عزيزى ساءق السيارات النقل

**minicooper20** · 08-01-2015 05:48 PM

دى رساله من واحد قدرو الاسود خلاه يستعمل الطريق الداءرى مرتين يوميا
احب اوجه ليك رساله بسيطه
من واحد مصرى زيك بالظبط
هو انتا حد قالك ان الطريق الداءرى ده بتاعك لوحدك
يعنى معاك ما يثبت ملكيته لك
طيب ممكن اعرف منك بتحس ايه و انتا ماشى فى الشمال ١٢٠
و بتاخد غرز بتريله وزنها يعدى ٣٠ طن محمله
طيب هو انتا كنت من عشاق لعبه كرش فعلشان كده بطبقها فى الواقع و كده انتا مستمتع
طيب يا عم الشبح زى مبتحب يتقالك
مفيش حد فهمك ان الفرامل دى معموله شان ايه
يعنى بنسبالك ايه استخدمها
طيب بالنسبه لل ٥٠ مرايه النتا حطاطهم مش بيبينو لك اخواتك بتوع الملاكى
و لا انتا شايفهم و لان الداءرى مكتوبلك على البطاقه فا يستنو لما انتا تعدى و هما بلاش
او لو واحد فيهم حاول يعديك فا تقلبو عادى
انا كا مواطن مقدر مجهودك العظيم فى نقل السلع الاستراتجيه
بس يا باشا منتا لما كل يوم تقلبلك عربيه
مش هتلاقى حد تنقلو سلعك الاستراتجيه
باشا و انتا رايح عند حماتك بتروح بالترله و لا بتركب عربيه ملاكى عادى
طيب بتحس ايه ايه بقا من زميالك و هما بيعملو السيرك ده
بزمتك عجبك كده
يا عم العربيات الصغيره دى ليها حق تمشى جنبك
يا عم امشى ٦٠ و على اليمين و يلاش الفرح النور النتا حاطو ده انا نظرى كويس و شايف ترله بتاعتك
مش اعمى انا و الله
لو انتا موهوب فى التلحين
بلاش تلحين بالكلاكس هتلك اورج و لحن على مراتك و عيالك فى البيت
انا مليش زنب و الله اسمع كل القرف ده
يا عم انتا ليه خلقق ديق كده لما حد زميل لك معاه تريلا يستفزك فا يشد معاك
قولو الله يسامحك انتا فى طريق مش فى توب جير و لا فى الاتو كروس
سامحنا لو بنشتكى منك بس صدقنى انتا من كتر مبيدعى عليك هتموت موته مش طبيعيه
انتا لما طلعولك رخصه فهموك انك هتسوق تريله مش سكوتر فا بلاش غرز ديقه
خليك فى الواسع علشان ديلك بيطير عربيات كتير و انتا مش واخد بالك
تسمع عن حقوق الانسان
بيقولك ان من حقوق الانسان ان الملاكى يمشى شمال و انتا يمين شوفت بقا
انك غلطان و حمار و سامحنى لو بقولك انتا حمار فى وسط الكلام
بس انتا حتى محصلتش حمار
صدقنى الحياه مش بتاعتك لواحدك
راعى اخواتك المواطنين شويه
حاجه كمان ابقا حط غطى لما تحمل رمل و لا زلط
لان جريش بتاع الزجاج بياكل عيش من وراك طيب يرضيك كده
اخر حاجه لما تضرب منك فرده كوتش ابقا انزل لمها لان انا مغير ٣ مقصات و كرتيرتين زيت من وراك
هو انتا امك و انتا نازل لما بتقولك روح يبنى ربنا يستر طريقك بيبقا قصدها انك تبقا
حنين على الغلابه الزينا
عارف انتا ازيت كام شخص
يتمت كام طفل
بوظت كام عربيه
انا عارف ان كلامى دمو تقيل على قلبك بس ارحم اهلى انا لانى خربتلى ٣ عربيات
و خايف اجيب عربيه جديده بسبب هبلك
دى رساله من واحد مصرى لاخوه المصرى برضو
اتقى الله بقا

**فتح الباب** · 08-01-2015 08:00 PM

هههههه انا بضم صوتى لصوتك لانى انا كمان القدر جعلنى امشى مرتين او تلاته فى الاسبوع على الزراعى وتخيل بقى وانت مش عارق تعدى من الترلتين اللى ماشيين قصاد بعض والمشكله انى بكون عايز اعدى ليس لانى الاسرع لكن الضوء الخلفى لهم مبهر جدا لدرجة ان يتعب ويرهق العينين وكمان الرمال والزلط الرفيع المتطاير خلفهم فى زجاج وفوانيس عربيتى فين المرور من كل ده احنا ربنا يلطف بينا حينما جعلنا القدر نحتك بفئه غريبه ومستفزه جدا الا المحترم منهم

**adelghanem** · 08-01-2015 10:20 PM

الله يكون فى عون سكان القاهره
وبالاخص من حكم عليه الزمان بالسواقه فى الدائرى.
انه على كل شيئ قدير.

**J A G U A R** · 08-01-2015 11:07 PM

بتوع التريلات دول سواقين على اعلى مستوى بس مش بيستخدمو سواقتهم صح والاغلبيه مبرشم

**minicooper20** · 09-01-2015 01:16 AM

المشاركة الأصلية كتبت بواسطة adelghanem

الله يكون فى عون سكان القاهره
وبالاخص من حكم عليه الزمان بالسواقه فى الدائرى.
انه على كل شيئ قدير.

يا بختكو يا كبير دنتو فى نعمه مشاء الله

**minicooper20** · 09-01-2015 01:24 AM

المشاركة الأصلية كتبت بواسطة j a g u a r

بتوع التريلات دول سواقين على اعلى مستوى بس مش بيستخدمو سواقتهم صح والاغلبيه مبرشم

و لا اعلى مستوى و لا حاجه
دى عالم قالعه دمغها و حطه بلغه مقاس ٥٠
هو فو واحد عاقل يحط على عربيتو ٨٠ لمبه و منورهم كولهم
و مركب ٤٠ كلاكس و ماشى يلحن طول الطريق و يصدع فينا
ده بالزمه واحد عاقل ده واحد مغيب عن الواقع
يمشى يغرز و يمشى ١٤٠ و و على الشمال حاجه تجيب للواحد هطل فى دماغو

**amr011111** · 09-01-2015 01:28 AM

للأسف مش بتوع االتريلات فقط بتوع الميكروباصات والتكاتك كمان

**J A G U A R** · 09-01-2015 01:46 AM

المشاركة الأصلية كتبت بواسطة minicooper20

و لا اعلى مستوى و لا حاجه
دى عالم قالعه دمغها و حطه بلغه مقاس ٥٠
هو فو واحد عاقل يحط على عربيتو ٨٠ لمبه و منورهم كولهم
و مركب ٤٠ كلاكس و ماشى يلحن طول الطريق و يصدع فينا
ده بالزمه واحد عاقل ده واحد مغيب عن الواقع
يمشى يغرز و يمشى ١٤٠ و و على الشمال حاجه تجيب للواحد هطل فى دماغو

هههههههههههه
منا بقولك اهو مش بيستخدموها صح

-

الموضوع: عزيزى ساءق السيارات النقل

LinkBack

أدوات الموضوع

عرض

عزيزى ساءق السيارات النقل - انشر الموضوع فى :

-

-

-

-

-

-

-

المواضيع المتشابهه

وزارة النقل البريطانية: نتائج اعتمادية السيارات لسنة 2007

عزيزى قائد النقل الثقييييل ارجوووك

تحذير هام من السيارات النقل

أيهما أخطر السيارات النقل أم العادية

صناعة السيارات ووسائل النقل بمصر (منقول)

الكلمات الدلالية لهذا الموضوع

المفضلات

المفضلات

ضوابط المشاركة