من فوازير فلشيتى العزيزة

**Maged_Samy** · 22-01-2015 07:07 PM

طبعاً انتو اكيد متابعين معايا موضوعى اللى فى اللينك ده :
http://www.nilemotors.net/Nile/455568-a.html
ده خلاص اتأكدت انه تلف جوان وش السلندر من ناحية المياه ..
الجديد بأه :
امبارح ماشى بالعربية عادى وقفت قبل البيت بشوية احط مياه ... زودت شوية مياه واذا بى اشم رائحة شياط من الكبوت فتخيلت اول الامر ان الريحة من جوان وش السلندر اللى بيموت ... وبعد اللف والشم لقيت الريحة طالعة من الدينامو .... راجعت على الانوار والكلاكس كله تمام والشحن عادى .... بس فوجئت بعدها بشوية ان امبير الحرارة على 70 وبعد كده اقل من 70 ... قلت اكيد الدينامو لما خرف حصل حاجة فى الامبير لانه تزامن مع الريحة ... ركنت فى الجراج وتانى يوم نازل رايح الشغل ... بفتح بالريموت مفيش ريموت فتحت بالمفتاح مفيش سنتر وابتديت ادرك ان البطارية ودعت (مع العلم انها جديدة )
ايه اللى فضى البطارية ؟؟؟؟؟ اكيد الدينامو اللى كان بيشيط ....
بس لو كان كده كانت هتفضى على الاخر كدة ؟؟؟
بييت البطارية على التونجر وغيرت الدينامو بواحد قديم كان عندى وطبعاً قواعدة مختلفة ودوخت شويتين ودارت وكله تمام ... وذهبت الى شغلى وطول الطريق الحرارة تحت ال 70 وبعدين توصل 70 ...
والمفاجأة .... بعد وصولى شغلى لقيت المروحة دايرة ومش بتفصل وثرموثتات الحرارة سايح والسلكين موصلين ببعض وريحة الشياط كانت طالعة منه وهو تحت الدينامو ..... يعنى الدينامو مظلوم ... وكمان امبير الحرارة سليم علشان التبريد كان زيادة لان المروحة شغالة علطول ...
تم تغيير الثرموثتات والكلبسات وكله تمام ... ورجعنا دلوقتى للمشكلة الاساسية بتاعت جوان وش السلندر انا كنت بغيره بنفسى بس بصراحة المرة دى مليش نفس والصحة مش سامحة اوى ... فقررت اروح للميكانيكى
معلش ان كنت طولت عليكم حبيت بس اشارككم فوازير فلشيتى وحلها يمكن حد يمر بنفس القصة .

**ehab mobarak** · 22-01-2015 08:53 PM

كان الله في عونك

**أحمد جودة** · 25-01-2015 02:09 AM

كان الله فى العون

**EngAhmedSayed** · 28-01-2015 10:25 PM

اية الاخبار يا مستر ماجد

**egyplan** · 06-06-2015 10:57 PM

احب اقولك على معلومة كده على الماشى يمكن تنفعك
الثرموستات لما بيضرب ده بسبب انه غالبا مبيبقاش اصلى ومش بتاع السيارة فلا يتحمل التيار المسحوب من المروحة وفى معظم الاحيان بيضرب
الحل عشان تريح مخك الكهربائى بيركب كتاوت على المروحة لتقليل التيار المسحوب عند بدء دوران المروحة مما يحمى من تلف الثرموستات

**aw2100** · 08-06-2015 11:16 PM

المشاركة الأصلية كتبت بواسطة egyplan

احب اقولك على معلومة كده على الماشى يمكن تنفعك
الثرموستات لما بيضرب ده بسبب انه غالبا مبيبقاش اصلى ومش بتاع السيارة فلا يتحمل التيار المسحوب من المروحة وفى معظم الاحيان بيضرب
الحل عشان تريح مخك الكهربائى بيركب كتاوت على المروحة لتقليل التيار المسحوب عند بدء دوران المروحة مما يحمى من تلف الثرموستات

لا ياباشا الترموستات بتضرب وتسيح لما تكون مركب مروحه قويه وبتسحب امبير عالى امبر من الامبير المصممه عليه الترموستات علشان كده بانصح اى حد مركب مروحه غير الأصليه بتاعه الفليشيا يركب كتاوت تقويه يحمى الترموستات !!!!