كالون شنطه رومستر

**Mazen_Yassien** · 20-01-2015 12:07 PM

السلام عليكم
انا معايا سكودا رومستر 2010 وحصل عندى مشكله ان الشنطه مش بتفتح وبعد زياره للمهندس خالد وتم فتح الشنطه و بعد الكشف على الكالون لقينا انه مش بيفتح برضه لكن واصله كهربا وكله تمام ومعلم فى التابلوه, المهم هوه قاللى غالبا الكالون باظ ومحتاج تجيب واحد تانى وكحل مؤقت وصفلى عنوان واحد بتاع مفاتيح وكوالين فى الحى التامن وبعد ما حل الكالون لقى فى ترس بلاستيك بايظ غيره بواحد تانى والحمد لله اشتغلت بس مش زى الاصلى يعنى ساعات لازم ادوس مرتين علشان افتح الشنطه وكذلك عند الغلق ممكن متقفلش من اول مره مع وجود صوت زى كده ورررررررررررر زى مايكون الترس بيلف زياده او حاجه زى كده , انا محتاج استشارتكوا يا خبراء السكودا فى المنتدى العزيز , انا كده عاوز اجيب كالون تانى تنصحونى بجديد ولا استيراد واجيبه منين لو استيراد لأنى مرحتش الحرفيين قبل كده وعرفش اى حاجه فيها وياترى كالون شنطه الرومستر متوافق مع اى موديل تانى فى سكودا وده هيسهل عملية البحث شويه , اسف على الاطاله ومستنى ردودكم

**Mazen_Yassien** · 26-01-2015 03:31 PM

شىء محبط جدا ليا ان اول موضوع ليا فى المنتدى وملاقيش ولا رد واحد

**abokoko** · 26-01-2015 04:08 PM

الرومستر مش منتشره
علسان كده مكن الردود تتاخر
اصبر
وان شاﺀ الله الاخوه في المنتدي يفيدوك

**EngAhmedSayed** · 28-01-2015 10:58 PM

صديقى العزيز
الصراحة الواحد فقد الامل فى موضوع الرومستر و كنت اتمنى حضور ليها من قبل الاعضاء
و علشان سيادتك من مالكى الرومستر هتابع معاك حل مشكلتك و ان شاء الله اى حاجة تانية و انا معاك
بخصوص كالون حضرتك ان شاء الله جارى البحث عنه
و ان شاء الله خير