لانسر عيون صفية هى أفضل لانسر حتى 2008 حتى الان
أحبائى أود ان أخبركم بما قد عرفته وهو اننى كنت جالس مع موظف فى شركة سيارات ألمانية وهو يمتلك سيارة لانسر موديل 1991 (عيون صفية) وقاللى ان العربية دى افضل موديل نزل فى اللانسر حتى الان لان من اول موديل البطة بدأت الشركة يحصلها مشاكل وشكاوى بسبب عيوب فنية فى سياراتها مما ادى الى تغيير الادارة وتغيير سياسة الشركة الى فتح مصانع تابعة للشركة (mitsubishi) ولكن خارج اليابان مثل ماليزيا وكوريا وجنوب افريقيا مثلما حدث أيضا مع شركة تويوتا ولكن مع ميتسوبيشى كانت الصين تحديدا لان طبعا أجرة الايدى العاملة هناك منخفضة نوعا ما عن اليابان , يعنى العربية بتطلع باسم الشركة وبنفس العلامة التجرية ولكن المكونات يابانية والتجميع صينى او كورى او ماليزى او جنبوب افريقى ولكن عيون صفية هى الوحيدة اللى مكوناتها يابانية والتجميع كمان يابانى وعلى فكرة انا سوقت العربية بتاعت الراجل ده (عيون صفية) مع العلم انى سيارتى لانسر2001 ولكن بصراحة وبدون مبالغة لاقتها أنعم بكتير من سيارتى وسحبها شديد وراسية على الطريق اوى وبعدين بيقول انها موفوة جدا فى البنزين معاه بس انا كنت مزهول ان ازاى عربية موديل 1991 تبقى ناعمة كدة وراسية واحنا فى سنة 2008 أومال لما كان شاريها زيرو سنة 1991 كانت عاملة ازاى؟؟؟ كانت بتمشى من غير سواق؟؟؟؟ انا مش بتتريق بالعكس انا معجب اوى بالعربية دى وكمان بحترم شركة ميتسوبيشى لأنها تستحق الاحترام , بس طبعا هو الراجل تلاقيه كان مكتسب خبرة كبيرة من شغله فى المانيا علشان كدة كان مهتم بيها اهتمام خاص جدا ماهى عربيته بقى . معلش طولت عليكوا أنا اسف
وعلى فكرة دى صور السيارة الجامدة جدا ( عيون صفية)
