السلام عليكم ورحمة الله وبركاته
انا يا جماعة من ملاك 301 و عندى مشاكل فى العربية هى:
اولا : التيل بيصفر من قبل 6000 كيلو وده زى ما قرأت كتير انه عيب نوعية التيل ولما روحت الصيانة قالى هنرجلشلك التيل ويبقى زى الفل طبعا تانى يوم لقيتها بتصفر وانا دلوقتى وصلت ل 12000 وخايف لحسن الطنابير تبوظ وفهمت انهم عملو الحركة دى فى التوكيل علشان مغيرهوش عندهم لأن اقل من 10000ك هيتغير على حسابهم ودلوقتى على حسابى.
ثانيا : العربية عند التدوير الموتور بيعلى ويترج والمروحة يتعلى حتى لما ببطل العربية ومفيش حل الا بفصل البطرية ولما رحت التوكيل قالى لما تبقى تعملها تانى افصل البطارية انا بقالى يومين العربية بتعمل الحركة دى واكيد ده مش حل.
ثالثا : موضوع التسكيع بتاع الموتور وده زي ما عرفت مشكلة البنزين بس فى مشكلة ان الموضوع ده مش موجود فى نوعيات عربيات تانية وانا بمون من بنزينة امارات مصر اللى على دائرى المعادى واحيانا من وطنية.
يريت الأعضاء المحترمين يساعدونا ولو حد عنده نفس المشكلة يشارك علشان نعرف حجم المشكلة ...
المفضلات