الموضوع: مشكلة مع توكيل غبور رايكم مهم

السلام عليكم اخوانى صقور هيونداى

عربية مراتى هى هيونداى I 10 موديل 2008 عاملة 13000 كيلو متر و انا ساكن فى حدائق الاهرام
والعربية مهمة جدا لينا و بسبب مشكلة فى الدبرياج رحت التوكيل اللى فى العبور

(مرحتش توكيل ابو رواش لانهم قبل كدة غيور لى السيور بما فيها سير الكتينة والعربية اتلخبطت خالص ورجعت لهم وقالو هى كدة وبعدين رحت لميكانيكى برة وظبط العربية وقالى ان العربية كانت متلخبطة بسبب ان سير الكتينة كان مقدم)

رحت التوكيل اللى فى العبوريوم السبت الماضى و المهندس قال ان العربية محتاجة تغير طقم دبرايج ويمكن تحتاج تغير ترس الفلام كمان او انا وافقت و بعد ما استنيت المهندس قال لى العربية هتبات وتعال بكرة خدها بكرة الى هو امبارح الاحد 25/1/2015 رحت اخد العربية امبارح الساعة 11:30 وبعدين دفعت 2400 جنيو ورحت استلم العربية لقيت الفرامل غاطسة خالص لانهم ماخدوش هواء اشتكيت للمهندس وخدها ورجعها للورشة و الفنى جوة قعد يشوح وزعلان ان العربية رجعت تانى اقعد حوالى 45 دقيقة لغاية ما خد هواء واتظبت الفرامل وخدت العربية وروحت البيت و النهاردة الصبح نزلت اخد العربية و المفاجاءة العربية مش عايزة تدور خالص مع ملاحظة ان التوكيل غير ترس الفلام قلت يمكن فى مشكلة فى البطارية نورت الانوار و الانتظار و كله بينور تمام لاكن العربيىة مش بتدور خالص وانا قلت دة اكيد بسبب ترس الفلام رحت الشغل وطلبت ونش واخد العربية واحضرها الى التوكيل تانى و المهندس بيقولى ان المشكلة مش فى الشغل بتاعهم و لكن المشكلة فى البطارية قلتلة اتفضل قيس البطارية و قيس الدينمو وبعدين احكم فعلا قاس الاتنين و هو قالى فعلا ان البطارية و الدينمو تمام اذا المشكلة فى شغاهم الغلط انا زهقت فعلا ومش عارف اعمل اية

اسف على الاطالة انا هاستنى التوكيل و اشوف هيقولوا لى اية....................