الموضوع: حيره ما بعدها حيره برجاء المساعده

السلام عليكم ورحمه الله وبركاته

الاخوه الكرام / الموضوع كان في قسم زيت الفتيس ونقلته هنا بما انه له علاقه باسم القسم كيا
اللي اعرفه عن تغيير زيت الفتيس هو اني اغير الزيت كل 40 الف كيلو وكنت بروح التوكيل يغيرلي بمعرفته ودلوقت انا عملت 120 الف كيلو وحان الوقت لتغيير الزيت
روحت الشتري الزيت لقيته بيقولي دا بيتحمل 100 الف كيلو وسعره حوالي 350 طب ازاي يا عم الحج وانت بتغيرهولي كل 40 الف في الصيانات الدوريه واحترت جدا




روحت طالع علي هيونداي ولقيت عندهم الزيت ده بحوالي 140 وبيقولي بيعد 60 الف كيلو واللي حيرني اكتر انهم بيغيروه بعد 40 الف برضو في الصيانات الدورية








بعدها طلعت علي بترومين ولقيت الزيت ده بحوالي 300 وبيقولي بيتغير بعد 60 الف بس مش واثق فيهم




دلوقتي بقي انا حاسس اني قاعد في الامتحان وحاطت ايدي علي خدي ومش عارف احل حاجه ومحتار حيره السنين

وبفكر اجيب الزيت بتاع هيونداي واغيره بعد 40 الف ايه رايكم ؟