امن كروت الشراء (Debit Card)

**SeiffoZ** · 24-01-2015 03:54 PM

انا معايا كارت (debit card) من بنك بشترى بيه من المحلات عادى.

بس السؤال دلوقتي، انا لما بشترى الراجل بيمشى الكارت فى الجهاز وخلاص، وبيتم الشراء ومجرد بمضي.

طب ايه اللي يمنع ان المحفظة لو وقعت منى حد يستخدم الكارت بالشراء وعلى ما اتصل اقفل الكارت يكون اشترى اللى نفسه فيه؟

بشوف ناس بتحط باسسوورد فى الكارت، بس اتقالى ان ديه الائتمان.

حد عنده فكرة ازاى نأمن الكارت اللى من غير باسوورد ده؟

**أبو آسر** · 24-01-2015 04:01 PM

أنا معايا ماستر كارد وبرده ممكن أشتري بيه من غير Pin وممكن أدخل ال Pin برده بس بقيت بفضل أدخل ال Pin علشان ممضيش على الفاتورة لأني لو مدخلتوش لازم أمضي ولو دخلته مش بمضي عادي
معرفش في حل للموضوع ده ولا لأ بس انت في جميع الأحوال لو الكارت وقع منك لا قدر الله بتتصل بالبنك فورا في أي وقت يقفلهالك فورا

**Secret-Man** · 24-01-2015 04:25 PM

اغلب الديبيت كده جوا مصر خارج مصر لازم pin اجبارى

**SeiffoZ** · 25-01-2015 11:22 AM

المشاركة الأصلية كتبت بواسطة أبو آسر

أنا معايا ماستر كارد وبرده ممكن أشتري بيه من غير Pin وممكن أدخل ال Pin برده بس بقيت بفضل أدخل ال Pin علشان ممضيش على الفاتورة لأني لو مدخلتوش لازم أمضي ولو دخلته مش بمضي عادي
معرفش في حل للموضوع ده ولا لأ بس انت في جميع الأحوال لو الكارت وقع منك لا قدر الله بتتصل بالبنك فورا في أي وقت يقفلهالك فورا

اه، بس هو ممكن على ما اقفله ممكن يكون الراجل اشترى كل اللى نفسه فيه ويمضي اى امضي وخلاص.
انا هسأل على موضوع الpin

**SeiffoZ** · 25-01-2015 11:31 AM

المشاركة الأصلية كتبت بواسطة 4fun14

انا الكارت بتاعى debit وله باص برضه مش لازم ائتمان يعنى,
كلم البنك واطلب منهم يخلولك الباصوورد نفس الباصوورد اللى بتسحب بيها من الماكينه عادى جدا
ده ائمن كتير فعلا ومتكسلش

انا هعمل كده فعلا