الموضوع: طقم الشنبر هل هو حل عملى لللماتريكس

السلام عليكم ، أنا عندى ماتريكس ٢٠٠٨ معايه من ٢٠١١ بدون اى مقدمات و أنا مروح لمبة الزيت نورت وقفت على الفور ورفعت العربية و على المكيانيكى قالى جوان وش سلندر مع أنى كاشف على الزيت والمياه قبل ما اخرج ، وفعلا غيرت الجوان وجربت لاقيت اللمبة لِسَّه منوره ، غيرت الحساس بتاع الزيت وبرده لِسَّه منوره ، المكيانيكى قال طلمبة الزيت كده هى السبب ، وفعلا فك الموتور تانى وغير الطلمبة ، وقالى الطلمبة والجوان بتاع السلندر متغيرين قبل كده ،المهم العربية بقت كويسه وغيرت الزيت بزيت جديد وكمان غيرت الريدياتير بواحد جديد اتوماتيك ،وبعد ٣ أسابيع اكتشفت ان الزيت بينقص زودته وروحه المكيانيكى لقى زيت من عندى وش التكيهات غيرت جوان وش التكيهات و اويل سيل التكيهات ، وبرده الزيت بينقص رجعت تانى راح مجرب وقرص على ألعربيه وهى واقفه طلعت دخان اسود من الشكمان و خرطوم البخر مش بيدخن بس فى شوية زيت عندى خرطوم الهواء بتاع العمة بتاعت الهواء ، وقال كده الموتور عايز طقم شمبر . السؤال ١ هل ده تشخيص صح ؟. السؤال ٢ هل اعمله دلوقتي ولا شويه ؟. السؤال ٣ مع الأخذ فى الاعتبار ان ده حصل قبل كده ودى تانى مره يتغير جوان وش السلندر اعمل طقم الشمبر ولا عمره ولا أغير موتور ؟ السؤال ٤ وتكلفه كل واحدة من ده فى حدود كام ؟ وجزاكم الله كل خير أرجو رد

المشاركة الأصلية كتبت بواسطة م أحمد

هل غيرت غطا الزيت اللى بنزود منه االزيت ؟ و هل فيه ترشيح تحته ؟

هل لمبة الزيت بتنور و الزيت جديد و لا مع مرور الوقت و الزيت اصبح قديم ؟

هل عرضت الموضوع عل كهربائى بحيث تتأكد أن اللمبة و حساس الزيت مفيهوش مشكلة ؟

آخر حاجة :فى حكمة بتقول فكر 100 و اشتغل مرة بس الميكانيكى دا فبيفكر مرة و يتشغل مرة و ياريت الحاجات القديمة اللى فكها تكون أخذتها

هو فعلا فى زيت بسيط تحت الغطاء . بس لمبة الزيت من ساعة ما غيرت الطلمبة و طفت .