مشكلة في الة الجر

**Mahmoud Zahran** · 14-01-2015 01:52 AM

السلام عليكم
كيفكم ي ا اعضاء المنتدي يارب تكونو في صحبة وعافية
اليوم واجهتني مشكلة وهي وانا بطلع بالسيارة وي السيارة في غرز سهلة جدا لاي سيارة انها تطلع من المكان دا فا فوجئت ان السيارة بتعتي اثناء الفرك من جة اليمين هية الي شغالة بتفرك اما الشمال لا تفرك
فما الحل لهذة المشكلة
نوع السيارة دايو لانوس 2003

**م/أحمد عبد الفتاح** · 14-01-2015 02:13 AM

ده عادى فى العربيات الجر الثنائى إن العزم بيروح للعجلة إللى حركتها سهلة (اللى بتلف عالفاضى) وعلشان تطلع من حاجه زى كده بيبقى ليها عوامل كتير يعنى مثلاً شكل الكاوتش وحالته يعنى يكون ليه نقشة عريضة وعميقة وكمان يكون سليم مش ممسوح ـ وطبعاً تطلع عالأول لو العربية مانيوال أو تجيب الفتيس على ١ لو اوتوماتيك بالراحة مش بسرعة وتلف الدركسيون شمال ويمين بس مش بسرعة ومش للأخر علشان العجل يمسك فى اى حاجه - او ترمى شوية طوب قدام العجل مباشرة - تجيب مارشدير وتتحرك بسيط لورا وبعدين قدام تانى - ولو زهقت زقها :)

**Mahmoud Zahran** · 14-01-2015 10:24 PM

المشاركة الأصلية كتبت بواسطة م/أحمد عبد الفتاح

ده عادى فى العربيات الجر الثنائى إن العزم بيروح للعجلة إللى حركتها سهلة (اللى بتلف عالفاضى) وعلشان تطلع من حاجه زى كده بيبقى ليها عوامل كتير يعنى مثلاً شكل الكاوتش وحالته يعنى يكون ليه نقشة عريضة وعميقة وكمان يكون سليم مش ممسوح ـ وطبعاً تطلع عالأول لو العربية مانيوال أو تجيب الفتيس على ١ لو اوتوماتيك بالراحة مش بسرعة وتلف الدركسيون شمال ويمين بس مش بسرعة ومش للأخر علشان العجل يمسك فى اى حاجه - او ترمى شوية طوب قدام العجل مباشرة - تجيب مارشدير وتتحرك بسيط لورا وبعدين قدام تانى - ولو زهقت زقها :)

بالفعل كلامك مظبوت يا م/احمد انا عملت اختبار بالفعل وكونت حاطط العربية بنفس التوازي لكل الفرد ولاقيت الفردتين بيفركو اما لما كانت مغروزة كانت فردة غارزة قوي والفردة التاني مش قوي في الغرز وزي ما حضرتك قولت العزم بيروح للعجلة إللى حركتها سهلة (اللى بتلف عالفاضى)
شكرا جداا وربنا يبارك فيك

**م/أحمد عبد الفتاح** · 14-01-2015 10:39 PM

المشاركة الأصلية كتبت بواسطة mahmoud zahran

بالفعل كلامك مظبوت يا م/احمد انا عملت اختبار بالفعل وكونت حاطط العربية بنفس التوازي لكل الفرد ولاقيت الفردتين بيفركو اما لما كانت مغروزة كانت فردة غارزة قوي والفردة التاني مش قوي في الغرز وزي ما حضرتك قولت العزم بيروح للعجلة إللى حركتها سهلة (اللى بتلف عالفاضى)
شكرا جداا وربنا يبارك فيك

العفو وتحت أمر حضرتك