معلومات عن السيارة اسبرانزا انفي

**ARKOON** · 10-01-2015 05:14 PM

مانوع المحرك ؟

اكتيكو مطور من قبل شركة نمساوية : 4 سلندر 16- صباب – كامة علوية مفردة = سهولة في الصيانة + توفير في الوقود .

عزم وقوة المحرك ؟

اقصى قوة بالحصان 109/ 6000 واقصى عزم 140/4500 .

نسبة انضغاط المحرك ؟

10.5:1 وتم تعديل وتأخير توقيت الاشتعال ليتناسب جيدا مع بنزين 92 .

نظام ضخ الوقود ؟

حقن الكتروني متعدد النقاط ( MPI )

ناقل الحركة ؟

عند بداية الاستخدام يكون نوعا ما ثقيل حتى فترة التلين . 5 سرعات يدوي ويمكن سماع صوت التنقل بين الحارت عند التبديل بين الغيارت وهوا ما يضفي طابع رياضي على السيارة

نظام التعليق ؟

مصمم ومطور من قبل شركة لوتس الرياضية وهوا مشابة جدا للسيارة لانسر 2007 وتتميز العفشة بالطابع الرياضي
امامي : ماكفرسون خلفي : متعدد الوصلات

الأداء ؟

اقصى سرعة 172 كم

تجميع السيارة في مصر ؟

كل القطع الأساسية من البلد المنشأ ( بتفرق في الجمرك الموضوع لف على الجمارك لما تيجي على انها قطع غيار غير لو دخلت الجمرك على انها عربية كاملة )

بيتم تجميع السيارة في مصر بقطعها الاصلية ومصر بتصنع الاتي ( الزجاج – الفرش – الكراسي – المواد البلاستيكية – ضفائر الكهرباء )

----------------------------------------------------

ملاحظات :

1- عند ترك المصابيح تعمل ومغادرة السيارة تقوم اوتوماتيكا بحماية البطارية وغلق الانوار بعد مدة دقيقة ونصف ( يعني لو نسيت غلق الانوار السيارة تيجي تشغل عربيتك ما تلقيش البطارية خلصت . ولما تشغل عربيتك الانوار ترجع تنور زي ما كنت ناسيها )
2- دائما توجد صفارة تحذيرية عند نسيان ( غلق الأبواب جيدا – عدم وضع حزام الأمان – السير والهاند بريك مرفوع – عند تجاوز سرعة 120 )

-صفارة حزام الأمان تسمر لمدة دقيقة واربعون ثانية بعد تجاوز سرعة 20 كم اما صفارة تجاوز سرعة 120 فيها عبارة عند 3 صفارات تحذيرية لا تستمر اكثر من ثواني ( شيء مزعج كان المفروض العكس )
3- التعليق الخلفي متعدد الوصلات رياضي بس مزعج بتحس بكل دبدبة في الأرض ( طبعا الموضوع دا يتعالج مع ضبط العجل من ضغط هوا وزوايا وترصيص ونوع إطارات جيدة ) ميزته انك مش هتسرح وتنام في الطريق : ) .

4- بالنسبة للابعاد في السيارة طويلة ومرتفعة ومع الوقت والممارسة هتتعود على ابعادها .

6- 5- السيارة تعمل بنظام حقن الكتروني متعدد النقاط ودا ممكن يخليك تسوق العربية اتوماتيك ( يعني في يوم ممطر ممكن تجيب الأول او التاني ودوسة بنزين وبعد كدا هيا تكمل هتلاقي الاستهلاك اللحظي للوقود وصل 20 )

------------------------------------------------------------------

تحياتي .

**muhmado_furp** · 10-01-2015 07:46 PM

جميل تسلم ايدك

**hemaa_82** · 12-01-2015 01:57 PM

خلي بالك بقي من حاجة مهمة ...زانت سايق و منور النور .... فلة .... طفيت المفتاح و نزلت قفلت العربية و بعد دقيقة ونص هية توماتيكي توماتيكي قفلت النور .... فلة ...

لاي سبب بقي انت فتحت العربية و مدورتش هتلاقي النور ولع توماتيكي .....
لو قفلت تاني من غبر ما تطفي النور هتفضل منورة و تفضي البطارية المصونة .....

من الاخر ليك مرة واحدة بعد طفي المتور انك تقفل الانذار و هية تطفي انوارها ....

زي برضه ما انت ليك مرة واحدة بعد طفي المتور انك تشيل المفايح و تشد رعاش العالي تقوم منورالك الطريق و هية مطفية لمده نص دقيقة تقريبا .... علشان تستخدم نفس الاوبشن لازم تدور و تطفي تاني ....

اتمني اكون وضحت لان انا لبست بسبب الموضوع ده مرة واتضريت اخلي اصحابي يدوني زقة :)

**Ahmed Tarek 00** · 12-01-2015 04:44 PM

تبقى صينى في النهاية

**hemaa_82** · 13-01-2015 03:00 PM

علي فكرة هوه اصلا كدة بس الناس فاهمة غلط ...

تصدق انا لما كنت لسة بشتري العربية ؟؟ كنت متوقع ان حساس المطر والنور الاوتوماتيك هيبوظو خلال شهر ... الحمد لله مفيش اي تلف لاي شئ .

ثم يعني لامؤاخذة يعني انت عندك ايه مش صيني ... ما حتي الماركات العالية بتتجمع في الصين عادي .... عقبال بس ما نقول ماهي مصري ولا مالناش في الحب نايب

**hugan** · 14-01-2015 11:06 AM

عربيه ممتازه اتظلمت في الدعايه

**ARKOON** · 15-01-2015 06:09 PM

معاك حق فعلا يا أ/ هيما قاعدة السوق = الصيت ولا الغنى الناس بتشوف المشهور والمنتشر مع ان الانفي عربية ممتازة جدا وانا فاكر لما روحت التوكيل اتفرج على العربية وسألتهم انتوا ليه مش عاملين دعايا كويسة للعربية ردهم كان انهم واثقين ان العربية هتسوق نفسها ومش محتاجين للدعايا وخصوصا كانت فترة انتشار الايمي والعيوب الي كان ظهرت قبل المعالجة فمعاك حق في وصفهم من المريخ : )