بيجو ٣٠٨ موديل ٢٠١٥ الجديدة كلياً ولا بي إم ١١٨ أول فئة؟!

**OldVic** · 22-01-2015 07:21 AM

صباح الخير يا جماعة،

أنا رحت اتفرجت على البيجو ٣٠٨ الجديدة و عجباني جداً، موتور تربو ١٥٣ حصان (الوكيل بيقول ١٦٤ لكن ده غلط)، شاشة تاتش، سقف بانوراما و فوانيس full LED. تحفة فنية و فيها كل عناصر الأمان و ب ٢٣٥ ألف و ده في رأيي سعر ممتاز مقابل القيمة. لكن...بأفكر برضه في البي إم ال ١١٨ (١٧٠ حصان) أول فئة، زيرو موديل ٢٠١٤ ب ٢٩٠ ألف. متردد لأنها أول فئة، فوانيس هالوجين، من غير فتحة سقف، و مش معجب بالسماعات بتاعتها (و يستحيل ألعب فيهم بعد كده برضه). محتار و لازم آخد قرار النهاردة! ملحوظة: البي إم الفيس ليفت هتنزل في الصيف لكن مش فارق معايا الموضوع ده الصراحة، و ماقدرش استنى الفيس ليفت لأني بعت عربيتي بالفعل.

ده لينك لموضوع عامله أحد الزملاء عن بيجو الجديدة: http://www.nilemotors.net/Nile/455808-308-2015-a.html
و ده لينك مواصفات البي ام ال ١١٨ اول فئة (الأسعار غلط) http://www.bmw-egypt.com/eg/en/newve...8i_premium.pdf

**M.Radwan** · 22-01-2015 08:23 AM

أنا لو مكانك هختار البي إم

**OldVic** · 22-01-2015 09:12 AM

هو ده إحساسي برضه، بس ليه؟ التوقيع بتاعك مسخرة، هاهاهاها! و تقدر تضيف كمان إن البلد كان زمانها فضيت لأن كله بيبيع 'لدواعي السفر' :)

**hany63** · 22-01-2015 09:16 AM

المشاركة الأصلية كتبت بواسطة M.Radwan

أنا لو مكانك هختار البي إم

اعتقد ان عصر الولاء المطلق للماركه انتهى
والا مكنش حد يجيب كوري اغلى من الياباني و الفرنساوي يتفوق على ماركات معينه في الالماني
و انا كنت هجيب f30 بي ام و لما سقتها محستش بقمة الانبهار و في رائيي المتواضع ال 508 مثلا تتفوق عليها من كافة الوجوه ما عدا الدفع الخلفي و البريستيج
و قبل ما تقولي دي فئه و دي فئه اكبر اقولك طب ينفع اركب فئه اكبر و استمتع بيها اكتر و كماليتها اعلى و اوفر اكتر من 100 الف ؟
احنا حاليا في عصر العولمه و البيجو موتورها بي ام و فعلا تسلم ايديهم على فتيس ياباني اساتذة الاعتماديه
مش معنى كلامي انه يجيب 308 انا بس حبيت اوضح الموضوع شويه

**NaderNabil** · 22-01-2015 09:18 AM

انا ميال أكتر ناحية البيجو...

طبعاً لا يمكن مقارنة الDriving pleasure بتاع البي إم مع أي عربية تانية خصوصاً اما تكون جر أمامي لكن فيه حاجات تانية لازم تتحط في الحسبان و المسألة في الأخر Package بتاخدها على بعضها

من الحاجات اللي مخلياني متوجه ناحية البيجو أكتر:
1- الشكل الجديد و الملفت سواء من الداخل أو الخارج
2- الأوبشن (متروسة كماليات و مش ناقصها حاجة)
3- الأمان
4- المحرك الPRINCE اللي هو أصلاً معمول بالشراكة بين PSA و BMW و هو بالفعل نفسه المستخدم في ال 1Series
5- القيمة مقابل السعر

**ENG.MaRk** · 22-01-2015 09:44 AM

المشاركة الأصلية كتبت بواسطة hany63

اعتقد ان عصر الولاء المطلق للماركه انتهى
والا مكنش حد يجيب كوري اغلى من الياباني و الفرنساوي يتفوق على ماركات معينه في الالماني
و انا كنت هجيب f30 بي ام و لما سقتها محستش بقمة الانبهار و في رائيي المتواضع ال 508 مثلا تتفوق عليها من كافة الوجوه ما عدا الدفع الخلفي و البريستيج
و قبل ما تقولي دي فئه و دي فئه اكبر اقولك طب ينفع اركب فئه اكبر و استمتع بيها اكتر و كماليتها اعلى و اوفر اكتر من 100 الف ؟
احنا حاليا في عصر العولمه و البيجو موتورها بي ام و فعلا تسلم ايديهم على فتيس ياباني اساتذة الاعتماديه
مش معنى كلامي انه يجيب 308 انا بس حبيت اوضح الموضوع شويه

مع احترامي لرأي حضرتك ممكن تسمحلي أختلف معاك :)
أنا معايا ال508 و أخويا معاه 316i 2014 فعلاً لما بسوق عربية أخويا مش بحس بقمة الانبهار و مع ذلك ببقي مبسوط بس وضعي أنا مختلف لأني معايا في ألمانيا عربيات أحسن مليون مرة من أي عربية في مصر و مع ذلك البي ام سواقتها ممتعة جداً في مصر :) !!!
للأسف الشعب المصري شعب غلبان جداً و مش فاهم حاجة في العربيات (إلا طبعاً أعضاء المنتدي الجميل ده) و طريقة تفكيره في العربية بتخليني أشد في شعري ... علي سبيل المثال الحكم في مصر بيبقي علي أساس الفئة السعرية مش فئة العربية نفسها و كمان الشعب المصري بيفكّر في سعر إعادة البيع قبل شراء العربية نفسها و ديه حاجة هتخلي أي حد مش عارف يستمتع بالعربية !!!
ال308 عربية شيك جداً و كمالياتها توهم أي حد و مع ذلك أنا في مصر ماسيبش البي ام و أروح أركب بيجو لأن البي ام كيف لوحدها و في مقولة مش فاكر مين اللي كان بيقولها في المنتدي هنا بس عجبتني بتقول "أي حد معاه فلوس يقدر يركب مرسيدس بس مش أي حد معاه فلوس يقدر يركب بي ام" ... أتمني تكون حضرتك فهمت وجهة نظري ... Cars are made and bought for fun only !!!

**Kirolos Edward** · 22-01-2015 11:00 AM

انا كنت فاكرك بتتكلم علي 508 :"d قريت الرقم غلط مش متعود علي الرقم الجديد :""d
بصراحة كدا الموضوع اختلف ال308 حلوة بس انا هاختار البي ام لانها برستيج اعلي و شكلها احسن و الجر الخلفي

**M.Radwan** · 22-01-2015 11:35 AM

المشاركة الأصلية كتبت بواسطة hany63

اعتقد ان عصر الولاء المطلق للماركه انتهى
والا مكنش حد يجيب كوري اغلى من الياباني و الفرنساوي يتفوق على ماركات معينه في الالماني
و انا كنت هجيب f30 بي ام و لما سقتها محستش بقمة الانبهار و في رائيي المتواضع ال 508 مثلا تتفوق عليها من كافة الوجوه ما عدا الدفع الخلفي و البريستيج
و قبل ما تقولي دي فئه و دي فئه اكبر اقولك طب ينفع اركب فئه اكبر و استمتع بيها اكتر و كماليتها اعلى و اوفر اكتر من 100 الف ؟
احنا حاليا في عصر العولمه و البيجو موتورها بي ام و فعلا تسلم ايديهم على فتيس ياباني اساتذة الاعتماديه
مش معنى كلامي انه يجيب 308 انا بس حبيت اوضح الموضوع شويه

بص يا باشا، انت ممكن تقارن فعلا بين ال 308 وال 1series وقد تختار ال 308 ومش هزعل منك عشان ال 308 جديدة والأوبشنز وكده.
لكن تسيب ال 3series عشان البيجو ال 508، يبقى انت كده بتهزر أكيد! مين في العالم كله قالك انها أفضل من كل الوجوه؟!

**M.Radwan** · 22-01-2015 11:43 AM

المشاركة الأصلية كتبت بواسطة OldVic

هو ده إحساسي برضه، بس ليه؟ التوقيع بتاعك مسخرة، هاهاهاها! و تقدر تضيف كمان إن البلد كان زمانها فضيت لأن كله بيبيع 'لدواعي السفر' :)

ههههههههههه، الواحد بيشوف حاجات عجيبة في البلد دي.
الأسباب تتعلق بالأداء بتاع العربية زي ما موضح الأستاذ نادر نبيل في المشاركة دي:

المشاركة الأصلية كتبت بواسطة NaderNabil

انا ميال أكتر ناحية البيجو...

طبعاً لا يمكن مقارنة الDriving pleasure بتاع البي إم مع أي عربية تانية خصوصاً اما تكون جر أمامي لكن فيه حاجات تانية لازم تتحط في الحسبان و المسألة في الأخر Package بتاخدها على بعضها

من الحاجات اللي مخلياني متوجه ناحية البيجو أكتر:
1- الشكل الجديد و الملفت سواء من الداخل أو الخارج
2- الأوبشن (متروسة كماليات و مش ناقصها حاجة)
3- الأمان
4- المحرك الPRINCE اللي هو أصلاً معمول بالشراكة بين PSA و BMW و هو بالفعل نفسه المستخدم في ال 1Series
5- القيمة مقابل السعر

أنا من الباكيدج دي مش موافق غير على نقطة الشكل الجديد والأوبشن..والنقطتين دول مش مهمين بالنسبة لي جنب ال Driving pleasure والعزل والهاندلينج والدفع الخلفي.