الموضوع: عايز اشترى فليشيا اكشف على اى و انا بفحصها

المشاركة الأصلية كتبت بواسطة eng_amg

الفليشيا من العربيات المحترمة جدا وأنا شخصيا بحبها جدا. لكن شأنها شأن كل العربيات الألماني لو العربية سليمة إشتريها. أما لو مبهدلة .. بلاش أحسن.

غير الأساسيات...

- تبص علي كارتيرة المساعدين من قدام في الكبوت تكون سليمة علشان بتفتح دائما في الفليشيا.

يا ريت وصف ازاى بتفتح قصدك شرخ ولا اى؟

- تبص علي الجريدين إلي في السقف (بين السقف والأبواب) يكونوا سلام ومتثبتين بالكليبسات بتوعهم مش مسامير لأنهم غاليين ونادرين.

- صوت الموتور بيكون عالي نسبيا في الفليشيا لأن سير الكاتينة حديد لكن يكون ناعم مش خشن.

العربيات دائما تسخن في الزحمة وعلي السلانسيه. لكن معظم الفليشيا المهمل صياناتها بيكون الموتور فيه مشكلة في البلوك أو وش السلندر (تسريب) لأن خامة الموتور حساسة جدا للحرارة..ودا بيؤدي لسخونة العربية علي السريع .. مش علي البطيئ كعادة كل العربيات .. فتعمل الآتي:

- تسوق العربية لمدة 20 دقيقة علي السريع (90 كم/س) وتشوف درجة حرارة الموتور. لو لفيت إنها بتسخن يبقى الموتور فيه مشكلة.
- وأتأكد أن أمبير الحرارة يعمل . لأن ناس كتير بتفصله لما يكون فيه مشكلة.
المشكله احنا دلوقتى فى عز الشتا فياترى حتسخن ولا الجو حيبردها بسرعه و مش حيبان موضوع السخونيه دا

المشاركة الأصلية كتبت بواسطة ehab mobarak

صراحة الموضوع صعب لكن فيه حاجات ممكن تبص عليها : الصاج الخارجي للعربيه وهي راشه سقف وكبوت والا لا , قوايم العربيه مضبوطه والا لا وكمان الشنطه تشيل الكفر اللي علي الفجاوي من فوق وتبص عليها والشنطه تحت الكاوتش بيشيل بارومه ومن قدام تبص علي صدر العربيه وزي ما الزميل قالك مطرح تثبيت المساعدين ممكن ساعات تلاقي فيه شرخ كبير هي اساسا فيها زي فتحتين صغيرين بس مش مفتوحة قوي وعند البطارية فيه صدا والا لا والجنب التاني لأن الميه بتتجمع فيهم وبعدها تبص تحت العربيه علي العارضة اللي متثبت عليها الردياتير لو العربيه كانت واخده خبطه جامدة من تحت حاتلقيها ملوحة وبرضه تبص علي استقامة الردياتير في الصدر ميكونش مايل المفروض انه يكون عدل ومنظر الصدر بيبان ده بالنسبه للصاج وطبعا الخبطات والحكات اللي في العربيه والبرومه الي ورا الدليات . بالنسبه للعفشه حاتهز العربيه لفوق ولتحت قدام وورا وتسمع صوت المساعدين وتشوفهم كويسين والا لا وفيه تكه ولا لا وكمان تشوف ارتفاع العربيه من ورا لان لو نايمه تبقي المساعدين ضعفت يا السوست ضعفت وتحرك الدركسيون شمال ويمين وتسمع اذا كان فيه تكه والا لا عشات تطمن علي بيض السكترا وترس السكترا وبعد كدا الموتور تبص تحت الغطا بتاع الزيت فيه ميه والا لا وتبص علي مقاس الزيت وتمسك الزيت بايدك وتشوف لزوجته ولونه لو مطحن والا لا وبص علي قربة الميه ولون الميه فيها ايه ومستواها ناقص والا لا والعربيه كربراتير والا انجكشن وفيها تكييف والا لا وبص علي حالة العلب وفيه تسريبات زيت والا لا ده ظاهريا في الصدر ندخل علي العربيه من جوه حالة الفرش والتابلوه وفرش البيبان ولمض التابلوه والعدادات شغاله والا لا ولو انجكشن مهم قوي يكون عداد الحرارة شغال وتبص علي حارات الغيار والعربيه واقفة ناعمه والا فيها بوش عي العصاية والبوش كبير والا صغير وبعدها دور العربيه واشمع صوت الدواره ناعم والا خشن وبتلقط علي طول والا بتغيب عشان تعرف حالة البطريه وتبقي تبص علي البطاريه جافة والا سايله وتبص علي ال rpm في بداية الدوارة والعربيه بارده وضروري تكون العربيه بارده لان العيوب بتظهر والعربيه بارده مش سخنه وتسمع صوت الموتور هو مش ناعم قوي بس مش خشن قوي وكمان صوت التاكيهات وهل فيه تاكيهات مسمعة والا لا وكمان ال rpm منتظم والا بيهز وصوت الموتور مستريح والا لا وبعدين بص علي الشكمان ما تبصش اذا كان منزل ميه والا لا لأن الميه مش علامة ان الموتور كويس بص علي كبس العربيه من الشكمان ولون العادم ازرق ابيض عديم اللون وفيه ريحة بنزين والا لا وتحط ايدك وتشوف انتظام الموتور وخروج العادم وففيه تفتفة والا لا بعد كده اطلع بالعربيه وسوقها في مطبات عشان العفشة تطمن لها وبعدها خدها علي طريق مفتوح عشان تشوف سحبها وحاول تزود عن ال 100 وشوف حرارتها ما تنساش تكشف عليه كمبيوتر لو هي انجكشن عشان تطمن لوحدة التحكم والحساسات ولو انت مطمن لها علي بركة الله بس كده انت حاتكون زهقت صاحبها وحاتخليه مايبعهاش ربنا يهدهولك وربنا يوفقك انا طولت عليك

اوفيت

بس محتاج موضوع عكسى يعنى لو لقيت اى مشكله فى اى نقطة انت قولتها اى الى يخلينى مشتريهاش نهائى و اى منها سهل التصليح و ميكلفش كتير