العربية مبرجله بعد ما نضفت البوابه

**عصير قصب** · 09-01-2015 06:32 PM

السلام عليكم ورحمة الله وبركاته

كنت بعمل صيانة لعربية مستعمله اشتريتها
غيرت فلاتر وسيور وبوجيهات وبلية الكاتينة
وقواعد موتور و الشكمان كله وشويه حاجات كمان
و الميكانيكى فك البوابه ونضفها بااسبراى كده ومسامير ودوووشه
وانا كنت عاوزاه ينضفها فى مكانها

الموهم
العربية من ساعتها مبرجلة

1- مش بتدور الصبح الا لما افضل دايسه بنزين واقرص جامد شويه كده

2- دخان ابيض بيطلع من الشكمان مستمر لفترة بتاع عشر دقايق بالظبط

3- صوت زى صفارة كده فى سير الدينامو اعتقد وبيروح اما العربية تسخن كويس

ده ايلى ظاهر قدامى لحد دلوقتى

بصراحه متـــــــــــــضايقه ومتنكدة
خايفه ليكون أويل سيل صمامات وتكون العربية موتورخفيف
بس البوجيهات اما غيرتها كان حريقها حلو وكله تمام

ايه العمل دلوووووقتى
لحسن زهــــــــــقت أووووى

**م/أحمد عبد الفتاح** · 09-01-2015 07:37 PM

الغلطة إنه فك البوابة وده بيبقى غلط وخصوصاً للعربيات إللى فيها دواسة البنزين بكابل (واير) مش كهربا، ده لينك لحل المشكلة إن شاء الله ولما تحبى تنضفى البوابة ماتخليش الميكانيكى يفكها ينضفها وهى فى مكانها ويبق الكونتاكت مفتوح وحد يدوس بنزين علشان البوابة تفتح
http://www.nilemotors.net/Nile/71086-a.html

**pepo2011** · 11-01-2015 08:36 AM

بصي حضرتك الدخان دا نتيجة عدم انتظام دورة حريق البنزين بسبب الايدول والبوابة واللي حصل فيهم

لو الموتور خفيف الدخان مش هايروح بعد ماتسخن العربية ولاتزم تشدي سير الدينامو شوية لابد من تظبيط دورة الحريق وتظبيط الايدول اللي غالبا بيكون باظ من الفك والتنضيف والتركيب واحتمال تشتري واحد جديد وانشاء الله كله هايبقي كويس

**عصير قصب** · 11-01-2015 12:02 PM

المشاركة الأصلية كتبت بواسطة pepo2011

بصي حضرتك الدخان دا نتيجة عدم انتظام دورة حريق البنزين بسبب الايدول والبوابة واللي حصل فيهم

لو الموتور خفيف الدخان مش هايروح بعد ماتسخن العربية ولاتزم تشدي سير الدينامو شوية لابد من تظبيط دورة الحريق وتظبيط الايدول اللي غالبا بيكون باظ من الفك والتنضيف والتركيب واحتمال تشتري واحد جديد وإن شاء الله كله هايبقي كويس

فعلااااا
كلام حضرتك مظبوط
المشكلة فى الايدل اتفك وارتكب غلط او خطوات تركيبه كان فيها حاجه غلط
ده ايلى فهمته من الميكانيكى
والصفارة دى من بلية الدبرياج عاوزة تتغير
اما سير الدينامو شد عليه وتمام
شكرا جزيلااااااااااااااا لحضرتك