الموضوع: عربية جديدة وعايزة شوية شغل -مطلوب مساعده-

بسم الله الرحمن الرحيم

الساده أعضاء المنتدى الكرام
تحية طيبة وبعد.

اولا عايز اوضح : انا كتبت الموضوع ده في قسم الكماليات والحمد لله بعد 300 مشاهده محدش قالي سلام عليكم حتى
قلت اعمله هنا في القسم يمكن لعل وعسى حد يفيدني .

الحمد لله ربنا وفقني واشتريت اوبل فيكترا بي 2002 1.6 مانيوال
ده بعد ما طلعت من حادثة النيسان الأليمة والحمد لله على كل شئ
* اللي وجهني للاوبل بعد النيسان ثبات واتزان العربية ع الطريق , مع العلم ان كان معايا نيسان 2007 خليجي " شكل الرينو سكالا " كانت عربية تحفة بجميع المقاييس بس الثبات ع الطريق حاجة كده زي مراجيح مولد النبي " عليه الصلاة والسلام " *
المهم عشان مطولش عليكم

محتاج رأيكم في بعض التعديلات :-

1-عايز أعمل فرش تنجيد للعربية جلد طبيعي عند حد يكون شغله نضيف وسعره متوسط
ده بالنسبة للكراسي والارضية + عايز اعمل فرش الابواب جلد طبيعي برده بس عايز واحد صنايعي عشان التقفيل يكون محترم وملاقيش الفرش بيتفك من اي حته مثلا.

2-عايز اركب عازل حراري في الكبوت من جوه بخامة نضيفة اجيبة منين وبكام ويا ريت التفاصيل , او لو فيه حاجة تكون بتقلل صوت الموتور مثلا وتعزل حرارة يا ريت تفاصيل برده

3-عايز العب في شكل التابلوه شوية بنضافة , سمعت عن موضوع طباعة بالمياه اني ممكن اعمل حليه في التابلوه مثلا بلون الابانوس يا ريت لو حد عنده تفاصيل عن الموضوع ده واماكن عمله يقولها او لو فيه افكار تانيه

4-بالنسبة للعدادات , لو عايز اغير شكل العداد والوان الاضائة لازم الاقي جاهز بنفس موديل العربية ؟ ولا ممكن اعمل ديزاين وحد يعملهولي ؟ عمولة يعني

5-عايز اجيب زينون كوبرا 55w حد عنده فكره اجيبه منين ؟
او لو فيه انواع زينون احسن من الكوبرا بسعر كويس يا ريت تفيدوني

وأخيرا بعتذر عن الاطاله والاسئلة الكتيرة بس ده من عشمي في الاعضاء المحترمين اللي مش بيبخلو على حد بأي معلومة
جزاكم الله كل خير.

المشاركة الأصلية كتبت بواسطة eng_amg

أتفضل يا باشا شوف الراجل دا .. شغله محترم

https://www.facebook.com/elmarsafawy?ref=br_tf

تسلم يا بشمهندس
تحياتي