ايه معلوماتكم عن الحاره الميته ؟

**ahmadelkady** · 22-01-2015 05:29 PM

السلام عليكم الاول ياربت تكونوا في صحه و خير :D

تعرفوا ابه عن الحاره الميته و المصطلح ده بيبكون بين سواقين النقل و اللي بينقلوا الكونتينر " الحاويه " ؟
طب انهي حاره ؟ اليمين ولا الشمال ؟
الموضوع ده ببساطه على ان دلوقتي المفروض العربيات النقل التقيل يمشوا على الحاره اليمين و لأن في نظام عندنا فتلاقي دايما في ناس ماشين على اليمين عكسي او موتوسكيلان او ... او ....
فبنلاقيهم * لو ملتزمين * ما شيين في الحاره اللي جميها و انت لو عاوز تعدي من الشمال لليمين و هتعدي النقل دي بيكون في نقطه عميا في المرايا و خصوصا لو هي مقطورتين او 3 مقطورات ولا حاجه فهو ممكن ميشوفش العربيه اللي جايه و يجي يمبن و لا حاجه و اللي يحصل بقى .
لو انت عاوز تشوف النقطه العميا زي اللي في الصور دي

فانت لما تكون هتعدي نقل كبير اهم حاجه تكون في الحاره اللي هتعدي منها متقطعهاش من الشمال لليمين فجأه و خد بالك لما تعدي مقطوره نبهه بالنور العالي و الكلاكس
اتمنى الموضوع ده ينال اعجباكم .

**amr011111** · 22-01-2015 06:08 PM

لو ركبت مرايتين صغيرين مدورين على كل مرايه واحده مش هيبقى فيه منطقه عمياء

**ahmadelkady** · 22-01-2015 06:57 PM

المشاركة الأصلية كتبت بواسطة amr011111

لو ركبت مرايتين صغيرين مدورين على كل مرايه واحده مش هيبقى فيه منطقه عمياء

اه علشان كده بنلاقي معظم السواقين للنقل بيركبوا كذا مرايه صغيره بزاوايا مختلفه جمب المرايه الكبيره الاصليه .

**S O P H O S** · 05-02-2015 02:58 PM

المشاركة الأصلية كتبت بواسطة amr011111

لو ركبت مرايتين صغيرين مدورين على كل مرايه واحده مش هيبقى فيه منطقه عمياء

بمعني ايه طيب رؤية المراية الطبيعية مش هتتغير بكده

**ahmadelkady** · 06-02-2015 12:34 AM

المشاركة الأصلية كتبت بواسطة s o p h o s

بمعني ايه طيب رؤية المراية الطبيعية مش هتتغير بكده

المرايه الصغيره المدوره دي بتجمع الرؤيه من الزوايا اللي المرابه العاديه مبتعرفش تجيبها و بالتالي مش هيبقى في نقطه عميا بقدر الامكان

**Anaslbda** · 06-02-2015 12:49 AM

بغض النظر عن النقل التقيل, موضوع النقطة العمياء بالنسبة لسواقتنا اليومية مبالغ فيه بصراحة. لما تحب تنقل من حارة لحارة تانية إدّيها بصّة سريعة لورا بطرف عينك قبل ما تكسر الطارة وشكراً.

**Elawany13** · 06-02-2015 09:59 AM

دلوقتى العربيات الحديثه فيها انظمة تحذير من النقط العمياء وحساسات وكاميرات وشغلانه
لو الانظمة ديه اختياريه للسيارات الملاكى الصغيرة المفروض الانظمة ديه تبقى اجبارية للتريلات والمقطورات
انا لسه متعور من تريلا قريب بسبب الموضوع ده

**ahmadelkady** · 08-02-2015 08:02 PM

المشاركة الأصلية كتبت بواسطة elawany13

دلوقتى العربيات الحديثه فيها انظمة تحذير من النقط العمياء وحساسات وكاميرات وشغلانه
لو الانظمة ديه اختياريه للسيارات الملاكى الصغيرة المفروض الانظمة ديه تبقى اجبارية للتريلات والمقطورات
انا لسه متعور من تريلا قريب بسبب الموضوع ده

كلامك صح و ربنا يسترها معانا و يعديها على خير