل معايا نفس الموقف وعرفت اني كنت غلطان لما شديت العربيه
الموضع بيفتح منك في المصاريف غصب عنك وهتلاقي نفسك صارف اكتر بكتير من اللى كنت متوقعه
بيع واتوكل على الله وشوف حاجه نظيفه علي حسب الفلوس اللي معاك

بيع العربية واخلص منها واضح ان فيها مشاكل كتير وال 37 الف بتوعها زود عليهم وهات واحددة كويسة

شد العربيات ليه ناسه ..بص ..أنا أعرف واحد عادي جدا ..لا ليه في العربيات ولا غيره ..إتلم على واحد سمكري ..وقام موقع عربيه 27 توب للسمكري ..يعني هو جاب العربيه 27 للسمكري ووقعله سعرها وقام جايب السمكري خلص فيها بفلوسه ..العربيه خلصت ب 2500 جنيه وكانت موديل 76..المهم السمكري خد العربيه وصرف عليها سمكره وميكانيكا وكهربا وسروجي وعفشه ..وكان السمكري كل ما يجيب حد يشتغل في العربيه يقوله حسابك بعد العربيه ما تتباع وطبعا الصنايعي اللي كان بيمد إيده في العربيه يقول إنه هياخد بدل الجنيه 2 و 4 كمان ..وكان السمكري بيبقى عارف إن الصنايعيه دول طالبين الطاق طاقين وتلاته..بس هو البيزنس كده ..المهم العربيه خلصت شغل وبقت عروسه عايزه تتزف..المهم بعد ما خلصت شغل جابو صاحبي اللي كنت أعرفه ده واللي كان موقع العربيه في الأول وقالوله همتك بقى معانا شوفلنا عريس بقى للعروسه دي ..وقد كان ..العربيه إتباعت ب 12000 جنيه ..أو 11500 بالضبط ..المهم صاحبي طلع من الشغلانه دي بمكسبين..أول مكسب إن لما العربيه إتباعت خد كومشن عشان هو اللي جايب الزبون ..تاني مكسب إنه خد مكسب تاني لإنه هو اللي جاب العربيه أصلا

المقصود بقى من القصه دي كلها إن شد العربيات ليه ناسه ...ولعبه اللي يدخلها ياكل منها عيش

بارك الله فيكم وجزاكم الله كل خير :)
العربية اساسيتها كويسة جدا وبعدين العربية وشها علية حلو بصراحة وعمرها ما تعبتني وشغالة زي الفل ^ـــ^
وبصراحة نية البيع غير متوفرة لان بجد العربية اساسيتها فوق الممتاز علما ان العربية فبريكا يعني الي حط الى 37 الف حط علشان شكلها بس عموما انا ممكن الم العربية مش هتكلفني بس انا عاوز اشد العربية شدة محترمة لية

ياباشا هات موتور استيراد وظقم ابواب والعتب بيتغير وحتبقى تمام
بدل ماتبيعها وتجيب مستعمل ماتعرفش ابه اللى فيها
واللى حيشتريها ب37 هو الكسبان

المشاركة الأصلية كتبت بواسطة Sherif Mandoor

ياباشا هات موتور استيراد وظقم ابواب والعتب بيتغير وحتبقى تمام
بدل ماتبيعها وتجيب مستعمل ماتعرفش ابه اللى فيها
واللى حيشتريها ب37 هو الكسبان

صح كلامك ودة الى هعملة

بس عاوز اعرف الاسعار الاستيراد ؟ فى بورسعيد