الموضوع: موتور المسَاحات !!

صباح الفل يا شباب ..

يا رب تكونوا بخير جميعا ..

النهارده الصبح الدنيا كانت ممطره علي إزاز العربيه أول لما نزلت من البيت ..

دورت العربيه وشغلت المساحات عشان تلم الميه دي ..

اشتغلت المساحات زي الفل .. وفضلت رايحه جايه قدامي وتمام التمام ..

وفجأه .. وقفت في نص الإزاز .. لا عاوزه تروح لا يمين ولا شمال ..

اجي احرك الدراع علي اي سرعه المساحات ما بتتحركش ..

ولا في ميه بتطلع من بزاز الميه

قومت خرجت من العربيه ورجعت المساحات لمكانها بايدي ..

وطول الطريق وانا سايق و جاي علي الشغل المطره شغاله الله ينور ..

آجي اجرب تاني احرك الدراع علي اي سرعه

لا حياه لمن تنادي ..

ده من ايه يا شباب ؟

موتور المساحات كده فيه حاجه ؟

عاوز يتغير ؟؟

ولا ده فيوز وضرب مثلا ولا ايه ؟؟؟؟

أفيدونا أفادكم الله ..

يبقى الموتور اتحرق او باظ