الموضوع: افضل برنامج navigation لعام 2015

السلام عليكم
يا رب تكونوا في صحه و خير على طول
اكيد احنا اليومين دول كل واحد معاه سمارت فون :D سواء اندرويد او ايفون او ويندوز فون حتى فعلشان نستغله كويس و احنا مسافرين مكان مرحتوش او حتى مش متأكد من الطريق بنروح للموبايل نفتح GPS و نشوف احنا فين او الطريق فين بالظيط و لو الواحد مبيشغلش باقه على طول يبقى يعني كل شويه يسحب رصيد فاحنا هنا نقولك على احسن برنامج تستخدمه
بالنسبه للاندرويد زي اللي معايا * انا معايا اس ثري :) *
لو انت فاتح باقه فمش فارقه زي ما قولنا
لو انت مبتفتحش بقا كتير زيي فانا جربت برامج كتير و انا شايف ان افضلهم هو sygic هو طبعا بفلوس لو اشتريته من الماركت بس انت دور على اي منتدي او بلوجر * عربي او اجنبي * و هتلاقيه كتير و دليل انه ناجح ان البرنامج اصلا غالي ممكن تقريبا 120 دولار لافريقيا و هو سهل الاستخدام
و اقولكم كمان على نصيحه حلوه انا ساعات بسجل المطبات " كنقاط هامه على الطريق " و بعمل تنبيه قبلها ب300 متر مثلا و بيعمل صوت معين انت مظبط فتعرف ان في مطب و تهدي لو انت مسافر بليل ولا حاجه
تاني برنامج للاندرويد هو HERE البرنامج ده شركه نوكيا اللي عامله و ميزته انه مجاني كله و نسخته لسه beta بس صراحه برنامج رائع بيعتمد برده على الGPS بس و البرنامج ده متوفر للايفون و الويندوز فون كمان
بالنسبه للايفون و الويندوز فون متوفر لهم HERE و Sygic بس طبعا الاندرويد ممكن اكتر حاجه تلعب فيه على راحتك سواء بروت او من غير رووت
انا ممسكتش ايفون بصراحه بس ممكن تقريبا يتعمله جيل بريك و لا حاجه و تفتح البرامج و تحمل sygic ولا حاجه
فانا عايز اعرف رأيكم برده في اللي بقوله :) انا عندي 19 سنه علشان كده كل حاجه دي في بالي و بحب استخدم الحاجات دي بتسهل عليا و لما بسافر مع بابا او خالي و يشوفها بينبسط كده بيها .
و اتمنى الموضوع ده ينال اعجابكم و تشاركوني بالبرامج كمان .

المشاركة الأصلية كتبت بواسطة amr011111

هل البرنامج ده ينفع يتحمل على موبايل سامسونج
ولو ينفع احمله منين

ينفع تحمله من على جوجل بلاي و هبعت لحضرتك لينك sygic على الخاص بعد شويه :)