حساس ركن و لا كاميرا خلفية أفضل

**م أحمد** · 14-01-2015 09:13 AM

المشاركة الأصلية كتبت بواسطة ENG.MaRk

الحساسات أنواع كتير و مش كله بيقولك المسافة اللي فاضلة ... الكاميرات برضه أنواع كتير و بتختلف في زوايا الرؤية !!!
-فيه كاميرات بتجيب الoverview بتاع العربية و ديه موجودة في نيسان pathfinder علي سبيل المثال و ديه أكتر حاجة عجبتني فيها
-فيه أنواع حساسات زي بتاعت البي ام و ديه كويسة و صوتها مش مزعج و المسافة بتظهر علي الشاشة
الفكرة كلها في النوع اللي هتجيبه و كله بتمنه :)

لما سألت فى التوفيقية قالو لى ان الكاميرا بتيقى كاشفة الإكصدام بالكامل بس للأسف ما لقيتش عندهم حاجات وايرلس ولا هى ولا الحساسات و اكيد طبعا مفيش solar لتغذية الشاشة
أنا فعلا دورت على النت و لقيت حاجات كتير

بتاعة النيسان عاملة 45 دولار من غير الشاشة و بتكشف 170 درجة بس مش وايرلس و نقطة انها تجيب الoverview بالكامل أكيد مرتبطة ببرمجة كمبيوتر العربية على أبعادها يعنى مخصوصة للعربية دى بس

اللى يهمنى جودة الارسال بس بتاعت الوايرليس مش عايز و لا بلوتوث و لا افلام و لا حاجة من دى لان قالو انهم جابوه فترة بس كان بيعمل مشاكل على كلامهم ، و الله أعلم بجودة الحاجة اللى كانو جايبنها

**Yousef.Kamel** · 14-01-2015 09:25 AM

الكاميرا من وجه نظرى اكثر افاده وخصوصا فى الظﻻم ﻻنها بتكشف وكانه كشاف وممكن تركب شاشه صغيره (7 بوصه حوالى) اكثر شياكه من شاشه التاكسى المرأه وفيه ناس بتعمل الحساسات مع الكاميرا بس كتير من غير داعى

**Yousef.Kamel** · 14-01-2015 10:02 PM

انا ركبتها فوق النمره بنفس لمبه النمره

**م أحمد** · 21-01-2015 10:09 AM

المشاركة الأصلية كتبت بواسطة رامي مصطفى

السلام عليكم
الكاميرا الخلفيه تحفه انت بترجع للوراء وشايف فيها كل حصوايه ورا العربيه كانك سايق للامام
وبتجيب زاوية العربيه كلها وشايف كل حاجه لو جربتها هتعرف ان حساس الركن مالوش قيمه حمبها عربيتي فيها كاميرا خلفيه وصاحبي حساسات والله فرق السما والارض
الشاشه ايللي بتركب ع المرايا انا جايب نوع معقول ب 250ج فيها كل حاجه مدخل كاميرا وبلوتوث والزياده كمان مخرج فيديو موصله بشاشه ثانيه ع المسند ورا حاجه راءعه والكاميرا ب80ج والنضيفه بتاعت الرؤيه الليليه ب 110ج من المنصوره
لو حضرتك من القاهره هتبقى الاسعار احسن
رقمي 01119958076 لو محتاج اي استفسار تحت امرك
انا جبت الشاشه والكاميرا وانا ايللي ركبتهم وركبت الماميرا كمان وحفرتلها في الاكسدام وكل حاجه الموضوع ظريف جدا
وفيه برضوا كاميرا بتركب مكان نور النمر لو مش عايز تحفر في الاكسدام يالا هي اي خدمه

و عليكم السلام و رحمة الله و بركاته
متشكر لرد حضرتك
انا عارف طريقة التركيب بس المشكلة ان مش هينفع اركبها فى باب الشنطة لان مالهاش مكان فيه
غير كدة هيبقى فى حلية الاكصدام و دى لونها اسود و عيبها انه مكان بارز
او فى الاكصدام فوق النمرة و دا انسب مكان بس هضطر اخرم فى الشنطة علشان ادخل الاسلاك لو ما لقيتش سلك لمبة النمرة
بس اللى اعرفه ان التوصيل لازم مع لمبة نور المارشدير و لا لمبة نور النمرة بتنور هى كمان فى المارشدير ؟
و ان شاء الله هكلم حضرتك

**mr.moustafa** · 21-01-2015 08:25 PM

تتوصل فقط مع لمبة الريفرس
بالمناسبة كنت عايز اسأل الناس اللي ركبت شاشة مرايا ، ايه اخبار الريزليوشن بتاعها و سرعة عرض الافلام الكبيرة عليها و هل الافلام بتقطع ؟؟؟؟

**semmsem** · 21-01-2015 09:05 PM

انا ركبت كاميرا الاول
بس ماكنتش عارف اقدر المسافه
روحت مركب حساسات
لكن لو انت هاتختار واحده بس ...يبقى الحساسات عمليه اكتر

**عمرو عامر** · 17-07-2015 01:00 PM

بصراحه وعن تجربه الحساسات افضل بكتير والافضل والافضل والاحسن الاتنين مع بعض يكملو بعض الكاميرا والحساس

**ahmed ahmed** · 28-07-2015 11:37 AM

عن تجربة حساسات الركن افضل لكن مشكلتها بس انك بتخرم في الاكصدام ودي اكتر حاجه بتضايقني لو حد ريح عليك من غير قصد كذا مره بيتفكو لكن من ناحية الركن باليل بالذات والاماكن الضيقه الحساسات افضل بكتير