محتاج مساعدة ضروري من منهدسين السيارات

**ahmed_e_elsawy** · 25-01-2015 04:16 PM

أنا خريج هندسة ميكانيكا قوة 2014 وعندي بكرة interview في شركة سيارات معروفة,أنا لسة معرفش طبيعة الوظيفة لأني كنت مقدم CV بس مش مقدم لposition معين , عايز اعرف اراجع على إيه بظبط وهم بيبقوا طلبين اهي في الطلبة حديثة التخرج. مع العلم إني كنت بشتغل business development بقالي كذا شهر فأنا كنت بعيد نسبيا عن المجال.
يا ريت لو حد يقدر يساعدني يبقى ربنا يكرمه وكله بثوابه :D

**khaled_yassin** · 25-01-2015 05:47 PM

نصيحه منى بلاش موضوع شركات السيارات فلوسها مش حلوة ومجلها محدود وخصوصا انك باور
خليك فى مجال المقاولات احسن او شركات الكهرباء
بس لو ناوى وعجبك الموضوع يبى تاخد خبرها وتسيبها وتفتح حاجه خاصة ليك
ويا ريت تبعت ل م / هانى هتلاقيه عامل موضوع فى الهيونداى كان شغال فى توكيل غابور وهو ميكانيكا قسم سيارات

**ENG.MaRk** · 25-01-2015 07:11 PM

أهم حاجة الpersonal skills يعني حاول تتكلم بثقة ماتتلجلجش و تحاول تفهمهم إن الcritical thinking بتاعك كEngineer مستواه عالي و إنك هتقدر إن شاء الله تلاقي حل للمشكلة اللي هتواجهك :) !!!

**ahmed_e_elsawy** · 25-01-2015 10:02 PM

هو الفكرة مش فالفلوس دلوقتي يعني أنا معنديش مانع استثمر سنة أو سنتين فيوقت وفلوس بس اتعلم أنا بدرس engineering management دلوقتي وعايز اتخصص فلمجال ده قبل كده عايز آخد خبرة ممكنة من كل مكان زي ما قلت لحضرتك أنا شقال BD فيمكان محترم, ولو جت فرصة أحسن يبقى رزق من عند ربنا يعني الناس كلها قاعدة فيبيتها وكل مروح حتة يقول له مفيش vacancies. طيب أنا لذ ظبت personal كده تمام يعني مفيش حاجة محدد technical المفروض اذكرها لأني معنديش أي علم بموضوع صناعة وصيانة السيارات

**ENG.MaRk** · 26-01-2015 07:58 AM

المشاركة الأصلية كتبت بواسطة ahmed_e_elsawy

هو الفكرة مش فالفلوس دلوقتي يعني أنا معنديش مانع استثمر سنة أو سنتين فيوقت وفلوس بس اتعلم أنا بدرس engineering management دلوقتي وعايز اتخصص فلمجال ده قبل كده عايز آخد خبرة ممكنة من كل مكان زي ما قلت لحضرتك اأنا شقال BD فيمكان محترم, ولو جت فرصة أحسن يبقى رزق من عند ربنا يعني الناس كلها قاعدة فيبيتها وكل مروح حتة يقول له مفيش vacancies. طيب أنا لذ ظبت personal كده تمام يعني مفيش حاجة محدد technical المفروض اذكرها لأني معنديش أي علم بموضوع صناعة وصيانة السيارات

-لا الحكاية مش حكاية personal skills بس ... الفكرة كلها اللي هيعملك الinterview هيسألك أسئلة رخمة و كلها ملهاش علاقة بالعربيات أو بالمجال عامة ... معظم الأسئلة هتكون "ليه أختارك انت دوناً عن باقي الناس ؟!" و طبعاً لازم إجاباتك تبقي مختصرة مفيدة مقنعة و هيسألك مثلاً عن "How to deal with problems ?! " و انت المفروض ترد عليه بشياكة و تفحمه !!!
-بالنسبة بقي لموضوع إنك مش خبير قوي في مجال العربيات ف ديه هتعرف تتخطاها من خلال شغلك إن شاء الله و افتكر إن محدش اتولد خبير و في الشغل دائماً هتعلم و هتتعلم انت لسة شاب و قدامك طريق طويل ... ربنا يوفقك لما فيه الخير إن شاء الله :)
-بالنسبة بقي لموضوع الفلوس ده فمش عارف أقولك ايه لأن ليّ أصحابي اللي بيشتغلوا في العربيات في مصر متظبطين بس دول (مديرين عام ميني و مرسيدس في مصر) م.إ ع و م. ت ص

**Mecha** · 26-01-2015 09:11 AM

مهم جدا تعرف ال position اللي رايح عليه عشان تجهز,هات الاعلان عاوزين مهندس صيانة ولا مبيعات ولا قطع غيار ولا خطوط تجميع.وعلي الاساس دا تستدعي معلوماتك الفنية وتجهز ,في المقابله لو ظهرت تايه او مش فارقه معاك او اجابات دبلوماسية لاسئلة الموارد البشريه الساذجة من غير قلب technical فانت بره علي طول.
معروف انك حديث زيرو من غير خبرات او مهارات فايه اللي حيلتك تديه غير اللي درسته وعشان كدا طلبوا مهندس .فلازم تعرف تسوق نفسك والا متروحش