صيانة 150.000 لنيسان تيدا

**scorpion_81** · 22-01-2015 12:11 PM

عندى استفسار انا عايز اعمل صيانة 150.000 لنيسان تيدا 2009 فحد يقدر يساعدنى اية الى هايتغير فى الصيانة دى , و هل تنصحونى انى اجيب قطع الغيار من مراكز بيع قطع غيار نيسان زى مثلن محمد جابر و اركبها برة التوكيل . شكرا

**amr011111** · 22-01-2015 12:29 PM

هتلاقى فى الدليل الحاجات اللى المفروض تتغير بس طبعاً اهم حاجه ان سير الكاتينه لو عدى من 40 لـ 50 الف كم من اخر مره غيرته قيها يبقى غيره وطبعا الزيوت والفلاتر وبقية السيور
ولو كده كده بتعمل صيانه بره يبقى هات القطع المؤثره من التوكيل زى سير الكاتينه

**scorpion_81** · 22-01-2015 12:53 PM

شكرا استاذ amr011111 على رد و اهتمامك,
هوة انا اقدر اشترى اى قطع غيار من التوكيل حتى لو انا مش هاركبها عندهم؟
وهل فى فرق مبين قطع غيار التوكيل و مراكز بيع قطع الغيار من حيث السعر؟
شكرا

**amr011111** · 22-01-2015 12:54 PM

طالما هتركب فى التوكيل يبقى هتشترى من التوكيل انما انا ردى كان على انك تشترى من بره وتركب بره

**beshoyyy** · 22-01-2015 01:42 PM

التيدا سير الكاتينة بتعها حديد مش بيتغير علي 50 الف كم
دة بيعيش و ماسمعتش عن حد غيرة
ممكن تكشف علية و تتاكد

**Omar_4ever** · 23-01-2015 02:31 AM

المشاركة الأصلية كتبت بواسطة scorpion_81

شكرا استاذ amr011111 على رد و اهتمامك,
هوة انا اقدر اشترى اى قطع غيار من التوكيل حتى لو انا مش هاركبها عندهم؟
وهل فى فرق مبين قطع غيار التوكيل و مراكز بيع قطع الغيار من حيث السعر؟
شكرا

تقدر تشتري من التوكيل حتى لو مش هتغير عندهم

قطع الغيار الأصلية ممكن تشتريها من التوكيل او من الموزعين المعتمدين زي محمد واحمد جابر

بس عيب محمد جابر انه بياخد الحاجة من التوكيل هنا في مصر ويبيعهالك بنفس السعر

في محل اسمه العالمية بيستورد بنفسه القطع الأصلية من اليابان فبيبقي سعرها ارخص بكتير جدا

ده ممكن تجيب من اي حاجة للعفشة زي المقصات والمساعدين وكده

السيور والبوجيهات خاصة تجيبها من التوكيل

كل الي اقدر اقولك عليه بالنسبة لعربية 150 الف :

بوجيهات لو مكنتش غيرتها قبل كده ودي تبقي مصيبة

سير مجموعة بيعمل حوالي 190 جنيه

زيت فيتس اواتوماتيك ضروووري جداا

فلتر هواء

تنظيف دورة التبريد كلها وتغير المياه بنوع كويس مش اقل من موبيل ( بلاش الجراكن الخضرا الغريبة المجهولة الهوية )

بص عالتيل الخلفي ضروري لو مكنتش غيرته

**scorpion_81** · 24-01-2015 01:09 PM

استاذ Omar_4ever شكرا جدا على المعلومات دى و على مساعديتك , بالنسبة للبوجيهات انا غيرتها مرة واحدة فى التوكيل تقريبا فى صيانة 60.000 الف , بالنسبة لى محل العالمية دة ممكن اعرف عنوانوة علشان اروحلوة , و هل هوة عندوة كل حاجة للتيدا, لا بصراحة انا عندى مشكلتين كبار فى العربية لو تقدر تساعدى فيهم,
1- عندى الانارة بتاعت عداد السرعة و البنزين مش بينورو تقريبا اتحرقوا مش عارف و روحت للتوكيل قلولى مش عارفين اية السبب ممكن نغير علبة الدركسيون(كلام مش مقنع)
2-الشكمان عندى فى مشكلة فعملى مشكلة فى سحبت العربية و استهلاك البنزين عالى و روحت للتوكيل قالولى عندك خبطة فى الشكمان فطبعا التوكيل مش بيصلح فقولى الشكمان كلوة بيتغير و مش موجود عندنا لو عايزوة هايجيلك بعد شهرين. فهل فى مكان كويس اقدر اروحو يصلحلى الشكمان دة. شكرا و اسف على الاطالة

**Omar_4ever** · 24-01-2015 03:18 PM

مكان محل قطع الغيار في شارع دمشق مصر الجديدة

مكان مركز الصيانة في الحرفيين مش هعرف اوصفلك مكانه بالظبط، بس انت لو رحت الحرفيين وسألت هنعرف توصل

**scorpion_81** · 24-01-2015 04:07 PM

حضرتك متعرفش اسم المركز اية بحيث لما اروح الحرفيين أسأل علية؟ , و دة مركز موثوق فية و ناس كويسة ؟

**amr011111** · 26-01-2015 07:59 AM

اللى اعرفه ان البوجيهات بلاتنيوم بتتغير كل 100 ألف كم

الموضوع: صيانة 150.000 لنيسان تيدا

LinkBack

أدوات الموضوع

عرض

صيانة 150.000 لنيسان تيدا - انشر الموضوع فى :

-

-

-

-

-

-

-

المواضيع المتشابهه

مقصات لنيسان تيدا

فرش لنيسان تيدا

كتالوجات الصيانة لنيسان تيدا

طاسات العجل لنيسان تيدا

تقرير مختصر عن صيانة الـ 5000 لنيسان تيدا ....

الكلمات الدلالية لهذا الموضوع

المفضلات

المفضلات

ضوابط المشاركة